Electricity tribunal cancelled Commission orders in favor of private electric company | தனியார் மின் நிறுவனத்திற்கு ஆதரவான ஆணைய உத்தரவு ரத்து: மின்சார தீர்ப்பாயம் அதிரடி| Dinamalar

தனியார் மின் நிறுவனத்திற்கு ஆதரவான ஆணைய உத்தரவு ரத்து: மின்சார தீர்ப்பாயம் அதிரடி

Advertisement
 
 
Advertisement
 
 
 
Advertisement
எழுத்தின் அளவு:
Advertisement
தனியார் மின் நிறுவனத்திற்கு ஆதரவான ஆணைய உத்தரவு ரத்து: மின்சார தீர்ப்பாயம் அதிரடி

புதிய மின்தடம் அமைப்பதில், தனியார் மின் நிலையத்திற்கு ஆதரவான ஒழுங்குமுறை ஆணைய உத்தரவை, மின்சார தீர்ப்பாயம் அதிரடியாக ரத்து செய்துள்ளது.


சென்னையை தலைமையிடமாகக் கொண்ட, "இந்த் பாரத்' என்ற தனியார் மின் உற்பத்தி நிறுவனம், தூத்துக்குடி மாவட்டம் சுவாமி நத்தம் என்ற இடத்தில், தலா 150 மெகாவாட் வீதம், இரண்டு நிலையங்களை அமைத்துள்ளது.


யார் செலவு செய்வது? இந்த நிலையத்தில் உற்பத்தியாகும் மின்சாரத்தை, தமிழக மின் வாரிய மின்தடத்துடன் இணைக்க, நடவடிக்கை மேற்கொள்ளப் பட்டது. இதற்காக, நிலையத்தில் இருந்து, 6 கி.மீ., தூரத்திலுள்ள மீளவிட்டான் துணைமின் நிலையத்திற்கும்; அருப்புக்கோட்டையிலுள்ள துணைமின் நிலையத்திற்கும்; மீளவிட்டானில் இருந்து, செக்கானூரணிக்கும், மொத்தம் மூன்று மின் தடங்கள் அமைக்க முடிவானது. இதற்கான செலவை, மின் வாரியம் ஏற்க வேண்டுமா அல்லது தனியார் மின் நிலையம் ஏற்க வேண்டுமா என்பது குறித்த வழக்கு, தமிழ்நாடு மின்சார ஒழுங்குமுறை ஆணையத்தால் விசாரிக்கப் பட்டது. கடந்த ஆண்டு, ஏப்ரலில் தீர்ப்பளித்த ஆணையம், "தனியார் நிறுவனம் ஏற்றுக் கொள்ளாத நிலையில், மின்தொடர் அமைக்கும் செலவை, மின் வாரியமே ஏற்க வேண்டும்,' என உத்தரவிட்டது.


புதிய உத்தரவு: இதை எதிர்த்து, புதுடில்லியிலுள்ள மின்சார தீர்ப்பாயத்தில், தமிழக மின் வாரியம் மேல்முறையீடு செய்தது. இந்த மனுவை, நீதிபதி கற்பக விநாயகம் தலைமையிலான பெஞ்ச் விசாரித்து, நேற்று தீர்ப்பளித்தது.


அதன் விவரம்: இந்திய மின்சார சட்டம் 2003ன் படி, தனியார் மின்நிலையங்கள் கண்டிப்பாக, தங்களுக்கான மின் தடங்களை சொந்தமாக அமைத்து, இயக்கி, பராமரிக்க வேண்டும். இதற்காக, யாரிடமும் அனுமதி பெறத் தேவையில்லை. அதேநேரம், மாநில மின்சார அரசு நிறுவனங்கள், மின் தொடரமைப்பு நிறுவனம் மற்றும் திறந்தவெளி மின் தட இயக்க விதிகள் மற்றும் சட்டங்களை பின்பற்றி, மின்தடங்களை அமைத்து, இயக்க வேண்டும். இதேபோல், பாதுகாப்பு தொடர்பாக, ரயில்வே மற்றும் தொலைத்தொடர்பு தடங்கள் பாதிக்காத வகையிலும், விபத்து தடுப்புக்கான பாதுகாப்பு விதிகளை பின்பற்றி, தனியார் மின் நிறுவனங்கள் மின்தொடர்கள் அமைக்க வேண்டும். இவ்வாறு கூறப்பட்டுள்ளது.


ஆணையத்திற்கு குட்டு: மேலும் தீர்ப்பு விவரம் வருமாறு: தனியார் மின் நிறுவனங்கள் தனிப்பட்ட மின்தடங்கள் அமைக்க, முழுச்செலவையும், அவர்களே ஏற்க வேண்டும். இதற்கு, அரசு மின்தொடர் நிறுவனம் மற்றும் மின் பகிர்மான கழகம் பொறுப்பாகாது. தங்களால் அந்த பணியை செய்ய முடியாவிடில், தொழில்நுட்பரீதியாக, அரசு மின் நிறுவனத்தின் உதவியை பெற்று, மின்தடங்களை அமைத்துக் கொள்ளலாம். எனவே, இந்த் பாரத் நிறுவனம், தூத்துக்குடியில் அமைக்க வேண்டிய மின் தடத்திற்கு, முழுச்செலவையும், அவர்களே ஏற்க வேண்டும். இதற்கு, தமிழக மின் வாரியம் பொறுப்பேற்க முடியாது. இதுகுறித்த வழக்கில், விதிகளை பின்பற்றாமல், தனியார் மின் நிறுவனத்திற்கு சாதகமாக, மாநில ஒழுங்குமுறை ஆணையம் பிறப்பித்த உத்தரவு ரத்து செய்யப் படுகிறது. இவ்வாறு தீர்ப்பளித்துள்ளனர்.


நிதியை திரும்ப பெறுமா மின் வாரியம்? இந்த் பாரத் நிறுவனத்திடமிருந்து, மின்சாரத்தை பெறும் வகையில், மின்சார வாரியத்தின் சார்பில், தனியாருக்கான மின் தடம் அமைக்கும் பணி, கடந்த மூன்று மாதங்களுக்கு மேலாக நடந்து வருகிறது. இதற்காக, 140 மீட்டர் நீளத்திற்கு, மின் தடம் அமைக்க குறைந்தது, 100 கோடி ரூபாய் செலவாகும் என, தோராயமாக மதிப்பிடப்பட்டு, முழுச்செலவையும், மின்சார வாரியமே செலவழித்து வருகிறது. தற்போது, மின் வாரியத்திற்கு ஆதரவாக தீர்ப்பு வந்துள்ளதால், செலவு செய்த பணத்தை மின் வாரியம் திரும்பப் பெறுமா என்ற கேள்வி எழுந்துள்ளது.


- நமது நிருபர் -


Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (10)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
DARMHAR - Los Angeles,யூ.எஸ்.ஏ
25-மே-201222:27:15 IST Report Abuse
DARMHAR 140 மீட்டர் நீளத்திற்கு மின் தடம் அமைக்க 100 கோடி ரூபாய் செலவு என்பது சரியல்ல. 140 கிலோ மீட்டர் நீளம் என்றிருக்க வேண்டும்
Rate this:
Share this comment
Cancel
adiyamaan - Athipatti,இந்தியா
25-மே-201212:01:44 IST Report Abuse
adiyamaan இதில் கழக அரசு உடனடியாக தலையிட்டு மக்களுக்கு பயன் தரும் விதமாக ஒரு முடிவை எடுக்க வேண்டும். எவ்ளவோ செலவு பண்றோம் (அரசு) இத பண்ணக்கூடாத?
Rate this:
Share this comment
Cancel
villupuram jeevithan - villupuram,இந்தியா
25-மே-201209:26:45 IST Report Abuse
villupuram jeevithan மின்சாரவாரியம் செய்தால் அதில் கொஞ்சம் காசு சுருட்டலாம்? அதற்கு விடவில்லையே?
Rate this:
Share this comment
Cancel
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
25-மே-201206:39:26 IST Report Abuse
மதுரை விருமாண்டி நீ அரிசி கொண்டு வருவியாம்... நான் உமி கொண்டு வருவேனாம்... ரெண்டு பேரும் ஊதி, ஊதி திம்போமாம்...
Rate this:
Share this comment
Cancel
Samy Chinnathambi - rayong,தாய்லாந்து
25-மே-201205:27:44 IST Report Abuse
Samy Chinnathambi இவங்களும் செய்ய மாட்டாங்க. அடுத்தவங்களையும் செய்ய விட மாட்டாங்க.
Rate this:
Share this comment
Cancel
Thangairaja - tcmtnland,இந்தியா
25-மே-201201:09:05 IST Report Abuse
Thangairaja இனிமேலாவது யார் செலவழிக்கனும்கரதுல மின்வாரியத்துக்கு தெளிவு ஏற்படுமா.....கட்டிங்க நெனைச்சு அடுத்து ஒரு தனியார் நிறுவனத்துக்காக செலவழிக்க போயிருவாங்களா......இவங்க சண்டையில மக்களுக்கு மேலும் மின்வெட்டை அதிகப் படுத்தாமலிருக்க வேண்டும்.
Rate this:
Share this comment
Cancel
தமிழ் சிங்கம் - chennai,இந்தியா
25-மே-201201:04:40 IST Report Abuse
தமிழ் சிங்கம் தனியார் மின் நிறுவனகளுக்கு செலவு அதிகரித்தால், யாரும் மின் உற்பத்தி செய்ய முன்வரமாட்டார்கள். ஏற்கனவே தமிழ்நாடு இருட்டில் இருக்கிறது. மின் தட்டுபாட்டை குறைக்க, தனியாருக்கு ஏற்படும் செலவை, அரசே ஏற்றால், மின் தட்டுபாடு குறையும்.
Rate this:
Share this comment
25-மே-201206:31:12 IST Report Abuse
அறிவாலயம் c / o போயஸ் கார்டன் அதே தனியார் நிறுவனம் தனது மின்சாரத்தை வேற்று மாநிலங்களுக்கும் விற்கும் உரிமை பெற்றுள்ளது. அதில் வரும் லாபத்தையும் ஓரளவு முதலீடு செய்துள்ள த நா அரசுடன் பகிர்ந்துகொள்வார்களா? இத்தனைக்கும் மின்சாரம் முழுவதும் நியாய விலைக்கு தமிழகத்துக்கே விற்கவேண்டும் என்ற ஒப்பந்தமும் இல்லாத நிலையில், அவர்களுக்காக நமது வரிப்பணத்தை எதற்கு வீணடிக்கவேண்டும்? இன்னும் இரண்டு வருடத்தில் தன்னிறைவு பெற்றபிறகு அந்த தடங்களை அகற்ற ஒப்புக்கொள்வார்களா? அல்லது அவர்கள் அந்த நிலையத்தை திடீரென்று மூடினால் நம்மால் தடுக்கமுடியுமா? அவர்கள் உமியை மட்டும் கொண்டுவருவார்களாம். ஊதி ஊதி தின்ன வேண்டுமாம் நல்ல நியாயம் இது...
Rate this:
Share this comment
சகுனி - ஸ்ரீபெரும்புதூர்,இந்தியா
25-மே-201217:32:52 IST Report Abuse
சகுனிரவி சப்போர்ட் பண்றத பாத்தா அது தானை தலைவருக்கோ சொக்க தங்கதுக்கோ சொந்தமான நிறுவனம் போல தெரியுதே...
Rate this:
Share this comment
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
25-மே-201222:58:44 IST Report Abuse
மதுரை விருமாண்டிதனியார், நமக்கு மின்சாரம் தராமல் தண்ணி காட்டுவார்களாம், ஆனால், அதை அடுத்த மாநிலத்துக்கு கொண்டு செல்ல, நாம் 100 கோடி தண்டம் அழ வேண்டுமாம்.. மின்துறைக்கும், மம்மிக்கும் எவ்வளவு கமிஷன் கொடுத்தார்கள் என்பதை வெளிச்சத்துக்கு கொண்டு வரவேண்டும்.....
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.