like place for thakkare | தாக்கரேக்கு பிடித்தமான இடத்தில் நடந்த இறுதிச் சடங்கு | Dinamalar

பொது செய்தி

இந்தியா

தாக்கரேக்கு பிடித்தமான இடத்தில் நடந்த இறுதிச் சடங்கு

Updated : நவ 19, 2012 | Added : நவ 18, 2012
Advertisement
தாக்கரேக்கு பிடித்தமான இடத்தில் நடந்த இறுதிச் சடங்கு

மும்பை:""நாடு சுதந்திரம் அடைந்ததற்கு பின், மும்பையில், பொது இடத்தில், தலைவர் ஒருவரின் உடல் தகனம் செய்யப்படுவது இதுவே முதல் முறை,'' என, பால் தாக்கரேயின் இறுதிச் சடங்கு நிகழ்ச்சியில் பங்கேற்ற, ஓய்வு பெற்ற போலீஸ் அதிகாரி, ஜூலியோ ரிபேரியோ கூறினார். அரசியல் தலைவர்கள் உள்ளிட்டோரின் இறுதிச் சடங்குகள், வழக்கமாக பொது இடங்களில் நடப்பது இல்லை.

ஆனால், சிவசேனா தலைவர் பால் தாக்கரேயின் இறுதிச் சடங்குகள், மும்பையின் பொது இடமாக கருதப்படும், பிரபலமான சிவாஜி பார்க்கில் நடந்தது. இதற்காக, சிவாஜி பார்க் நிர்வாகத்திடம், சிவசேனா கட்சியினர், அனுமதி பெற்றிருந்தனர்.
தாக்கரேயின் இறுதிச் சடங்கில் பங்கேற்ற, மும்பையின், முன்னாள் போலீஸ் கமிஷனர், ஜூலியோ ரிபேரியோ கூறியதாவது:நாடு சுதந்திரம் அடைந்தபின், மும்பையில், பொது இடத்தில், தலைவர் ஒருவரின் உடல், தகனம் செய்யப்படுவது, இதுவே முதல் முறை. சுதந்திர போராட்ட வீரர், பாலகங்காதர திலகர், 1920ல் இறந்தபோது, தெற்கு மும்பையில் உள்ள, பிரபலமான கிர்காம் சவுபாட்டி என்ற பொது இடத்தில் தகனம் செய்யப்பட்டது. இதற்கு பின், தாக்கரேயின் உடல், தற்போது பொது இடத்தில் தகனம் செய்யப்பட்டுள்ளது.இவ்வாறு, ஜூலியோ ரிபேரியோ கூறினார்.தாக்கரேயின் இறுதிச் சடங்கு நடந்த, சிவாஜி பார்க், அவருக்கு மிகவும் பிடித்தமான இடம். ஒவ்வொரு ஆண்டும், தசரா பண்டிகையின் போது, இந்த மைதானத்தில் தான், தாக்கரே உரை நிகழ்த்துவார்.

சிவசேனா கட்சியின் பல பொதுக் கூட்டங்கள், இங்கு நடந்துள்ளன.
உடல் நலக் குறைவு காரணமாக, கடந்த மாதம் நடந்த, தசரா கொண்டாட்டத்தில், பால் தாக்கரேயால் பங்கேற்க முடியவில்லை. இதனால், "வீடியோ கான்பரன்சிங்' முறை மூலம், அவர் உரை நிகழ்த்தினார். அப்போது அவர் பேசியதாவது:உடல் ரீதியாக முற்றிலும் தளர்ந்து விட்டேன். என்னால், நடக்க முடியவில்லை. ஓரிரு வார்த்தைகள் பேசுவதற்கே மூச்சு வாங்குகிறது. சிவசேனா தொண்டர்கள் எனக்கு ஆதரவு அளித்தது போல், என் மகன், உத்தவ், பேரன் ஆதித்யா ஆகியோருக்கு, தொடர்ந்து ஆதரவு அளிக்க வேண்டும்.இவ்வாறு தாக்கரே, அப்போது பேசினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை