Demonstration against double fishing net | இரட்டைமடி வலை பயன்பாட்டை கண்டித்து ராமேஸ்வரம் மீன்துறை அலுவலகம் முற்றுகை| Dinamalar

சம்பவம் செய்தி

தமிழ்நாடு

இரட்டைமடி வலை பயன்பாட்டை கண்டித்து ராமேஸ்வரம் மீன்துறை அலுவலகம் முற்றுகை

Updated : ஆக 25, 2012 | Added : ஆக 25, 2012
Advertisement
 
 
Advertisement
 
 
 
Advertisement

ராமேஸ்வரம்: ராமேஸ்வரத்தில் இரட்டைமடி வலையை பயன்படுத்தி மீன்பிடிக்கும் படகுகளுக்கு, டோக்கன் வழங்குவதற்கு எதிர்ப்பு தெரிவித்து, ராமேஸ்வரம் மீன்துறை அலுவலகத்தை, இறால்மடி வலை பயன்படுத்தும் மீனவர்கள் முற்றுகையிட்டனர். ராமேஸ்வரத்தில் தடை செய்யப்பட்ட, இரட்டைமடி மீன்பிடிப்பில் ஏராளமான விசைப்படகுகள் ஈடுபட்டு வருவதால் கடல் மற்றும் மீன்வளம் அழிந்து வருகிறது. இந்த வலையை பயன்படுத்தும் படகுகளுக்கு, மீன்பிடி டோக்கன் வழங்குவதற்கு, நாட்டுப்படகு மீனவர்கள் எதிர்ப்பு தெரிவித்து வருகின்றனர். நேற்று அதிகாலை, ராமேஸ்வரம் மீன்துறை அலுவலகத்தை, இறால்மடி வலையை பயன்படுத்தும் மீனவர்கள் முற்றுகையிட்டு எதிர்ப்பு தெரிவித்தனர். இதனால், வழக்கமாக காலை 6 மணிக்கு வழங்க வேண்டிய டோக்கன், 9 மணிக்கு மேல் வழங்கப்பட்டது. தொடர்ந்து அனைத்து விசைப்படகுகளும் மீன்பிடிக்க கடலுக்கு சென்றன.

ராமேஸ்வரம் விசைப்படகு மீனவர் சங்க தலைவர் போஸ் கூறியதாவது: அதிவேக குதிரை சக்தி கொண்ட, பெரிய படகுகள் ஆழம் குறைந்த பாக்ஜலசந்தி கடல் பகுதியில், தடை செய்யப்பட்ட இரட்டைமடி மீன்பிடிப்பில் ஈடுபட்டு வருகின்றன. இவ்வகை மீன்பிடிப்பால் மீன்வளம் அழிவதோடு, இலங்கை மீனவர்களுக்கும் பல்வேறு பிரச்னைகள் உருவாகிறது. இரு நாட்டு மீனவர்களிடையே முரண்பாடு ஏற்பட்டு, நமது மீனவர்களை, இலங்கை கடற்படையினரும், மீனவர்களும் தாக்கி வருகின்றனர். இரட்டை மடி வலை மீன்பிடிப்பில், ஈடுபடும் மீனவர்கள் மீது அரசு, கடும் நடவடிக்கை கோரி, ஆக.,31ல் இறால்மடி மீன்பிடிப்பில் ஈடுபட்டுள்ள 500க்கும் மேற்பட்ட படகுகளின் உரிமத்தை, மீன்துறை அலுவலகத்தில் ஒப்படைத்து, ஸ்டிரைக்கில் ஈடுபட உள்ளோம், என்றார்.

Advertisement


இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை