உணவில் தவறான அணுகுமுறையால் பாதிப்பு:சர்க்கரை நோய் கருத்தரங்கில் தகவல்| Dinamalar

பொது செய்தி

தமிழ்நாடு

உணவில் தவறான அணுகுமுறையால் பாதிப்பு:சர்க்கரை நோய் கருத்தரங்கில் தகவல்

Added : ஜூலை 26, 2010
Advertisement
 
 
Advertisement
 
 
 
Advertisement

சேலம்: ""உணவில் பல தவறான அணுகுமுறை நம்மிடையே உள்ளதால் பாதிப்பு ஏற்படுகிறது. ரத்த கொதிப்பு அதிகம் உள்ள ஒவ்வொருவருக்கும் தனித்தனியான உணவு முறை அவசியம்,'' என, எம்.ஜி., சர்க்கரை நோய் மருத்துவமனை டாக்டர் யுவராஜ் கூறினார். சேலத்தில் எம்.ஜி., சர்க்கரை நோய் மருத்துவமனையும், இந்திய சர்க்கரை நோய் படிப்பு மற்றும் ஆராய்ச்சி மையமும் இணைந்து சர்க்கரை நோயை குணப்படுத்துவது தொடர்பான மருத்துவ கருத்தரங்கு நடத்தின.
அதில், எம்.ஜி., சர்க்கரை நோய் மருத்துவமனை நிறுவனர் டாக்டர் யுவராஜ் கூறியதாவது: சர்க்கரை நோயை முழுமையாக குணப்படுத்த முடியாது. சர்க்கரை நோயை நல்ல கட்டுப்பாட்டுக்குள் வைத்து இருந்தால், 100 வயது வரை சந்தோஷமாக வாழலாம். சர்க்கரை நோய் பாதிப்பு 5 அல்லது 8 ஆண்டுகளுக்கு பின்னரே நோயாளிகளுக்கு அதற்கான அறிகுறிகள் தென்படுகிறது. இதனால், பல சர்க்கரை நோயாளிகள் மாரடைப்புடன் கண்டுபிடிக்கப் படுகின்றனர். பலர் பக்கவாதம், காலில் புண் ஏற்பட்டு காலை இழக்கும்போதும், கண்களில் சர்க்கரை இறங்கி கண் குருடான பின்தான் கண்டுபிடிக்கப்படுகின்றனர்.
ஆரம்ப காலத்திலேயே சர்க்கரை நோயை கண்டுபிடித்து, எச்.பி.ஏ.1சி 7 சதவீதம் அளவுக்குள் வைத்திருப்பவர்களுக்கு பாதிப்புகள் அவ்வளவு எளிதாக ஏற்படுவதில்லை. சர்க்கரை நோயாளிகளுக்கு எச்.பி.ஏ.1சி அதிகமாக இருந்து ஒரு சதவீதம் குறைந்தால் கூட மாரடைப்பு வரும் வாய்ப்பு 14 சதவீதம், மரணம் ஏற்படுவது 21 சதவீதம், ரத்தக்குழாய் அடைப்பு 43 சதவீதம், கண், கிட்னி பாதிப்பு ஏற்படுவது 37 சதவீதம் குறைகிறது.தவிர, சரியான உணவு முறை, முறையான உடற்பயிற்சி, மருந்துகள், ரத்தப் பரிசோதனைகள் மூலம் தான் எச்.பி.ஏ.1சி-யை சரியாக வைத்திருக்க முடியும்.உணவில் பல தவறான அணுகுமுறை நம்மிடையே உள்ளதால் பாதிப்பு ஏற்படுகிறது. ரத்த கொதிப்பு அதிகம் உள்ள ஒவ்வொருவருக்கும் தனித்தனியான உணவு முறை அவசியம். அரிசி, கோதுமை அனைத்திலும் சர்க்கரை ஒரே அளவு தான் உள்ளது. தினமும் 40 கிராம் அளவு நார்ச்சத்து உள்ள உணவை சேர்த்துக் கொள்ள வேண்டும். சர்க்கரை நோயாளிகளுக்கு ஒரே வகையான உணவுமுறை உகந்தது அல்ல. இவ்வாறு அவர் கூறினார்.கருத்தரங்கில் சென்னை அரசு கீழ்பாக்கம் மருத்துவ கல்லூரி பேராசிரியர் ஆனந்மாசஸ், அரசு மருத்துவ கல்லூரி சர்க்கரை நோய் இயக்குனர் ராஜேந்திரன், கோவை அரசு மருத்துவ கல்லூரி சர்க்கரை நோய் துறை பேராசிரியர் தர்மராஜ், இருதயநல மருத்துவர் ராஜ்பால் உட்பட சேலம், நாமக்கல், தர்மபுரி, ஈரோடு மற்றும் கோவை மாவட்டத்தில் இருந்து சுமார் 300க்கும் மேற்பட்ட டாக்டர்கள் பங்கேற்றனர்.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை