- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- கல்லூரிகளில் இனி ஆங்கிலம் தான் உத்தரவால் மாணவர்கள் கலக்கம் மே 26,2013
- பழம்பெரும் பாடகர் டி.எம்.சவுந்தர்ராஜன் மறைவு மே 26,2013
- தே.மு.தி.க., - காங்., - பா.ம.க.,வை கூட்டணிக்கு இழுக்க தி.மு.க., திட்டம் மே 26,2013
- குருபெயர்ச்சி - கட்சி தலைவர்களுக்கு சாதகமா? பாதகமா? மே 26,2013
- மத்திய அரசின் நான்கு ஆண்டு ஆட்சி - சாதனையா, வேதனையா? மே 26,2013
- இன்று
- கடந்த வாரம்
- கடந்த மாதம்
கோவை: விபத்தில் காயமடைந்து, சிகிச்சை பலனின்றி இறந்த கல்லூரி மாணவியின் உடல் உறுப்புகள், முகம் தெரியாத ஏழு பேரின் உயிரை காப்பாற்றி உள்ளது.
கோவை, ரத்தினபுரியை சேர்ந்தவர்கள் மணியன்- கலாமணி தம்பதி. மணியன் ஒர்க்ஷாப் உரிமையாளர். இவர்களுக்கு இரு பெண்கள். மூத்த பெண் சரண்யா, 21, கோவில்பாளையம் அருகில் உள்ள தனியார் இன்ஜினியரிங் கல்லூரியில், பி.இ.,(இ.சி.இ)இறுதி ஆண்டு படித்து முடித்து, "ரிசல்டு'க்காக காத்திருந்தார். வளாக நேர்காணலில், "இன்போசிஸ்' நிறுவனத்தால் தேர்வு செய்யப்பட்டு, இம்மாத இறுதியில் பணியில் சேர இருந்தார். இந்நிலையில், தனியார் நிறுவனத்தில் தற்காலிகமாக, "பிளேஸ்மென்ட் டிரெய்னர்' வேலையில் சேர்ந்தார். கடந்த 29ம்தேதி வேலை நிமித்தமாக, சரண்யா மற்றும் கம்பெனி ஊழியர்கள் ஐந்து பேர், காரில் ஈரோடு சென்று விட்டு, கோவை திரும்பும்போது, சித்தோடு அருகில் கார் விபத்துக்குள்ளானது. இதில் சம்பவ இடத்தில் இரு பெண்கள் உட்பட மூவர் இறந்தனர். பலத்த காயமடைந்த சரண்யா, கோவை கே.எம்.சி.எச்., மருத்துவமனையில் அனுமதிக்கப்பட்டார்.
ஒரு வாரமாக சிகிச்சையில் இருந்த சரண்யாவுக்கு நேற்று முன் தினம் "மூளைச்சாவு' ஏற்பட்டது. இதனால், படிப்படியாக உடல்நிலை மோசமடைந்து, நேற்று இறந்தார். அதிர்ச்சியடைந்த பெற்றோர், அதிலிருந்து மீண்டு மகளின் உடல் உறுப்புகளை தானம் செய்ய முடிவெடுத்தனர். மருத்துவமனை நிர்வாகத்திடம் தங்களின் முடிவை தெரிவித்தனர். டாக்டர்கள் குழு, சரண்யாவின் கண்கள், இதயம், சிறுநீரகம் உள்ளிட்ட உறுப்புகளை, பாதிக்கப்பட்ட எழு பேருக்கு பொருத்தினர். சரண்யாவின் உடல் உறுப்புகள், முகம் தெரியாத ஏழு பேரின் உயிரை காப்பாற்றி, வாழ்ந்து கொண்டிருக்கிறது.
சரண்யாவின் தந்தை மணியன் கூறியதாவது: பள்ளி பருவம் முதலே சரண்யா துடிப்பான, தைரியமான பெண். படிப்பில் படுசுட்டி. எந்தவொரு போட்டியானாலும் பயப்படாமல் கலந்து கொள்வாள். கல்லூரியில் கடைசி செமஸ்டர் "ரிசல்ட்' கடந்த 28ம் தேதி வெளியானது. அதில், 95 சதவீத மதிப்பெண்கள் பெற்று தேர்வாகியிருந்தாள். ரிசல்ட் வெளியான அடுத்த நாளே விபத்தில் சிக்கிவிட்டாள். மூளைச்சாவு ஏற்பட்டதால், எவ்வளவு முயன்றும் காப்பாற்ற முடியவில்லை. ஆசையாய் வளர்த்த மகளை, வெறுமனே புதைக்க மனமில்லாமல், அவளின் உடல் உறுப்புகளை தானம் செய்ய, நானும் என் மனைவியும் முடிவெடுத்தோம். எங்கள் மகள் எங்களை விட்டு பிரிந்தாலும், அவளின் உடல் உறுப்புகளை தானமாக வழங்குவதன் மூலம், இன்னும் உயிர் வாழ்ந்து கொண்டிருக்கிறாள் என நம்புகிறோம். இவ்வாறு, அவர் தெரிவித்தார்.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
சரண்யா அவர்களின் பெற்றோருக்கு,சோகமான சூழலில் ஒரு வீரமான முடிவு. சரண்யா இறந்தும் வாழ்கிறாள். அவர் தம் ஆத்மா சாந்தி அடைய ஆண்டவனிடம் பிராத்தனை செய்வோம். G .முத்து குமார். அன்பில்-TRICHY
உள்ளத்தில் நல்ல உள்ளம் எப்போதுமே நீங்கா உறக்கத்தில் விழாது. என்றும் வாழ்ந்து கொணடே இருக்கும். நான்கு வருடங்களுக்கு முன் ஒரு ஹிதேந்திரன் . இன்று சகோதரி சரண்யா. சகோதரியின் ஆன்மா சாந்தி அடைய எல்லாம் வல்ல இறைவனை பிரார்த்திப்போம்.
சரண்யாவின் மரணம் துர்பாக்கியமானது. நம் நாடு ஒரு துடிப்பான இளம் பொறியியல் வல்லுனரை இழந்துவிட்டது. அவரது ஆத்மா சாந்தியடைய இறைவனிடம் பிரார்த்திக்கிறேன் மேலும் பெற்ற மகளை பிரிந்துவாடும் மணியன் கலாமணி தம்பதியினருக்கு எனது ஆழ்ந்த இரங்கலைத் தெரிவித்துக்கொள்கிறேன். மேலும் துயரத்திலும் தங்களது மகளின் உடல் உறுப்புகளைத் தானம் செய்தது மனிதநேயத்தின் உச்சகட்ட எடுத்துக்காட்டு. அவர்களை சிரம் தாழ்த்தி வணங்குகிறேன்.
சரண்யா பெற்றோர்கள் போற்றப்பட வேண்டியவர்கள்.. சரண்யா ஆத்மா சாந்தியடைய இறைவனை பிராத்தனை செய்வோம்.
இறைவன் அந்த குடும்பத்திற்கு அமைதியை தரவேண்டும் என்று பிரார்த்தனை செய்வோம் அவருடைய தந்தை மதிமுகவில் பணியாற்றிவருகிறார் வைகோவின் பசறையால் பணிபுரிபவர்கள் எல்லாம் இது போன்ற தியாகம் செய்பவர்கள்தான் அந்தவகைஎல் மணியன் அவர்களை பாராட்டுவோம் .
கௌரிசங்கர்
எல்லாம் வல்ல இறைவன் சொல்லொண்ணா துன்பத்தில் வாடும் மணியன் - கலாமணி தம்பதிகளின் ஆத்மாவிற்கு அமைதியை வழங்க பிரதிகின்றேன்
எல்லாம் வல்ல இறைவன் இந்தப் புனித பெற்றோருக்கும் மற்றும் அவர்தம் மகள்களுக்கும் சொர்க்கத்தில் உயரிய பதவியை தருவானாக ஆமீன் மணியன்-கலாமணி தம்பதியரின் பெருந்தன்மைக்கு வணக்கங்கள் ஒவ்வொரு நல்லிதயமும்... ஏன்? நாடே உங்களை வாழ்த்துகிறது
இருவரின் ஆத்மா சாந்தி அடைய எல்லாம் வல்ல இறைவனை பிரார்த்திக்கிறேன் - சந்திரசேகரன், சவுதி அரேபியா
சரண்யா வின் ஆத்மா சாந்தி அடைய நான் இறைவனை ப்ராதிர்க்குறேன்,சரண்யா வின் பெற்றோருக்கு என் ஆழ்ந்த இரங்கலை தெரிவித்துகொள்கிறேன்
உயிர்போன பின்பும் மற்றவர்களை உயிர்வாழ வைத்த சகோதரி சரண்யாவின் ஆன்மா சாந்தியடைய மனமுருகி வேண்டிக்கொள்கிறேன்.சரியான நேரத்தில் மிகச்சரியான முடிவெடுத்த அவரது பெற்றோரை வாழ்த்த வார்த்தைகளில்லை.அவர்களுக்கு தலைவணங்குகிறேன்.இதுபோன்ற செயல்களை பிற்காலத்தில் செய்வதற்கு நாமும் நம்மை பக்குவபடுத்தி கொள்ளவேண்டும்.
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us