Dinamalar

பதிவாகி உள்ளவற்றை, அதிகாரிகள் ஆய்வு செய்தனர். அதிலும் எந்த துப்பும் கிடைக்கவில்லை. தையல்காரர் மீது சந்தேகம்: குண்டு வெடிப்பு குறித்து போலீஸ் உயரதிகாரி ஒருவர் கூறுகையில், ""புனே நகரில் குண்டு வெடிப்புகள் நிகழ்ந்த ஒரு பகுதியான பால்கந்தர்வா தியேட்டர் அருகே, தயானந்த் படேல் என்ற தையல்காரர் ஆர்வ மிகுதியால் அங்கு கிடந்த பையை எடுத்தபோது, அதிலிருந்த குண்டு வெடித்துள்ளது. இதனால், அவருக்கு காயமேற்பட்டுள்ளது. அவருக்கும், இந்த சம்பவத்திற்கும் தொடர்பு இருக்கலாம் என சந்தேகிக்கப்படுவதால், மருத்துவச் சிகிச்சைக்கு பின் அவரிடமும் நேற்று விசாரணை நடத்தப்பட்டது. அவரது மனைவியிடமும் போலீசார் விசாரித்தனர்.
கைக்கடிகாரம்: இதற்கிடையில், புனே நகரில் குண்டு வெடிப்புகளை நிகழ்த்த, கைக்கடிகாரம் டைமர் போல பயன்படுத்தப்பட்டிருப்பதாகவும், டெட்டனேட்டர்களை வெடிக்கச் செய்ய புதிதாக மூன்று சைக்கிள்கள் வாங்கப்பட்டதாகவும், அத்துடன் இரண்டு குப்பைக் கூடைகள், பாலிதீன் பைகள் பயன்படுத்தப்பட்டுள்ளதும் விசாரணையில் கண்டுபிடிக்கப்பட்டுள்ளது. இது போன்ற தொழில்நுட்பங்களை, இந்தியன் முஜாகிதீன் அமைப்பினர் தான் கடைபிடிப்பர் என்பதால், அவர்களின் செயலாக இருக்கலாம் என்றும் நம்பப்படுகிறது. அதனால், புனே நகரின் கசபா பெத் பகுதியில் சைக்கிள் கடை வைத்திருக்கும் சிலரிடமும் விசாரணை நடைபெற்றது.