Dinamalar

புனே: நாட்டின் வர்த்தக தலைநகர், மும்பைக்குள் நுழைந்து, ஈவு இரக்கமின்றி, 166 பேரை கொன்று குவித்த, பாகிஸ்தானின், லஷ்கர் -இ- தொய்பா பயங்கரவாதிகளில், உயிருடன் பிடிபட்ட அஜ்மல் கசாப்புக்கு, 25, புனே நகரின், எரவாடா சிறையில் நேற்று முடிவுரை எழுதப்பட்டது. நேற்று காலை, கசாப் தூக்கிலிடப்பட்டான்; அவனின் உடலை, சிறையிலேயே புதைத்து, அடையாளம் தெரியாமல் ஆக்கிவிட்டனர், மகாராஷ்டிரா சிறைத் துறையினர்.
உலகில் எந்த நாட்டிலுமே நடக்காத சம்பவம், 2008, நவம்பர் 26ம் தேதி, மும்பையில் நடந்தது. பாகிஸ்தானின் லஷ்கர் -இ- தொய்பா பயங்கரவாதிகள், 10 பேர், பயங்கர ஆயுதங்களுடன், கடல் வழியாக, மும்பைக்குள் நுழைந்தனர்.
கண்ணில் பட்டவர்களை எல்லாம் சுட்டுக் கொன்றனர்; மக்கள் நடமாட்டம் மிகுந்த, மருத்துவமனை, ரயில்வே ஸ்டேஷன், முக்கிய சாலைகள், இஸ்ரேலியர் வழிபாட்டு தலம் ஆகிய இடங்களில், கையெறி குண்டுகள் மற்றும் இயந்திர துப்பாக்கிகளால், 10 பயங்கரவாதிகள் நடத்திய வெறியாட்டம், உலகையே பீதிக்கு உள்ளாக்கியது.தாஜ்மகால், டிரைடன்ட் ஓபராய் நட்சத்திர ஓட்டல்களுக்குள் புகுந்து, அந்த ஓட்டல்களையும் சிதைத்து, 60 மணி நேரம் பேயாட்டம் போட்ட, பயங்கரவாதிகள், ஒன்பது பேரை, கமாண்டோ படை வீரர்கள், நீண்ட போராட்டத்திற்கு பிறகு சுட்டுக் கொன்றனர்.
அஜ்மல் கசாப், 21, என்ற பயங்கரவாதி மட்டும் உயிருடன் பிடிபட்டான்.பாதுகாப்பு மிக்க, மும்பை, ஆர்தர் ரோடு சிறையில் அடைக்கப்பட்டிருந்த, கசாப்புக்கு, 2010 மே, 6ல், செஷன்ஸ் கோர்ட், தூக்கு தண்டனை விதித்தது. அந்த தண்டனையை, மும்பை உயர் நீதிமன்றம், 2011 பிப்ரவரி, 21ல் உறுதி செய்தது. உச்ச நீதிமன்றம், கசாப்பை தூக்கிலிட, இந்த ஆண்டு, ஆகஸ்ட், 29ல் பச்சைக்கொடி காட்டியது."உலகின் சிறந்த ஜனநாயக நாடு' என்பதை பறைசாற்றும் விதமாக, கொலையாளியாக இருந்த போதிலும், பிடித்த உடனே கொல்லாமல், சிறையில் அடைத்து, கசாப்புக்கு அனைத்து வாய்ப்புகள், வசதிகள் வழங்கப்பட்டன.கைது செய்யப்பட்ட

போது, 21 வயதாக இருந்த போதிலும், கசாப், "நான், 18 வயது சிறுவன்; என்னை சிறுவர் சீர்திருத்த பள்ளியில் தான் அடைக்க வேண்டும்' என்று முறையிட்டான்.
இந்தி மொழி நன்றாக பேசத் தெரிந்திருந்த போதிலும், "உருது மொழியில், குற்றச்சாட்டு பதிவுகள் வேண்டும்' என்றான்.
அனைத்தையும், முறைப்படி வழங்கிய இந்திய அதிகாரிகள், அவனுக்கு தூக்கு தண்டனை விதிக்கப்பட்ட பிறகு, மேல் முறையீடு செய்யவும், ஜனாதிபதியிடம் கருணை மனு தாக்கல் செய்யவும் அனுமதிஅளித்தனர்.
ஜனாதிபதி, பிரணாப் முகர்ஜி, கசாப்பின் கருணை மனுவை, இம்மாதம், 5ம் தேதி நிராகரித்தார். அதையடுத்து, எந்த நேரமும் அவன் தூக்கிலிடப்படலாம் என, எதிர்பார்க்கப்பட்டது.
காதும் காதும் வைத்தாற்போல, கனகச்சிதமாக, கசாப்பின், "கதை'யை மகாராஷ்டிரா அரசு, நேற்று முடித்து விட்டது.
கசாப் அடைக்கப்பட்டிருந்த, மும்பை, ஆர்தர் ரோடு சிறையில் தூக்கிலிட வாய்ப்பு இல்லாததால், இம்மாதம், 19ம் தேதி, அருகில் உள்ள, புனே நகரின், வரலாற்று புகழ் மிக்க, எரவாடா சிறைக்கு, கசாப் மாற்றப்பட்டான்.
துப்பாக்கி குண்டுகள் துளைக்க முடியாத, "புல்லட் புரூப்' ஜீப்பில் ஏற்றி, கண்கள் கட்டப்பட்ட நிலையில், எரவாடா சிறைக்கு கசாப் கொண்டு வரப்பட்டதுமே அவனுக்கு, தன் இறுதி காலம் தெரிந்து விட்டது.நேற்று முன்தினம், ஐக்கிய நாடுகள் சபையில், மரண தண்டனைக்கு எதிராக, கொண்டு வரப்பட்ட தீர்மானத்தில், இந்தியா கையெழுத்திட்ட நிலையில், நேற்று காலை, 7:30 மணிக்கு கசாப்புக்கு தூக்கு தண்டனை நிறைவேற்றப்பட்டது.அவன் இறந்ததை, சிறைத் துறை டாக்டர்கள் உறுதி செய்ததும், தூக்கு மேடையிலிருந்து அப்புறப்படுத்திய சிறை காவலர்கள், சிறையின் உள்ளேயே குழி தோண்டி, புதைத்தனர்.இதன் மூலம், மும்பையில் பேயாட்டம் ஆடிய, பாகிஸ்தான் பயங்கரவாதிகளில், மிச்சமிருந்த கசாப்பின் கதையும் முடிக்கப்பட்டது.கசாப்பிற்கு