sambavam news | கோவில் திருவிழா நிறுத்தப்பட்டதால் கண்ணீர் விட்டு கதறி அழுத மக்கள்| Dinamalar

சம்பவம் செய்தி

தமிழ்நாடு

கோவில் திருவிழா நிறுத்தப்பட்டதால் கண்ணீர் விட்டு கதறி அழுத மக்கள்

Added : ஆக 01, 2012 | கருத்துகள் (2)
Advertisement
 
 
Advertisement
 
 
 
Advertisement
கோவில் திருவிழா நிறுத்தப்பட்டதால் கண்ணீர் விட்டு கதறி அழுத மக்கள்

சின்னசேலம்: சின்னசேலம் அருகே பாண்டியங்குப்பத்தில் கோவில் தேரோட்டம் நிறுத்தப்பட்டு, சாமிகளை கோவில் கருவறைக்குள் கொண்டு சென்றதால், மக்கள் கதறி அழுதனர். விழுப்புரம் மாவட்டம் சின்னசேலம் அடுத்த பாண்டியங்குப்பம் கிராமத்தில் சோலையம்மன், கருப்பையா, அய்யனார் கோவில் உள்ளது. இக்கோவில் திருவிழா கடந்த 27ம் தேதி துவங்கி நடந்து வந்தது. நேற்று முன்தினம் தேரோட்டம் நடக்க இருந்தது. அப்போது, தேர் வடம் பிடிப்பது தொடர்பாக இரண்டு பிரிவினரிடையே பிரச்னை ஏற்பட்டது. விழுப்புரம் போலீசார் இரு தரப்பினரை அழைத்து நடத்திய பேச்சு வார்த்தையில் சுமுக தீர்வு ஏற்படாததால், தேரோட்டம் நிறுத்தப்பட்டது.
தொடர்ந்து அங்கு பதட்டமான சூழல் நிலவியதால், டி.எஸ்.பி., சரவண குமார் தலைமையில் பலத்த போலீஸ் பாதுகாப்பு ஏற்பாடு செய்யப்பட்டது. தேரோட்டம் நிறுத்தப்பட்டு, திருவிழா நின்று போனதால் நேற்று, ஆற்றங்கரை கோவிலில் இருந்து சோலையம்மன் மற்றும் கருப்பையா, அய்யனார் சாமிகளுக்கு பூஜைகள் செய்தனர். பின்னர், போலீஸ் பாதுகாப்புடன் கோவில் கருவறைக்குள் உள்ள பாதாள அறையில் வைக்க ஊர்வலமாக சாமி சிலைகள் எடுத்துச் செல்லப்பட்டன. இதைப் பார்த்து, கிராம மக்கள் துக்கம் தாளாமல் கண்ணீர் விட்டு கதறி அழுதனர்.

Advertisement

இதையும் தவறாமல் படிங்க ...



Advertisement

வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nathan - Manama,பஹ்ரைன்
02-ஆக-201214:44:51 IST Report Abuse
Nathan கிராமங்களின் காவல் தெய்வங்கள் வழிபாடு, தேரோட்டம், திருவிழா எல்லாம் நமது பண்பாட்டு -கலாசார அடையாளங்கள். கோஷ்டி பூசல்கள் தவிர்க்கப்பட வேண்டியவை.
Rate this:
Share this comment
Cancel
lingam Maha - Muara,புருனே
02-ஆக-201210:32:58 IST Report Abuse
lingam Maha ரொம்ப கஷ்டம்ப,எப்போ திருந்த போறிங்களோ, சீனா, லண்டன் ஒலிம்பிக்கில் பதக்க பட்டியலில் முதல் இடத்தில இருக்கான்,நம்ம இந்த தேரை படாத பாடு படுதுறோம், தமிழா எப்போ திருந்த போறோம், முடியலை
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை