Koodankulam power project work in full swing | கூடங்குளம் அணுமின் நிலையத்தில் பணிகள் தீவிரம்: பதுங்கியிருக்கும் உதயகுமார் கும்பல் மவுனம்| Dinamalar
பதிவு செய்த நாள் :
கருத்துகள் (109)  கருத்தை பதிவு செய்ய
எழுத்தின் அளவு:

கூடங்குளம்: கூடங்குளம் அணு உலையை செயல்படத் துவங்க விடாமல், இத்தனை நாட்களாக, போராட்டம், வன்முறை எனத் தடுத்த, உதயகுமார் உள்ளிட்டோர், நேற்று காலை முதல், இருக்கும் இடம் தெரியாமல், பதுங்கி விட்டனர். அணுமின் நிலையம் இருக்கும் பகுதியில், அமைதி திரும்பிஉள்ளதால், உலையை இயக்குவதற்கான ஆயத்தப் பணிகள் முழு வேகத்தில் நடக்கத் துவங்கியுள்ளன. நெல்லை மாவட்டம், கூடங்குளம் அணுமின் நிலையத்தில், மின் உற்பத்தி யூனிட்கள் இரண்டு உள்ளன. 14 ஆயிரம் கோடி ரூபாய் செலவில் கட்டப்பட்டுள்ள, இவற்றின் உற்பத்தித் திறன், தலா, 1,000 மெகாவாட். இதை நிர்மாணித்து, செயல்படுத்துவதில், விஞ்ஞானிகள் முழு மூச்சுடன் செயல்பட்டு வரும் வேளையில், இந்த அணு உலை செயல்படத் துவங்கினால், கூடங்குளத்தில் உள்ள மக்களுக்கு பாதிப்பு ஏற்படும்; பூகம்பம் ஏற்பட்டால், அணுக் கதிர் பரவி கேடு ஏற்படும் என்றெல்லாம் கூறி, "அணு உலை எதிர்ப்பாளர்கள்' என்று கூறிக் கொள்ளும் சிலர், அப்பாவி மக்களைத் தூண்டி விடும் வேலையில் ஈடுபட்டனர். அணு உலையால் எந்த பாதிப்பும் ஏற்படாது என, முன்னாள் ஜனாதிபதியும், அணு விஞ்ஞானியுமான அப்துல் கலாம் உட்பட பலர், ஆராய்ந்து, அரசுக்கு அறிக்கை கொடுத்த பின்னரும், வெளிநாடுகளில் இருந்து பணம் பெரும் சிலர், இந்த உலையை செயல்படுத்த விடாமல் முட்டுக்கட்டை போடத் துவங்கினர். அப்பகுதியில் உள்ள மக்கள், இனி, அங்கே வாழவே முடியாது என, பீதியைக் கிளப்பி, மீனவர்களையும் தூண்டி, போராட்டத்தில் ஈடுபட்டனர். பல மாதங்களாக நடந்த போராட்டத்தின் உச்சக்கட்டமாக, கடந்த வாரம், ஆர்ப்பாட்டத்தில்


ஈடுபட்டனர். போலீசார் சுற்றி வளைத்ததும், பொதுமக்களையும், அவர்களின் குழந்தைகளையும் கேடயமாக வைத்து, கடலில் குதித்துத் தப்பி ஓடினர். இதில் குறிப்பிடத்தக்கவர், உதயகுமார். ஓர் ஆண்டாக, கூடங்குளத்தை அடுத்த, இடிந்தகரையில், "டென்ட்' அமைத்து, உண்ணாவிரதம் இருப்பதாகக் கூறி, ஆட்டம் காட்டி வருபவரும் இவரே! தன்னைத் தானே, "அரசியல் ஹீரோ'வாக்கிக் கொள்ள முயற்சித்த அவர், தன் மனைவி, குழந்தைகளை மட்டும் விடுத்து, மற்ற அனைத்து வீடுகளிலும் உள்ள, அப்பாவிக் குழந்தைகளைக் கூட விட்டு வைக்காமல், போராட்டத்தில் ஈடுபட வைத்தார். இவர் மீது பல பிரிவுகளில் வழக்கு பதிவானதும், தலைமறைவு வேலைகளிலும் ஈடுபட்டார். நேற்று முன்தினம் முழுக்க, அவ்வப்போது தலை காட்டுவதும், படகில் தப்பி ஓடி ஒளிவதுமாக இருந்தார். தென் மண்டல, வடக்கு மண்டல ஐ.ஜி.,க்கள், ஏ.டி.ஜி.பி.,க்கள் முகாமிட்டு, தீவிரமாகக் கண்காணிக்கத் துவங்கியதும், "சரண்டர் ஆகப் போகிறேன்' என அறிவித்து, பின், வட மாநில சமூக சேவகர் என்ற பெயரில், "உலா' வரும், அரவிந்த் ஹெஜ்ரிவால்,

Advertisement

"அறிவுரை'ப்படி, "சரண்டர்' ஆகாமல் தப்பித்து, தலைமறைவானார். இப்படி இவர் ஒரு பக்கம் நாடகம் ஆடிக் கொண்டிருக்க, கூடங்குளத்தில், நேற்று முன்தினம் முதல், அமைதி திரும்பியது. அணு உலையை இயக்குவதற்கான ஆயத்தப் பணிகளை, விஞ்ஞானிகள் முழு வீச்சில் துவக்கி விட்டனர். இன்னும் இரண்டு அல்லது மூன்று வாரங்களில், உற்பத்தி துவங்கும் என, எதிர்பார்க்கப்படுகிறது.

Advertisement



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (109)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Karuppu - madurai,இந்தியா
13-செப்-201218:52:10 IST Report Abuse
Karuppu ஜெயலலிதா தினமலருக்கு எவ்ளோ பணம் கொடுத்தார் என்பதை சொல்லுவீர்களா ??????
Rate this:
Share this comment
Cancel
Karthik - New York,யூ.எஸ்.ஏ
13-செப்-201217:54:18 IST Report Abuse
Karthik We all know what happened in Bhopal and how it was handled and how the compensation litigation went on for 26 years and they got 26,000 granted per person. Do you think this government has any plan to handle catastrophic failures ? People who comment here are thinking only about the power shortage in TN. That situation is temporary. All the learned people commenting here supporting nuclear power plant should think about that. Do not fall for dinamalar&39s stupid people targetting news. Dinamalar does not have any ethics. Do you know how the fukushima town residents were evacuated? Here more people will die in stampede than radiation. There are protests all over the world against Nuclear energy. Dinamalar should stop targetting the protesters.
Rate this:
Share this comment
Cancel
Hari Baskar Janarthanam - Bangalore,இந்தியா
13-செப்-201217:46:53 IST Report Abuse
Hari Baskar Janarthanam நண்பர்களே, பிரச்சனை இந்த போராட்ட குழுவினர் அமெரிக்க-சீன நிதி பெருகின்றனரா, அல்லது திரு.உதயகுமாரின் யோக்யதை என்ன, அல்லது திரு.அப்துல் கலாம் எத்தனை அற்புதமான மனிதர்/அணு விஞ்ஞானி என்பது பற்றியோ அல்ல. பத்திரிகைகளில் வரும் செய்தியை, பார்வையை, நமது கருத்தாக்கி கொள்வதைவிட, இந்த விஷயத்தை சுயமாக நோக்க, சிந்திக்க உதவ சில கேள்விகளை மட்டும் முன்வைக்கிறேன். 1. கூடங்குளம் மக்களின் "வாழ்வாதாரம்" பாதிக்கப்படும் என்று சொல்வது ஒரு cliche ஆகி விட்டது. ஆக, அதை விட்டுவிடுவோம். நீங்கள் ஒரு கூடன்குள-வாசியாக இருந்தாலோ, அல்லது நீங்கள் வாழும் ஊரில் இந்த அணுஉலை அமைக்கப்பட்டாலோ, நீங்கள் அதை எப்படி எதிர்க்கொள்வீர்கள்? ஏன்? 2. அணுமின் தயாரிப்பில் முன்னணியில் இருந்த அமெரிக்கா, பிரான்ஸ் போன்ற மேற்கத்திய நாடுகள், கடந்த 15-20 ஆண்டுகளாக புதிதாக எந்த அணு உலையும் நிறுவவில்லை - மேலதிகமாக மின்தேவை இருந்தும். அணுத் தொழில்நுட்பத்திலும், அணுக்கழிவுகளை அப்புறப்படுத்துவதிலும், பாதுகாப்பு முறைகளிலும், அது சார்ந்த சட்டங்கள் இயற்றுவதிலும் - முக்கியமாக, அச்சட்டங்களை செயல்படுத்துவதிலும் - இந்த நாடுகளுக்கு, நம் நாட்டை விட பல மடங்கு அதிக அனுபவமும், தேர்ச்சியும் இருப்பதை சொல்லத் தேவையில்லை. இருக்கும் அனுவுலைகளையும் படிப்படியாக மூட இந்த நாடுகள் இப்போது முயன்ற வருகின்றன. இப்போது ஜப்பானும் இந்த பட்டியலில் சேர்ந்துள்ளது. ஏன்? 3. மன்மோகன் தலைமையிலான இந்திய அரசு எத்தனை முயற்சி எடுத்து அமெரிக்காவுடன் அணு ஒப்பந்தம் செய்து கொண்டது என்பது நாம் அறிந்ததே. மேற்கத்திய நாடுகளில் அணு உலைகளின் பயன்பாடு குறைவதற்கும், காங்கிரஸ் அரசு, இந்தியாவில் அணுமின் உற்பத்தியை பெருக்க முயற்சிப்பதற்கும், அணு உலைகளை நிறுவ முயர்ச்சிப்பதற்க்கும், ஏதேனும் சம்பந்தம் இருக்கிறதா? ஆட்சிக்கே சிக்கல் வந்த போதும் காங்கிரசும், மன்மோகனும் இதை முன்னெடுத்தனர். ஏன்? 4. அணுமின் தவிர, சூரிய மற்றும் காற்று போன்ற மாற்று மின்சக்தி உற்பத்தியில் நாம் தன்னிறைவு அடைந்துவிட்டோமா? இந்த துறைகளில், இப்போது எத்தனை மின்சாரம் தயாரிக்கப்படுகிறது - அனுமின்சாரத்துடன் ஒப்பிடும்போது இது எத்தனை சதவீதம்? பல ஆயிரம் கோடிகள் முதலீடு தேவைப்படும் அணு உலைகளில் காட்டும் ஆர்வத்தை, மற்ற மாற்று மின் சக்தி திட்டங்களில் காட்டுவதில்லையே. ஏன்? 5. கடந்த ஓராண்டிற்கும் மேலாக அமைதியான முறையில், அறவழியில் நடந்து வந்த இந்த போராட்டம், ஒரே நாளில் எப்படி வன்முறை போராட்டமாக மாறிவிட்டது? ஓரிரவில், பாதிக்கப்பட்டவர்கள் தீவிரவாதிகள் ஆகிவிட்டனரோ ஏன்?
Rate this:
Share this comment
Cancel
Ravikumar J - PUNE,இந்தியா
13-செப்-201217:12:57 IST Report Abuse
Ravikumar J தமிழக அரசு ஓட்டுக்கு பயந்து ஒரு நடவடிகை எடுக்க எடுக்கவில்லை. அணு சக்தி வல்லுனர்களையும் இவர்கள் கண்டு கொள்ளவதில்லை.
Rate this:
Share this comment
Cancel
Rajesh Ramu - chennai,இந்தியா
13-செப்-201216:46:04 IST Report Abuse
Rajesh Ramu சாதாரண மீனவமக்களே அணு மின்நிலையம் பின் புறம் போக முடிகிறது என்றால் ,இந்த உதயகுமார் இன்னும் பணம் வாங்கி கொண்டு எல்லோருக்கும் வழி சொல்லுவான். அதற்க்குள் அங்கு பாதுகாப்பு பலபடுத்த வேண்டும். அங்கு போக வழி எப்படி இருக்கிறது என்று அப்பாவி மீனவர்கள் மூலம் சோதித்து பார்த்து உள்ளான். இன்னும் அரசு அங்கு பாதுகாப்பு பலபடுத்த வில்லை. என்றால் அப்புறம் அதோகதி தான்
Rate this:
Share this comment
Cancel
Rajesh Ramu - chennai,இந்தியா
13-செப்-201216:42:39 IST Report Abuse
Rajesh Ramu என்னங்க முன்னால் அமைச்சர்களை வீடு பூந்து தூக்குறீங்க,இந்த துக்கடா பயண உங்களால தூக்க முடியல. என்ன காவல்துறை,உதயகுமாரை முதலிலே தூக்கி உள்ளே போட்டு வெச்சு இருந்தா இவ்வளவு வன்முறை நிகழ்ந்திருக்காது,அதை விட்டு விட்டு முப்பது நாற்பது வழக்கு மட்டும் போட்டு விட்டு சும்மா விடீர்கள் இப்பொழுது அனுபவிக்க வேண்டியது தான்,சும்மா எவனது அடிதடி கேஸ் நு வந்தாலே ஒரு வழக்குனாலே உள்ளே போடறீங்க ,இந்த உதயகுமார் மேல பல வழக்கு இருக்கு தூக்கி குண்டர் சட்டதுள்ள உள்ள போடுங்க ,எல்லாம் சரி ஆய்டும்,இல்ல அவர் நடத்துற ஸ்கூல் ல எல்லாம் ஒழுங்கா இருக்கானு பள்ளி கல்வித்துறை விட்டு பக்க சொல்லுங்க தம்பி வழிக்கு வந்த்டுவாறு அத விட்டு து படைத்துள்ள எங்க கேப்டன் பேசற வசனம் எல்லாம் இங்கே பேசிட்டு இருக்கீங்க
Rate this:
Share this comment
Cancel
Babu Rajendran - Sharjah,ஐக்கிய அரபு நாடுகள்
13-செப்-201216:28:27 IST Report Abuse
Babu Rajendran கூடங்குளம் அணுமின் நிலையத்தை ஆதரிபவர்களுக்கு ஒரு வேண்டுகோள், அந்த பகுதி மக்களின் மன உணர்வுகளை இதுவரைக்கும் நாட்டை ஆளுபவர்கள் புரிந்து கொள்ள வில்லை, அவர்களுடைய அச்சத்தையும் போக்கவில்லை. தினமலரே நடுநிலையான செய்திகளை போடு,மக்களின் உணர்வுகளை புரிந்து கொள். ஏதாவது ஆபத்து நடந்தால் அப்பகுதி மக்களை நினைத்து பார்த்து உங்களுடைய கருத்துகளை பதிவு செய்யுங்கள்.அந்த அணுமின்நிலையம் செயல்படகூடது.
Rate this:
Share this comment
Cancel
Raj - Chennai,இந்தியா
13-செப்-201214:54:07 IST Report Abuse
Raj இந்த கட்டுரை பொது மக்களின் எதிர்பார்ப்பு மாதிரி தெரியவில்லை. தினமலரின் எதிர்பார்ப்பு. பத்திரிகை தர்மத்தை மறந்து விட்ட தினமலருக்கு என் ஆழ்ந்த அனுதாபங்கள்.
Rate this:
Share this comment
Cancel
Indran Tirupathi - Pudukottai,இந்தியா
13-செப்-201214:45:56 IST Report Abuse
Indran Tirupathi அணு உலைக்கு ஆதரவாக பக்கம் பக்கமாக கருத்து எழுதும் ரெட்லிந் ஜோஸ் அனைத்தும் வேஸ்ட். கல்பாக்கம், தாராப்பூர் அணு உலைகலுக்கு அருகில் 30 ஆண்டுகளுக்கு மேலாக வாழும் மக்கள் எல்லாம் இளிச்சவாயன்கள் என்று நினைப்பா. என்னமோ நீங்க தான் அதி மேதாவிகள் மாதிரி ரொம்ப அலட்டுரிங்க. 130 கோடி மக்கள் வாழும் இந்தியாவில் அணு உலையை எதிர்க்கும் நீங்கள் 3000 பேரும் எத்தனை சதவீதம். 16000 கோடி தேசிய அணு உலை திட்டத்தை நீங்க தடுத்து நிறுத்தி விடுவீங்களாக்கும். உங்கள் எண்ணம் கனவிலும் நடக்காது. பேசாமல் போய் சங்கு இருந்தா எடுத்து எல்லாரும் ஊத்திக்கிட்டு இருங்க.
Rate this:
Share this comment
Cancel
Presno Fernando - Chennai,இந்தியா
13-செப்-201214:35:25 IST Report Abuse
Presno Fernando அப்துல் கலாம் அய்யா அவர்கள் இலங்கையில் நம்முடைய உறவுகள் லட்சகணக்கில் அழியும் பொழுது ,வாய் மூடி மௌனியாக இருந்தார்.பின்பு ராஜபக்சேவுடன் கைகோர்த்து இருமொழி கொள்கையை ஆதரிக்கிறார். கூடங்குளம் வந்த இரண்டு மணி நேரத்தில் அணு உலை பாதுகாப்பானதுன்னு அறிக்கை தருகிறார்.அவர் ஊரை சார்ந்த மீனவர்கள் தினம்,தினம் இலங்கை இராணுவதால் சுடபடுவதற்கு என்றாவது இது வரையில் கண்டனம் தெரிவித்தது உண்டா?.இல்லை ,அவர் கலந்துரையாடசெல்லும் பள்ளிகளில் எதாவது அரசு பள்ளிகள் தான் இருகின்றனவா? இவர் சொல்லிவிட்டார் என்பதற்காக அணு உலைபாதுகாப்பானது ஆகி விடுமா? M . Presno Fernando
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.