Dinamalar

குடோன்களில் வைக்கப்பட்டுள்ள கிரைண்டர், மிக்சி, பேன் உள்ளிட்டவை, துருப்பிடிக்கும் நிலையில் உள்ளன. என்ன செய்வதென தெரியாமல் அதிகாரிகள் அப்படியே கிடப்பில் போட்டு உள்ளனர்.
வருவாய்த்துறை அதிகாரிகள் கூறியதாவது:கிரைண்டர், மிக்சி, பேன் வழங்கி, மூன்று மாதத்துக்கு மேல் இருக்கும். அமைச்சர்களும், கலெக்டர்களும், விலையில்லா பொருட்கள் வழங்குவதைப் பற்றி, எதுவும் எங்களிடம் கூறவில்லை. ஒவ்வொருதாலுகாவிலும், குடோனில் பொருட்கள் தேக்கி வைக்கப்பட்டுள்ளன.பல நாட்களாகி விட்டதால், பேன், கிரைண்டர் துருப்பிடித்துள்ளது.

கிரைண்டர் இருந்தால், மிக்சி இல்லை; மிக்சி இருந்தால், பேன் இல்லை என்ற நிலை தான் உள்ளது.தாலுகாவில் நியமிக்கப்பட்ட, சிறப்பு திட்ட துணை தாசில்தார்கள், வேலையின்றி உள்ளனர். மின்வெட்டு பிரச்னை தீர்ந்தால் தான், கிரைண்டர், மிக்சி, பேன் திட்டம் முழுமையாக செயல்படும் என, எதிர்பார்க்கிறோம்.இவ்வாறு அவர்கள் கூறினர்.

-நமது சிறப்பு நிருபர் -