Bomb discovered near Madurai | கண்மாய்க்குள் வெடிகுண்டு பார்சல்: மதுரையில் தொடரும் 'பாம்' பீதி| Dinamalar

சம்பவம் செய்தி

தமிழ்நாடு

கண்மாய்க்குள் வெடிகுண்டு பார்சல்: மதுரையில் தொடரும் 'பாம்' பீதி

Added : ஆக 19, 2012
Advertisement
 
 
Advertisement
 
 
 
Advertisement
கண்மாய்க்குள் வெடிகுண்டு பார்சல்: மதுரையில் தொடரும் 'பாம்' பீதி

மதுரை: மதுரை திருநகர் அருகே, கண்மாய்க்குள், கைத்துப்பாக்கி, இரண்டு கையெறி குண்டுகள் கண்டெடுக்கப்பட்டன.
மதுரை தோப்பூரை சேர்ந்தவர், ஆதீஸ் கண்ணன்; தனியார் பொறியியல் கல்லூரியில் பி.இ., படிக்கிறார். நேற்று காலை, நண்பர்கள் வேல்முருகன், கார்த்திக்குடன், நிலையூர் பெரிய கண்மாய்க்குச் சென்றார். அங்கு கிடந்த வெள்ளை துணி மூடையைப் பிரித்த போது, கைத்துப்பாக்கி, கையெறி குண்டுகள் இருந்தன. இது குறித்து போலீசார் விசாரித்தனர். துப்பாக்கி துருப்பிடித்த நிலையிலும், வெடிகுண்டுகள் செயலற்ற நிலையிலும் இருந்தன. துப்பாக்கியில் இருந்த தோட்டாவில், "இந்தியன் ஆர்டினன்ஸ் பாக்டரி, டீலக்ஸ்' என, எழுதப்பட்டிருந்தது. கையெறி குண்டுகள், ஒரு கிலோ எடையில் இருந்தன. "தோட்டா, திருச்சியில் தயாரிக்கப்பட்டதா; கையெறி வெடிகுண்டுகளை ராணுவ வீரர்களிடம் விலைக்கு வாங்கி, தீவிரவாத செயல்களில் ஈடுபட முயன்றார்களா; பயன்படுத்த முடியாத சூழலில், கண்மாயில் வீசினரா?' என, விசாரணை நடக்கிறது.
கடந்த ஆண்டு, திருமங்கலம் அருகே, பா.ஜ., மூத்த தலைவர் அத்வானியை கொல்ல முயன்ற சம்பவத்திற்கும், இதற்கும் தொடர்பு உண்டா எனவும், சிறப்புப் புலனாய்வுப் பிரிவு போலீசார் விசாரிக்கின்றனர். இது குறித்து, எஸ்.பி., பாலகிருஷ்ணன் கூறுகையில், ""தோட்டா, 100 மீட்டர் வரை சென்று தாக்கக்கூடியது; வெடிகுண்டுகள், மிகுந்த சக்தி வாய்ந்தவை. குண்டுகளை செயல் இழக்கச் செய்ய, நடவடிக்கை எடுக்கப்பட்டுள்ளது,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை