- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- கால்வாய் கட்டபூமி பூஜை மே 23,2013
- இலவச ஆடுகளுக்குகுடற்புழு நீக்க முகாம் மே 23,2013
- அம்மா திட்ட முகாம் 296 மனுக்களுக்கு தீர்வு மே 23,2013
- கல்வித்துறை கவனத்துக்கு மே 23,2013
- பாதுகாப்பு இல்லைமாமல்லபுரத்தில் சிதைக்கப்படும் பாரம்பரிய சின்னங்கள் மே 22,2013
- இன்று
- கடந்த வாரம்
- கடந்த மாதம்
காஞ்சிபுரம்: தனியார் பொறியியல் கல்லூரியில், உள் விளையாட்டரங்கு சுவர் சரிந்து விழுந்து, 10 பேர் இறந்த வழக்கில், கல்லூரி இயக்குனர் உட்பட நான்கு பேரை, போலீசார் கைது செய்தனர். விபத்துக்கு உள்ளான கட்டடம், எந்த அனுமதியுமின்றி, விதிமீறி கட்டப்பட்டது, விசாரணையில் தெரியவந்துள்ளது.இது தொடர்பாக, காவல் துறை வெளியிட்ட அறிக்கை:குன்னம் கிராமத்தில் அமைந்துள்ள, "ஜேப்பியார் இன்ஸ்டிடியூட் ஆப் டெக்னாலஜி' பொறியியல் கல்லூரியில், கடந்த 6ம் தேதி, பல்நோக்கு விளையாட்டு உள்ளரங்கு இடிந்து விழுந்ததில், பணியில் இருந்த வெளி மாநில தொழிலாளர்கள், 10 பேர் இறந்தனர். காயமடைந்த இருவர், சென்னை அரசு மருத்துவமனையில் சிகிச்சை பெற்று வருகின்றனர்.இறந்தவர்களில், ஐந்து பேர் உடல், பிரேதப் பரிசோதனைக்கு பிறகு, அவர்களின் உறவினர்களிடம் ஒப்படைக்கப் பட்டன. மற்றவர்களின் உடல்களையும், அவர்களின் உறவினர்களிடம் ஒப்படைக்க ஏற்பாடு செய்யப் பட்டு உள்ளது.விதிமீறல்இந்த சம்பவம் குறித்து, சுங்குவார்சத்திரம் போலீசார், வழக்கு பதிவு செய்து விசாரித்தனர். சம்பந்தப்பட்ட கல்லூரியை, ஜேப்பியார், அவரின் மருமகன் மரிய வில்சன் ஆகியோர் நடத்தி வருகின்றனர். கல்லூரியில், இரண்டு கோடி ரூபாய் மதிப்பில், பல்நோக்கு உள் விளையாட்டரங்கு கட்டும் பணி, கடந்த மே மாதம் துவக்கப் பட்டது.இதற்கு, சம்பந்தப்பட்ட உள்ளாட்சி அமைப்பிடம் விண்ணப்பித்து, அனுமதி பெறவில்லை. உள் விளையாட்டரங்கு கட்டுவது குறித்து, உரிய முறையில் தேர்ச்சி பெற்ற, கட்டட அமைப்பு பொறியாளரிடம் வரைபடம் எதுவும் பெறப்படவில்லை.தங்கள் கல்லூரியில் படித்த, முன் அனுபவம் இல்லாத, சில பொறியாளர்களை பணியில் அமர்த்தி, வட மாநிலங்களில் இருந்து வேலை தேடி தமிழகம் வந்துள்ள, கட்டுமானப் பணியில் அனுபவம் இல்லாதவர்களையும், இடைத்தரகர்கள் மூலம் பணிக்கு அமர்த்தி உள்ளனர். மேலும் ஸ்திரத் தன்மைக்கு, குறைவான கட்டுமானப் பொருட்களை பயன்படுத்தியதும், ஸ்திரத் தன்மைக்கு தேவையான கால அவகாசம் கொடுக்காமல், தொடர்ந்து கட்டுமானப் பணியை விரைந்து முடிக்க முயன்றதாலும், இந்த சம்பவம் நடந்து பல உயிரிழப்புகள் ஏற்பட்டுள்ளது, விசாரணையில் தெரியவந்தது.கைது இடைத்தரகர்கள் மூலம், குறைந்த கூலிக்கு, வட மாநிலத்தவர்களைப் பணிக்கு அமர்த்தியதும், பணியாளர்களின் தினக் கூலியிலிருந்து கணிசமான தொகை பெறப்படுவதும், விசாரணையில் தெரிய வந்துள்ளது.இந்த சம்பவத்திற்கு காரணமான, கல்லூரி இயக்குனர் மரிய வில்சன்,34, நாகர்கோவிலைச் சேர்ந்த பொறியாளர்கள், அருள் ஜெய அப்ரோஸ்,28, ராஜ்குமார்,28, குன்னம் கிராமத்தைச் சேர்ந்த சுதானந்தன்,32, ஆகியோர், கைது செய்யப் பட்டு உள்ளனர்.இவ்வாறு, போலீஸ் அறிக்கையில் தெரிவிக்கப் பட்டு உள்ளது.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
அந்த கல்லூரியின் மாணவர்களை பேட்டி எடுத்து பாருங்கள் அப்பொழுதுதான் இயக்குனர் திரு வில்சன் அவர்களின் நல்ல குணமும் நல்ல பண்பும் தெரியும். நான் அந்த கல்லூரி மாணவியின் பெற்றோர். அந்த மாணவ மாணவிகள் அந்த நல்ல மனித்ருக்குகாக கடவுளிடம் பிரர்த்திதுக்குகொண்டிருகிறார்கள். நன்றி. கண்ணீருடன் .....
ஜேப்பியார் மருமகன் ஜாமீனில் ரெண்டு நாளில் விடுதலை ......இந்த மாதிரி நிறைய பார்த்தாச்சு ........யாரும் நடவடிக்கை எடுக்க மாட்டார்கள்........பாவம் கூலி காரர்கள்......
இன்னும் நம்ம நாட்டுல காட்டுற பல அப்பார்ட்மென்ட்டோட நிலைமையும் இப்பிடித்தான் இருக்கிறது. அசம்பாவிதம் நடக்காத வரை ஒன்றும் தெரிவதில்லை.
சாராய நிறுவனத்தில் முதலீடு செய்யாமல் கல்வி நிறுவனம் ஆரம்பித்ததனால் தான் நிறைய பேர் படிக்க முடிகிறது . நடந்த தவறு பொறுப்பற்ற அதிகாரி மற்றும் ஊழியர்கள் .
தும்பை விட்டு இப்போ வாலை பிடிக்கிறார்கள். கைது அலட்சியத்தால் மரணம் விளைவித்தற்காக 304 எ (அதுவும் கூட 2 ஆண்டுகள் சிறை அல்லது அபராதம்) இல்லை. 10 உயிர் மற்றும் குடும்பங்களின் கஷ்டங்களுக்கு இது தான் பதிலா?
என்றோ கைது செய்யப்பட வேண்டியவர்கள். காலம் பதில் சொல்லும் .......................
If these guys can collect 10-20 lack cash (donation/black money) for one engineering seat, they can do anything here. What else to expect when and liquor dealer become the biggest in education.
சாராயம் வித்தவன் வேற என்ன செய்வான்
வருங்கால கட்டடவியல் வல்லுனர்கள்.
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us