DISTRICT NEWS | ஆக்கிரமிப்புகளால் மாயமாகி வரும் கவுரிவாக்கம் ஏரி| Dinamalar

தமிழ்நாடு

ஆக்கிரமிப்புகளால் மாயமாகி வரும் கவுரிவாக்கம் ஏரி

Added : செப் 12, 2012 | கருத்துகள் (1)
Advertisement
ஆக்கிரமிப்புகளால் மாயமாகி வரும் கவுரிவாக்கம் ஏரி

கவுரிவாக்கம்:அதிகரித்து வரும் ஆக்கிரமிப்புகளால், கவுரிவாக்கம் ஏரி, குட்டையாக மாறிவிட்டது. ஆக்கிரமிப்பு செய்யப்பட்ட இடம், ஒரு சென்ட் இரண்டு லட்சம் ரூபாய்க்கு விற்பனை செய்யப்படுகிறது.சேலையூரை அடுத்த கவுரிவாக்கம் ஏரி, 26 ஏக்கர் பரப்பளவு கொண்டது. பரங்கிமலை ஒன்றியம் கட்டுப்பாட்டில் உள்ள இந்த ஏரியை நம்பி, ஒரு காலத்தில் சுற்றுப்புற பகுதிகளில் விவசாயம் நடந்துவந்தது. பின், விவசாய நிலங்கள் குடியிருப்புகளாக மாறியதால், நிலத்தடி நீருக்காக ஏரி பயன்பட்டது.அதிகரிக்கும் ஆக்கிரமிப்புஇதை பயன்படுத்தி அரசியல்வாதிகளும், சமூக விரோதிகளும் ஏரியின் உட்பகுதி, கரை, உபரிநீர் கால்வாய் ஆகிய இடங்களை ஆக்கிரமிப்பு செய்யத் துவங்கினர். துவக்கத்தில் அங்கொன்றும், இங்கொன்றுமாக செய்யப்பட்ட ஆக்கிர மிப்பு, நாளடைவில் பல மடங்கு அதிகரித்தது.

விற்பனைக்கு ஏரி நிலம்தற்போது, 10 ஏக்கருக்கு அதிகமான இடம் ஆக்கிரமிப்பு செய்யப்பட்டு, குடியிருப்புகளாக மாறிவிட்டன. சிலர் ஏரியினுள் வீடு கட்டி வாடகைக்கு விட்டுள்ளனர். இதன் காரணமாக, பரந்து விரிந்து காணப்பட்ட ஏரி குட்டையாக மாறிவிட்டது. இந்நிலையில், மீதமுள்ள இடத்தையும் ஆக்கிரமிப்பு செய்யும் வேலையில், சமூகவிரோதிகள் ஈடுபட்டுள்ளனர்.கட்டட இடிபாடுகளை கொண்டு வந்து, ஏரியில் கொட்டி சமப்படுத்துகின்றனர். சமூக விரோதிகள் ஏரியை ஆக்கிரமிப்பு செய்து, ஒரு சென்ட் நிலத்தை, இரண்டு லட்சம் ரூபாய்க்கு விற்பனை செய்கின்றனர்.என்ன காரணம்?ஒன்றிய அதிகாரிகளின் அலட்சியமே கவுரிவாக்கம் ஏரி மாயமாகி வருவதற்கு முக்கிய காரணம். மாவட்ட நிர்வாகம் இப்பிரச்னையில் தலையிட்டு, கவுரிவாக்கம் ஏரியை காப்பாற்ற வேண்டும் என, கோரிக்கை எழுந்துள்ளது.இது குறித்து, பொதுமக்கள் கூறுகையில் ,""அதிகாரிகளின் அலட்சியத்தால், புறநகரில் உள்ள ஏரிகள் ஆக்கிரமிப்புகளால் மாயமாகி வருகின்றன. இதே நிலை தொடர்ந்தால், அடுத்த சில ஆண்டுகளில் ஏரிகளின் மாவட்டமான, காஞ்சிபுரம் மாவட்டத்தில் ஏரிகளே இல்லாமல் போய்விடும்,'' என்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
saravanan - chennai,இந்தியா
16-செப்-201212:03:59 IST Report Abuse
saravanan அகரமிப்பு செய்வது ஏழைகள் தான். அவர்கள் சிறு நிலங்களே வைத்துள்ளார்கள் . 2G நிலக்கிரி மற்றும் கிரனைட் யான பெரிய ஆக்கரமைபை யார் கேப்பார் ....... நிங்களா அல்லது நானா ......
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை