Dinamalar

மும்பை:மத்தியில், ஆளும் ஐ.மு., கூட்டணிக்கு, தேசியவாத காங்கிரஸ் ஏற்கனவே கடும் நெருக்கடி கொடுத்து வரும் நிலையில், மகாராஷ்டிராவில் முதல்வர் பிருத்விராஜ் சவானுக்கு எதிராக, காங்கிரஸ் எம்.எல்.ஏ.,க்கள் 42 பேர் அதிருப்தி தெரிவித்து, போர்க்கொடி தூக்கியுள்ளனர்.
தேசியவாத காங்கிரஸ் தலைவரும், மத்திய விவசாய அமைச்சருமான சரத் பவாருக்கு, மத்திய அமைச்சரவையில் இரண்டாவது இடம் அளிக்கப்படாதது, பெரும் பிரச்னையை ஏற்படுத்தியுள்ளது. சரத் பவாரும், அவரது கட்சியை சேர்ந்த மற்றொரு மத்திய அமைச்சருமான பிரபுல் படேலும், அமைச்சரவைக் கூட்டங்களில் பங்கேற்காமல் புறக்கணித்து வருகின்றனர். மத்திய அரசுக்கு அளித்து வரும் ஆதரவையும், மகாராஷ்டிராவில், பிருத்விராஜ் சவான் தலைமையிலான கூட்டணி அரசுக்கு அளித்து வரும் ஆதரவையும், தேசியவாத காங்., வாபஸ் பெறும் என்ற, பேச்சு எழுந்துள்ளது.
ஆபத்து:இந்நிலையில், மகாராஷ்டிராவில் முதல்வர் பிருத்விராஜ் சவானுக்கு, காங்கிரஸ் கட்சிக்குள்ளேயே, கடும் எதிர்ப்பு எழுந்துள்ளது. அந்தக் கட்சியைச் சேர்ந்த 42 எம்.எல்.ஏ.,க்கள், முதல்வர் பிருத்விராஜ் சவானின் செயல்பாடுகளை எதிர்த்து, கட்சித் தலைவர் சோனியா, கட்சியின் மாநில தலைவர் மாணிக் ராவ் தாகூர் ஆகியோருக்கு, கடிதம் எழுதியுள்ளனர்.அந்த கடிதத்தில், "அரசின் தற்போதைய செயல்பாடுகளை மாற்றவில்லை எனில், அடுத்து வரும் தேர்தலில் நாம் வெற்றி பெறுவது சிரமம் என, முதல்வருக்கு ஏற்கனவே அறிவுறுத்தினோம். ஆனாலும், அவர் அதை கண்டுகொள்ளவில்லை' என, கூறியுள்ளதாக, அரசியல் வட்டாரங்கள் தெரிவிக்கின்றன. குறிப்பாக, தங்கள் தொகுதிகளில் வளர்ச்சித் திட்டங்களை நிறைவேற்றுவதற்கு, முதல்வர் அனுமதி மறுப்பதாக, இவர்கள் புகார் தெரிவித்துள்ளனர்.

காரணம் என்ன?
ஆனால், முதல்வர் பிருத்விராஜ் சவான், கூட்டணிக் கட்சியான தேசியவாத காங்கிரசை, ஊழல் நிறைந்த கட்சியாக படம்பிடிக்கும் முயற்சியில் இறங்கியதே, தற்போது ஏற்பட்ட பிரச்னைகளுக்குஅடிப்படைக் காரணமாக உள்ளது. சரத்பவாரின் மருமகன் அஜீத் பவார் வகிக்கும் நீர்ப்பாசனத் துறையில், கடந்த சில ஆண்டுகளாக நடந்த ஊழலை, வெளிக் கொண்டு வரும் வகையில் வெள்ளை அறிக்கை தயாரிக்க முற்பட்டது, அதிக அதிருப்தியை ஏற்படுத்தியுள்ளது. மேலும், மாநிலத்தில் உள்ள பல்வேறு கூட்டுறவு வங்கிகளில் நடந்த முறைகேடுகள் பற்றியும் விசாரிக்க முற்பட்டதும், இரு கட்சிகளிடையே அதிருப்தி அதிகரிப்பதற்கு காரணமாக அமைந்தது. மகாராஷ்டிராவில், தங்கள் எதிர்காலம் பாதிக்கப்படுவதை சிறிதும் அனுமதிக்க விரும்பாத, தேசியவாத காங்கிரஸ் கட்சித் தலைவர், சாமர்த்தியமாக, மத்திய அரசு கூட்டணிக்கு நெருக்கடி தரத் துவங்கியுள்ளார் என்று கூறப்படுகிறது. அதே சமயம், மத்தியில் பவார் கூட்டணியில் தொடர வேண்டும் என்றும், மாறுபட்ட முடிவுகளை எடுத்து விடாமல் சமாளித்தாக வேண்டும் என்ற நிலையில் காங்கிரஸ் மேலிடம் உள்ளது.மகாராஷ்டிர அரசு கூட்டணிக் கட்சி அதிருப்தியில் தவிக்கும் போது, காங்கிரஸ் கட்சி எம்.எல்.ஏ.,க்கள் அதிருப்தி தெரிவித்திருப்பது அந்த அரசின் தள்ளாட்டத்தை அதிகப்படுத்தியிருக்கிறது.
காங்., மாநில தலைவர் மாணிக் ராவ் தாகூர் கூறுகையில்,""முதல்வருக்கு எதிராக