Dinamalar

சென்னை: போலீசார் விதித்தை தடையை தளர்த்தி டெசோ மாநாட்டை சென்னை ஒய்.எம்.சி.ஏ., மைதானத்தில் நடத்த ஐகோர்ட் அனுமதி வழங்கியது. இதனையடுத்து இன்று பிற்பகலில் மாநாடு நடக்கும் என தி.மு.க.,பொருளாளர் மு.க.,ஸ்டாலின் தெரிவித்துள்ளார். கட்சி தொண்டர்களும், தமிழ் ஆர்வலர்களும் மேடைக்கு வந்த வண்ணம் உள்ளனர். நேற்று வழக்கை விசாரித்த நீதிபதி தீர்ப்பு எதுவும் சொல்லாமல் தலைமை நீதிபதிக்கு அனுப்பி வைத்தார். இதனையடுத்து தாமேதரராவ் மற்றும் வேணுகோபால் ஆகியோரை கொண்ட பெஞ்ச் விசாரித்தது. விசாரணையில் போலீசாரின் கட்டுப்பாடுகளை முறையாக கடைபிடிக்க வேண்டும் என்றும், மாநாட்டை நடத்தி கொள்ளலாம் என்றும் உத்தரவிட்டனர்."டெசோ' மாநாடு நடக்கும் இடத்தை, தி.மு.க., தலைமை அலுவலகமான அறிவாலயத்துக்கு மாற்றி நேற்றிரவு தி.மு.க., தலைவர் கருணாநிதி அறிவித்துள்ளார். மாநாட்டை ராயப்பேட்டை ஒய்.எம்.சி.ஏ., மைதானத்தில் நடத்த, சென்னை மாநகர போலீஸ் தடை விதித்ததால், இந்த திடீர் திருப்பம் ஏற்பட்டுள்ளது. "மாநாட்டின் தீர்மானங்களை விளக்கி, இம்மாதம் 20ம் தேதி முதல் 30ம் தேதி வரை, மாநிலம் முழுவதும் பொதுக் கூட்டங்கள் நடத்தப்படும்' எனவும் கருணாநிதி கூறியுள்ளார்.இலங்கையில் வசிக்கும் தமிழர்களின் உரிமைகளைப் பாதுகாக்க, "டெசோ' எனப்படும் தமிழ் ஈழ பாதுகாப்பு அமைப்பின் சார்பாக சென்னை ராயப்பேட்டை ஒய்.எம்.சி.ஏ., திடலில் இன்று, பிரமாண்ட மாநாடு நடக்கும் என தி.மு.க., அறிவித்திருந்தது. இதற்காக, இந்த திடலில் மிகப்பெரிய பந்தலும் அமைக்கப்பட்டுள்ளது. இந்நிலையில், "டெசோ' மாநாட்டுக்கு அனுமதி அளிக்க முடியாது. மாநாடு நடைபெறும் இடம், மாநாட்டுக்கு வருவோரின் எண்ணிக்கைக்கு ஏற்றதாக இல்லை. மேலும், மாநாட்டு பந்தல் அருகே ராயப்பேட்டை அரசு பொது மருத்துவமனை உள்ளதால், நோயாளிகளுக்கு பெரும் தொல்லை

ஏற்படும். தீவிரவாத அமைப்புகள், மாநாட்டில் கலந்து கொண்டு, அசம்பாவிதங்கள் ஏற்படவும் வாய்ப்புகள் உள்ளன. எனவே, மாநாட்டுக்கு தடை விதிக்கிறோம்' என, சென்னை மாநகர போலீஸ் கமிஷனர் நேற்று காலை அறிவித்தார். போலீஸ் கமிஷனரின் தடையை எதிர்த்து, சென்னை ஐகோர்ட்டில் மாநாட்டு அமைப்பாளர் அன்பழகன் மனு தாக்கல் செய்தார். நீதிபதி பால் வசந்தகுமார் தலைமையில், மனு விசாரணைக்கு வந்தது. மாநாடு தொடர்பான வழக்கு, டிவிஷன் பெஞ்ச் முன் விசாரணையில் இருப்பதால், வழக்கை ஒரு நீதிபதி விசாரிக்க முடியாது எனக் கூறி வழக்கிலிருந்து விலகுவதாக நீதிபதி பால் வசந்தகுமார் அறிவித்தார். இதையடுத்து, வழக்கு, இரு நீதிபதிகள் கொண்ட பெஞ்சுக்கு மாற்றப்பட்டது. விசாரணை நேற்றிரவு 7 மணியாகியும் துவங்கவில்லை. இந்நிலையில், ஐகோர்ட்டும் மாநாட்டுக்கு தடை விதித்து விட்டால் என்ன செய்வது என, நேற்று மாலை முதலே, தி.மு.க., தலைவர்கருணாநிதியின் கோபாலபுரம் இல்லத்தில் தி.மு.க., பிரமுகர்கள் ஆலோசனையில் ஈடுபட்டனர்.கட்சியின் பொதுச்செயலர் அன்பழகன் மற்றும் முன்னாள் அமைச்சர்கள், மூத்த நிர்வாகிகள் ஆலோசனையில் பங்கேற்றனர். இறுதியில், நேற்றிரவு 8 மணியளவில், மாநாட்டை தி.மு.க., தலைமை அலுவலகம் இயங்கும் அண்ணா அறிவாலயத்தில் நடத்த முடிவு செய்யப்பட்டது. இதுகுறித்து, கருணாநிதி வெளியிட்டுள்ள அறிக்கை:"டெசோ' அமைப்பின் சார்பில் ஈழத் தமிழர் வாழ்வுரிமை பாதுகாப்பு மாநாடும், ஆய்வரங்கமும் ஆகஸ்ட் 12ம் தேதி நடத்துவது என முடிவு செய்யப்பட்டு ஏற்பாடுகள் நடந்து வந்த நிலையில், மாநாடு நடத்துவதற்கு சென்னை மாநகர போலீசார் தடை விதித்துள்ளனர். ஆய்வரங்கம், காலை 10 மணிக்கு ஏற்கனவே அறிவிக்கப்பட்டபடி சென்னை அக்கார்டு ஓட்டலில் நடைபெறும். அதில், மாநாட்டில் நிறைவேற்றப்பட வேண்டிய தீர்மானங்கள் பற்றி ஆலோசித்து இறுதி செய்யப்படும்.ராயப்பேட்டையில் மாநாட்டுக்கு ஐகோர்ட் அனுமதி அளிக்கவில்லை எனில்,