Dinamalar

சென்னை: ஆற்று மணல், மது விற்பனை இவற்றை அரசே எடுத்து நடத்தி வருவதைப் போல், பல ஆயிரம் கோடி ரூபாய் புரளும் கிரானைட் குவாரிகளையும் கைப்பற்றி, அரசே நடத்த வேண்டும் என்ற எதிர்பார்ப்பு எழுந்துள்ளது. அ.தி.மு.க., 2001ம் ஆண்டு தமிழகத்தில் ஆட்சியைப் பிடித்த நிலையில், மதுபான விற்பனையானது தனியார் கையில் இருந்தது. தனியாரின் ஆதிக்கத்தை ஒழித்து, இம்முறைக்கு முற்றுப்புள்ளி வைக்கப்பட்டு, 2003ல் மது விற்பனை அரசுடைமை ஆக்கப்பட்டது. 2010-11ம் ஆண்டில் இந்த விற்பனை, 15 ஆயிரம் கோடி ரூபாயை எட்டியது. 2011-12ம் ஆண்டு விற்பனை, 19 ஆயிரம் கோடியை எட்டியது. இந்தாண்டில், இது 20 ஆயிரம் கோடி ரூபாயைத் தாண்டும் என்று எதிர் பார்க்கப்படுகிறது.
கனிம வளம்: இதற்கு அடுத்த இடத்தைப் பிடிப்பது தமிழகத்தின் கனிம வளம். ஆற்று மணல் வெளி மாநிலங்களுக்கும் அளவில்லாமல் கடத்தப்பட்டது. இதைத் தடுக்கும் வகையில், ஆற்றுமணல் விற்பனையை அரசே தன் கையில் எடுத்து, தற்போது நடத்தி வருகிறது. இதில், அரசுக்கு குறிப்பிட்ட அளவு வருவாய் கிடைத்துவருகிறது. ஆனால், மற்றகனிமங்களானகிரானைட், கிராபைட், கன கனிம மணல் உள்ளிட்டவற்றை எடுக்கும் உரிமம், தமிழக அரசின் கனிம நிறுவனமான டாமினிடம் உள்ளது. இந்த நிறுவனம், தனியாருக்கு

டெண்டர் விட்டு, வெட்டி எடுத்து வருகிறது. இதில் தற்போது, சர்ச்சையில்சிக்கியுள்ளது கிரானைட் குவாரிகளின் ஏக போக நடவடிக்கை. மதுரையில் டாமினிடம் இருந்து டெண்டர் பெற்ற கிரானைட் நிறுவனங்கள், ஏக போகமாக குறிப்பிட்ட அளவிற்கு மீறி கிரானைட் கற்களை வெட்டி எடுத்து, அரசுக்கு 16 ஆயிரம் கோடி ரூபாய் அளவிற்கு இழப்பை ஏற்படுத்தியுள்ளதாக ஐ.ஏ.எஸ்., அதிகாரி சகாயம் அறிக்கை அளித்தநிலையில், தற் போது அரசு அதிரடி நடவடிக்கைகளை எடுத்து வருகிறது. அதே நேரத்தில், தனியார் நிறுவனங்கள் கிரானைட் மூலம் கோடிக்கணக்கில் லாபம் பெற்று வருகின்றன. எனவே, தற்போது மிகப்பெரிய பிரச்னையை ஏற்படுத்தியுள்ள கிரானைட் குவாரிகளை அரசு கைப்பற்றி, மணல் மற்றும்