Dinakaran resigned from his position as Chief Justice of Sikkim HC | சிக்கிம் ஐகோர்ட் தலைமை நீதிபதி பதவியிலிருந்து தினகரன் ராஜினாமா| Dinamalar

சிக்கிம் ஐகோர்ட் தலைமை நீதிபதி பதவியிலிருந்து தினகரன் ராஜினாமா

Added : ஜூலை 31, 2011
Advertisement
 
 
Advertisement
 
 
 
Advertisement

புதுடில்லி : சிக்கிம் ஐகோர்ட் தலைமை நீதிபதியாக பதவி வகித்து வருபவர் தினகரன். இவருக்கு எதிராக, வருமானத்துக்கு அதிகமாக சொத்து குவித்தது, அதிகாரத்தை பயன்படுத்தி, நிலம் ஆக்கிரமித்தது உள்ளிட்ட புகார்கள் கூறப்பட்டன. ராஜ்யசபாவில் கண்டனத் தீர்மானம் கொண்டு வரும் வகையில், இந்த பிரச்னை எழுப்பப்பட்டதை அடுத்து, மூன்று பேர் கொண்டநீதிபதிகள் குழுவை அமைத்து, தினகரனுக்கு எதிரான குற்றச்சாட்டுகள் குறித்து விசாரிக்கும்படி, ராஜ்யசபா தலைவர் அமீது அன்சாரி உத்தரவிட்டார். இந்த விசாரணைக்குழு, தினகரனுக்கு எதிராக, வேறு சில குற்றச்சாட்டுகளையும் சுமத்தியது. இதைத் தொடர்ந்து, சுப்ரீம் கோர்ட்டில் தினகரன் சார்பில் மனு தாக்கல் செய்யப்பட்டது.


இதை விசாரித்த சுப்ரீம் கோர்ட், கடந்த ஏப்ரல் 29ல், தினகரனுக்கு எதிரான விசாரணைக்கு இடைக்கால தடை விதித்திருந்தது. பின்னர், நீதிபதி சிங்வி தலைமையிலான பெஞ்ச் முன், இந்த வழக்கு, விசாரணைக்கு வந்தது. இதில் நீதிபதிகள் பிறப்பித்த உத்தரவில்," ராஜ்யசபாவால் நியமிக்கப்பட்ட, மூன்று பேர் கொண்ட குழுவின் விசாரணைக்கு தடை விதிக்க முடியாது. இக்குழு தெரிவித்த குற்றச்சாட்டுகளையும் நீக்க முடியாது' என குறிப்பிட்டு இருந்தனர். சுப்ரீம் கோர்ட்டின் இந்த உத்தரவை அடுத்து, நீதிபதி தினகரன் மீதான குற்றச்சாட்டுகள் குறித்த விசாரணை, மீண்டும் துவக்கவிருந்தது. இந்நிலையில், நேற்று தனது பதவியை நீதிபதி தினகரன் ராஜினமா செய்தார். தனது ராஜினமா கடிதத்தை ஜனாதிபதி பிரதிபா பாட்டீலுக்கு அனுப்பிவைத்தார்.


பின்னர் அவர் நிருபர்களிடம் கூறுகையில்," தொடர்ந்து நடைபெறும் நிகழ்வுகள் எனக்கு மகிழ்ச்சியளிப்பதாக இல்லை. நீதித்துறையில் தொடர்ந்து எனக்கு எதிராக தீங்கு விளைவிக்கும் நடவடிக்கைகளால் வருத்தம் அடைந்துள்ளேன். ' என்றார்.



Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை