- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- என் அம்மாவை போல நான் இல்லை: கட்சியினருக்கு ராகுல் எச்சரிக்கை மே 24,2013
- தற்கொலை செய்து கொண்ட காதல் மனைவி: வெப்கேமிராவில் பார்த்து கணவன் அதிர்ச்சி மே 24,2013
- என்.எல்.சி., பங்குகளை விற்க கூடாது பிரதமருக்கு ஜெயலலிதா கடிதம் மே 24,2013
- புதிய மின்கட்டண உயர்வு குறித்த ஆணையத்தின் முடிவு : அடுத்தமாதம் வெளிவரும் மே 24,2013
- பொதுமக்கள் பயன்பாட்டிற்கு விடப்பட்டன மாயாவதி கட்டிய நினைவிடங்கள் : உ.பி., அரசு அதிரடி மே 24,2013
- இன்று
- கடந்த வாரம்
- கடந்த மாதம்
சிறந்த ஆசிரியருக்கு, வரும் 5ம் தேதி வழங்கப்பட உள்ள ராதாகிருஷ்ணன் விருதுக்காக, ஆசிரியர் அனுப்பிய விண்ணப்பங்களுடன், ஆளுங்கட்சி பிரமுகர்களின் பரிந்துரை கடிதங்களும் அதிகளவில் இடம்பெற்றுள்ளன. இதனால் தர்மசங்கட சூழ்நிலை ஏற்பட்ட போதும், தகுதியான ஆசிரியர் பட்டியல் தயாரிப்பு பணி, இறுதிக் கட்டத்தை எட்டியுள்ளதாக, துறை வட்டாரங்கள் தெரிவித்தன.
எதையும் எதிர்பாராமல், பள்ளியின் வளர்ச்சிக்கும், கல்வித்தரத்தை உயர்த்துவதற்கும் பாடுபடும் ஆசிரியரை கவுரவிக்கும் வகையில், ராதாகிருஷ்ணன் விருது வழங்கப்படுகிறது. சிறந்த ஆசிரியர், மாநில அள விலும், தேசிய அளவிலும் தேர்வு செய்யப்பட்டு, முன்னாள் ஜனாதிபதி ராதாகிருஷ்ணன் பிறந்த நாளான, செப்., 5ம் தேதி, இந்த விருது வழங்கப்படுகிறது.
கல்வித்துறை மவுனம்:
விருதுக்குரிய ஆசிரியரை தேர்வு செய்வதில் உள்ள விதிமுறைகள், 100 சதவீதம் கடைபிடிக்கப்படுகிறதா என்று விசாரித்தால், கல்வித் துறையின் பதில், மவுனமாகத் தான் இருக்கிறது.வரும் 5ம் தேதி, தமிழக அரசு சார்பில், சென்னையில் நடக்கும் விழாவில், 360 ஆசிரியர்களுக்கு விருதுகள் வழங்கப்படுகின்றன. இதற்காக, மாநிலம் முழுவதும் இருந்து, 1,000த்திற்கும் அதிகமாக குவிந்த விண்ணப்பங்கள், சென்னையில் ஆய்வு செய்யப்பட்டன.
பரிந்துரைகள்
ஆசிரியர் அனுப்பிய விண்ணப்பங்களுடன், அவர்களுடைய அருமை, பெருமைகள், ஆளுங்கட்சி பிரமுகர்கள் உள்ளிட்ட, வி.ஐ.பி.,க்களுடன் எடுத்துக்கொண்ட புகைப்படங்கள் என, பலவற்றையும் சேர்த்து, பெரிய புத்தகம் அளவிற்கு, ஒவ்வொருவரும் கோப்புகள் தயார் செய்து அனுப்பினர்.ஆளுங்கட்சியைச் சேர்ந்த முன்னாள் அமைச்சர் முதல், மாவட்டம், தொகுதி என, பலரும், "இவர், எனக்கு மிகவும் தெரிந்தவர்; திறமையானவர். பள்ளி வளர்ச்சிக்காக, அரும்பாடு பட்டுள்ளார். உள்ளூரில், ஏற்கனவே பல விருதுகளை வாங்கியுள்ளார். இவருக்கு, ராதாகிருஷ்ணன் விருது வழங்குவது மிகப் பொருத்தமாக இருக்கும்' என, அதில் தெரிவித்துள்ளனர்.
இறுதி கட்டம்:
இந்த பரிந்துரை கடிதங்களை, விருதுக்குரிய விண்ணப்பத்துடன் இணைக்கக் கூடாது என்பது விதிமுறை. ஆனாலும், ஆளுங்கட்சியினரின் பரிந்துரை கடிதங்களை எடுக்காமல், அப்படியே மாவட்ட அதிகாரிகள், மாநில அளவிலான குழுவிற்கு அனுப்பி விட்டனர். விருதுக்குரிய ஆசிரியரை தேர்வு செய்யும் பணி, இறுதிக் கட்டத்தை எட்டியுள்ளது என்று கூறப்படுகிறது. கல்வி நடைமுறையை ஒழுங்குபடுத்தி, சிறப்பாக இயங்கும் கல்வி நிலையங்கள் உருவாகி வரும் சூழ்நிலையில், இதற்கான அடிப்படை வரன்முறைகளும் வரும் ஆண்டுகளில் உருவாக்கப்பட வேண்டும் என்று கல்வித்துறை கருதுகிறது.அதன் மூலம் இத்துறையில் மேலோங்கி இருக்கும் ஆசிரியர் மட்டுமே இந்த விருதைப் பெற வேண்டும் என்ற கருத்து மேலோங்கி வருகிறது; இருந்தாலும், இது, நடைமுறைக்கு வராது என்பதே, சிறந்த ஆசிரியர்களின் கருத்தாக உள்ளது.
- நமது நிருபர் -
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
நல்லாசிரியர் பட்டமும் பல்கலை கழகம் வழங்கும் டாக்டர் பட்டம் போல் ஆகிவிட்டது ?
முன்னொரு காலத்தில் பதவிக்கு பெருமை சேர்த்த அரசியல்வாதிகள் இருந்தனர். தற்போது பதவிக்கு பெருமை சேர்க்கும் அரசியல்வாதிகள் எவரும் இல்லை. இந்நிலையில் விருதுகள் திறமையானவர்களுக்குத்தான் அளிக்கப்பட வேண்டுமென யாரும் எதிர்பார்க்க இயலாது. அரசு விருதுகளுக்கு மரியாதை போய் வெகு காலம் ஆகி விட்டது....
வாத்தியார்மாரை இதை விட கேவலப்படுத்த முடியாது. நல்லாசிரியர்னு சொல்லக்கூட கூசும் காலம்.....கலிகாலம்.
எதையும் எதிர்பார்க்காமல் கல்வியின் தரத்தையும், பள்ளியின் தரத்தையும் உயர்த்துவதற்காக வழங்கும் உயரிய விருதான, அவரின் பெயரை அவமதிக்கும் ஒரு செயல் ...பண்ணாடைகளா ...உங்களை நினைத்தால் கேவலமாக இருக்கு .....எதற்ககெல்லாம் கடிதம் ........இது வருந்ததக்க செயல் ....உண்மையாக விருதுபெறும் எல்லோருக்கும் இது அவமான செயல் .....மக்கள் இனி விற்றது பெரும் எவரையும் மதிக்கபோவது இல்லை ..
சிறப்பாசிரியர்கள் நியமனத்தில் ஆளும் கட்சியினரின் தலையீடு......சத்துணவு அமைப்பாளர்களின் நியமனத்தில் ஆளும் கட்சியினரின் தலையீடு...... ஆசிரியர் விருதுக்கும் இவர்கள்......................
"ஆளுங்கட்சி பிரமுகர்களின் பரிந்துரை கடிதங்களும் அதிகளவில் இடம்பெற்றுள்ளன" - சொம்புகளின் கவனத்திற்கு..
அடப்போங்க சார். இங்க நெருக்கடி பண்ணினா நம்ம நல்லாசிரியர்கள் தங்கள் கைவரிசையை மத்திய அரசு பரிந்துரை குழுவிடம் காண்பித்து " just like that " தேசிய நல்லாசிரியர் விருது வங்கி போய்க்கிட்டே இருப்பாங்க. இந்த வருடம் ஒரு டுடோரியல் கூடமாக பள்ளியை நடத்தும் பலரும் மத்திய அரசு விருது வாங்க பலத்த முயற்சி செய்து வெற்றியும் பெற்றாகி விட்டடார்கள். பெரிய ஓட்டையை .... சின்ன ஓட்டை அடைத்து ஆவது என்ன சார்
சிபாரிசு என்பது தவறில்லை. ஆனால் அது முறைகேடாக இருக்கக்கூடாது
முதலில் பரிந்துரை செய்ய அவருக்கு என்ன அதிகாரம் இருக்கிறது? கலவி பற்றி மட்டுமே தெரிந்தவர்களிடம் இருந்து வரும் பரிந்துரைகளை எப்படி அதிகாரிகள் ஏற்றுக்கொள்ள முடியும்?...
kaasimani bashkar சார், இது புதிய விஷயமில்லை, கடந்த ஆட்சியில் இதற்கு பெயர் ஸ்டேட் அவார்ட் இல்லை, இது ரேட் அவார்ட்
இதற்கும் முந்தய ஆட்சியா.....வெளங்கி போகும். சொந்தமா எதுவுமே செய்யும் ஐடியா இல்ல போல.......
இதுதான் கழகம் என்பதோ?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us