Dinamalar

மதுரை: மதுரையில் ரியல் எஸ்டேட் உரிமையாளர்களுக்கு வந்த பார்சலில், "டைம்பாம்'கள் கண்டுபிடிக்கப் பட்டன. அவை வெடிப்பதற்கு, ஒரு மணி நேரத்திற்கு முன், போலீசார் செயலிழக்க செய்தனர். மதுரை நிகழ்ச்சி ஒன்றில் பங்கேற்க வர இருந்த, குஜராத் முதல்வர் மோடிக்கு குறி வைக்கப்பட்டதா என, விசாரணை நடக்கிறது. மதுரை, புது ராமநாதபுரம் சாலையைச் சேர்ந்தவர்கள், உமர் பரூக், 35, ஜமால் மைதீன், 65; ரியல் எஸ்டேட் தொழில் செய்கின்றனர். தெற்கு வாசல், கிருஷ்ணன் கோவில் அருகே, இவர்கள் அலுவலகம் உள்ளது. நேற்று முன் தினம் இரவு, 8:30 மணிக்கு, 25 வயதுடைய ஒருவர், பாலித்தீன் பையில் சுற்றப்பட்ட, இரண்டு பார்சல்களைக் கொண்டு வந்தார். ரியல் எஸ்டேட் அலுவலகம் பூட்டியிருந்ததால், எதிரிலுள்ள நகை பட்டறை உரிமையாளர், ஆறுமுகத்திடம், கொடுத்து, உமர் பரூக், ஜமால் மைதீனிடம் கொடுக்கும்படிக் கூறிச் சென்றார். அவற்றை, கடையில் வைத்திருந்த ஆறுமுகம், அன்றிரவே, 10:30 மணிக்கு, பக்கத்து வீட்டில் இருந்த, குரு பாலாஜி யிடம் 14, கொடுத்து, மறுநாள் காலை, உமர் பரூக், ஜமால் மைதீனிடம்

தரும்படி கூறினார். மறு நாளான நேற்று காலை, 10:30 மணிக்கு அலுவலகம் வந்த உமர் பரூக், ஜமால் மைதீனிடம், பார்சல்களை, குரு பாலாஜி கொடுத்தார். அவற்றை பிரித்து பார்த்தபோது, ஒன்றில், "அசெம்பிள்' செய்யப்பட்ட டைம் பாம், மற்றொன்றில், "அசெம்பிள்' செய்யப்படாத, "டைம்பாம்'க்கான பொருட்கள் இருந்தன. இதையடுத்து சிறப்பு புலனாய்வு, டி.எஸ்.பி., மாரி ராஜனுக்கு தகவல் தெரிவித்தனர். வெடிகுண்டு தடுப்புப் பிரிவு போலீசார், "டைம்பாம்'களை, காலை, 11:30 மணிக்கு செயலிழக்கச் செய்தனர். ஒரு"டைம்பாம்' நேற்று பகல், 12:30 மணிக்கு வெடிக்கும் வகையில், "செட்' செய்யப்பட்டிருந்தது. தாமதித்திருந்தால் பெரியளவில் அசம்பாவிதம் ஏற்பட்டிருக்கும். நகை பட்டறை உரிமையாளர் ஆறுமுகம், ரியல் எஸ்டேட் ஊழியர், முகமது இஸ்மாயில், கடை உரிமையாளர்கள் உமர்பரூக், ஜமால் மைதீன் ஆகியோரை, போலீசார், விசாரணைக்கு அழைத்துச் சென்றனர். சம்பவ இடத்தை, துணை கமிஷனர் திருநாவுக்கரசு பார்வையிட்டார். நரேந்திர மோடி வருகைக்கு எதிர்ப்பா? மதுரை சவுராஷ்டிரா முன்னேற்ற சங்க மாநாடு