புதுடில்லி: இந்தியாவில், பிளாஸ்டிக் பைகள் பயன்பாட் டிற்கு முற்றிலும் தடை விதிப்பதற்கு பதிலாக, அவற்றின் தயாரிப்பு தொடர்பாக கடும் விதிமுறைகள் விதிக்க திட்டமிட்டுள்ளதாக சுற்றுச் சூழல் துறை அமைச்சகம் தெரிவித்துள்ளது.

 பிளாஸ்டிக் பைகள் தயாரிப்பு, பயன்பாடு மற்றும் கழிவுப் பொருள் மேலாண்மை விதிமுறைகள் குறித்து வரைவுக் குறிப்பு ஒன்று தயாரிக்கப்பட்டுள்ளது. இதுகுறித்து, சுற்றுச்சூழல் துறை அமைச்சகத்தை சேர்ந்த மூத்த அதிகாரி ஒருவர் கூறியதாவது: இந்தியாவில் பிளாஸ்டிக் பைகள் பயன்பாட் டிற்கு முற்றிலும் தடை விதிக்க முடியாது. புதிய விதிமுறையில், பிளாஸ்டிக் பைகள் தயாரிப்பு குறித்து கூறப்பட்டுள்ளது. அதில், 18து12 இன்ஞ் அளவு மற்றும் 40 மைக்ரான் தடிமனுக்கும் குறைவாக இருக்கும் பிளாஸ்டிக் பைகளுக்கு தடை விதிக்க திட்டமிடப்பட்டுள்ளது.

இதுகுறித்து, இறுதி திட்ட வரைவு இன்னும் பெறப்படவில்லை. பிளாஸ்டிக் பைகளுக்கு முற்றிலுமாக தடை விதித்தால், மக்கள் காகித பைகளுக்கு மாறும் சூழல் ஏற்பட்டு அதனால் ஏராளமான மரங்கள் அழிக்கப்படும் வாய்ப்பு உள்ளது. மேலும், ஒவ்வொரு பிளாஸ்டிக் பைகளிலும், அது மறுசுழற்சி செய்யப்பட்டதா, முதல் முறை தயாரிக்கப்பட்டதா, அதன் அளவு, தடிமன், தயாரிப்பாளர் பெயர், முகவரி,மாநில மாசு கட்டுப் பாட்டு ஆணையம் வழங்கிய பதிவு ஆகியவற்றை இந்தி, ஆங்கிலம் மற்றும் உள்ளூர் மொழிகளில் அச்சிடவும் அமைச்சகம் பரிந்துரைத்துள் ளது. இவ்வாறு அவர் கூறினார்.