Advertisement
பதிவு செய்த நாள் : நவம்பர் 22,2012,23:01 IST
கருத்துகள் (20)  கருத்தை பதிவு செய்ய
எழுத்தின் அளவு:

மத்திய அரசுக்கு எதிராக, மேற்கு வங்க முதல்வர், மம்தா பானர்ஜியின் திரிணமுல் காங்கிரஸ் கொண்டு வந்த நம்பிக்கையில்லா தீர்மானம், நேற்று நிராகரிக்கப்பட்டது.சில்லரை வர்த்தகத்தில், அன்னிய நேரடி முதலீட்டை அனுமதித்த பிரச்னையில், எதிர்க்கட்சிகள் மத்தியில், ஒற்றுமை இல்லாததாலும், முலாயம் சிங்கின் சமாஜ்வாதி மற்றும் மாயாவதியின் பகுஜன் சமாஜ் எம்.பி.,க்கள், புதிய பிரச்னைகளை கிளப்பி, அமளியில் ஈடுபட்டதாலும், அரசுக்கு ஆபத்தில்லை என, பார்லிமென்டில் காங்கிரஸ் நேற்று நிம்மதி பெருமூச்சு விட்டது.

பார்லிமென்டின் குளிர்கால கூட்டத் தொடர் நேற்று துவங்கியது. முக்கிய பிரச்னைகளை, எதிர்க்கட்சிகள் கிளப்பலாம் என்ற எதிர்பார்ப்பு பல நாட்களாக இருந்ததால், சபை பரபரப்புடன் கூடியது.கேள்வி நேரம் துவங்குவதற்கு முன், சபையில் பலத்த அமளி துவங்கியது. சில்லரை வர்த்தகத்தில், நேரடி அன்னிய முதலீட்டை அனுமதித்ததற்கு எதிராக, எதிர்க்கட்சிகள் பலத்த கோஷமிட்டதோடு, இந்த பிரச்னை குறித்து, ஓட்டெடுப்புடன் கூடிய விவாதத்தை நடத்த வேண்டும் என, வலியுறுத்தின.

ஆனால், இவை அனைத்தையும், தவிடு பொடியாக்கும் வகையில், சமாஜ்வாதி மற்றும் பகுஜன் சமாஜ் கட்சிகளின் எம்.பி.,க்கள், ஆளுக்கொரு பிரச்னையை கிளப்பினர்."மானிய விலையில் வழங்கப்படும், சமையல் காஸ் சிலிண்டர்கள் எண்ணிக்கையை, ஆறிலிருந்து, 12 ஆக உயர்த்த வேண்டும்' என, சமாஜ்வாதி எம்.பி.,க்களும், "உ.பி.,யில் சட்டம், ஒழுங்கு கெட்டுப் போய் விட்டது; அங்குள்ள முதல்வர் அகிலேஷ் அரசை கலைக்க வேண்டும்' என, பகுஜன் சமாஜ் எம்.பி.,க்களும் கோஷமிட்டனர்.

இரு கட்சியினரும், சபாநாயகர் இருக்கையையும் முற்றுகையிட்டதால், சபையில், கடும் கூச்சல், குழப்பம் நிலவியது. பார்லிமென்டின், இந்தக் கூட்டத் தொடரில், சில்லரை வர்த்தகத்தில், நேரடி அன்னிய முதலீட்டு பிரச்னையை பெரிய அளவில் எழுப்பி, அரசுக்கு நெருக்கடி கொடுக்க, எதிர்க்கட்சிகள் எல்லாம் திட்டமிட்டிருந்தன.ஆனால், அரசை

ஆதரிக்கும் கட்சிகளான, சமாஜ்வாதியும், பகுஜன் சமாஜும், மிக முக்கியமான இந்தப் பிரச்னையை ஓரங்கட்டி விட்டு, சபையில், வேறு பிரச்னைகளை எழுப்பி, திடீர் ஆதிக்கம் செலுத்தியது, திருப்பு முனையை ஏற்படுத்தியது. இதைப்பார்த்து, மத்திய அமைச்சர்களும், காங்., - எம்.பி.,க்களும் சந்தோஷம் அடைந்தனர்.

கூச்சல், குழப்பம் அதிகரித்ததால், சபை, நண்பகல், 12:00 மணி வரை ஒத்திவைக்கப்பட்டது. மீண்டும் சபை கூடியபோது, பகுஜன் சமாஜ் எம்.பி.,க்கள், சபாநாயகர் இருக்கையை முற்றுகை இட்டனர். அந்த நேரத்தில், திரிணமுல் காங்கிரஸ் எம்.பி.,க்கள் எழுந்து, "நம்பிக்கையில்லா தீர்மானம் குறித்து பேச அனுமதிக்க வேண்டும்' என, கோஷமிட்டனர். அப்போது, லோக்சபா எதிர்க்கட்சி தலைவர் சுஷ்மா சுவராஜை, பேசும்படி சபாநாயகர் அழைப்பு விடுத்தார். பலத்த அமளிக்கு மத்தியில், சுஷ்மா சுவராஜ் பேசுகையில், ""சில்லரைவர்த்தகத்தில், அன்னிய முதலீடு தொடர்பாக, 2011 டிசம்பரில், அப்போதைய நிதி அமைச்சர் பிரணாப், சில உறுதி மொழிகளை அளித்தார்; அது மீறப்பட்டுள்ளது,'' என்றார்.

அந்த நேரத்தில், கடும் அமளி நிலவவே, சபை ஒத்திவைக்கப்பட்டது.மீண்டும், 12:30 மணிக்கு, சபை கூடியபோது, திரிணமுல் காங்கிரஸ் சார்பில், நம்பிக்கையில்லா தீர்மானம் கொண்டு வருவது குறித்து பேச, அந்த கட்சியைச் சேர்ந்த சுதிப் பந்தோபாத்யாவை சபாநாயகர் அழைத்தார்.உடன் பேசிய பந்தோபாத்யாய், ""இந்த அரசு தன்னிச்சையாக செயல்பட்டுக் கொண்டிருக்கிறது. சில்லரை வர்த்தகத்தில், அன்னிய முதலீட்டை அனுமதிக்கும் முடிவு, லட்சக்கணக்கான வர்த்தகர்களை பாதிக்கும். எனவே, இந்த அரசுக்கு எதிராக, நம்பிக்கையில்லா தீர்மானம் கொண்டு வருகிறோம்,'' என்றார்.

இதை ஓட்டெடுப்புக்கு விடுவதாக சபாநாயகர் அறிவித்தவுடன், திரிணமுல் காங்கிரஸ் எம்.பி.,க்கள், 19 பேர் எழுந்து நின்றனர். ஒடிசா முதல்வர் நவீன் பட்நாயக்கின் கட்சியான, பிஜு ஜனதா தள எம்.பி.,க்களில் ஒரு சிலரும் எழுந்து நின்றனர். இதையடுத்து, ""நீங்கள் கோரும்

Advertisement

நம்பிக்கையில்லா தீர்மானத்திற்கு, போதிய ஆதரவு இல்லை; எனவே, உங்கள் தீர்மானத்தை நிராகரிக்கிறேன்,'' என, சபாநாயகர் மீராகுமார் அறிவித்தார்.

அதேநேரத்தில், "சில்லரை வர்த்தகத்தில், அன்னிய முதலீடு குறித்து, சபையில் ஒத்திவைப்பு தீர்மானம் கொண்டு வர அனுமதி கோரி, சமாஜ்வாதி கட்சி நோட்டீஸ் கொடுத்துள்ளது; அது என் பரிசீலனையில் உள்ளது. விரைவில் முடிவை அறிவிப்பேன்' என்றும், சபாநாயகர் மேலும் கூறினார்.

இதைத் தொடர்ந்து, சபையில், எழுந்த கூச்சல், குழப்பம் காரணமாக, மதியம், 2:00 மணி வரை, சபை ஒத்திவைக்கப்பட்டது. மீண்டும் கூடியபோதும், அமளி தொடர்ந்ததால், நாள் முழுவதற்கும் சபை ஒத்திவைக்கப்பட்டது. முன்னதாக முலாயம் சிங் இருக்கைக்கே சென்று, அவருக்கு சோனியா பிறந்த நாள் வாழ்த்து தெரிவித்தார்.

தி.மு.க., மவுனம்: சில்லரை வர்த்தகத்தில், அன்னிய முதலீடு பிரச்னைக்காக, லோக்சபாவில் நேற்று பெரும் கூச்சல், குழப்பம் நிலவிய போது, பெரும்பாலான கட்சிகளின் எம்.பி.,க்கள், சபைக்கு நடுவில் வந்தோ அல்லது இருக்கையிலிருந்து எழுந்து நின்றோ, எதிர்ப்பு தெரிவித்தனர்.அந்த நேரத்தில், தி.மு.க., - எம்.பி.,க்களான, டி.ஆர்.பாலு மற்றும் இளங்கோவன் ஆகியோர் சபையில் இருந்தனர். ஆனாலும், எதுவும் பேசவில்லை; அமைதி காத்தனர்.

அ.தி.மு.க., - எம்.பி.,யான தம்பித்துரை எழுந்து, "இந்த பிரச்னை தொடர்பாக, எங்கள் கட்சி கொடுத்த நோட்டீஸ் மீது, என்ன முடிவு எடுக்கப்பட்டுள்ளது' என, சபாநாயகரிடம் கேட்டபடி நின்றிருந்தார். ராஜ்யசபாவிலும், பா.ஜ., மற்றும் அ.தி.மு.க., உட்பட, எதிர்க்கட்சிகள் இதே பிரச்னையை கிளப்பின.தாழ்த்தப்பட்ட வகுப்பினருக்கு, பதவி உயர்வில், இடஒதுக்கீடு குறித்த பிரச்னையை, மாயாவதி கிளப்பினார்.
-நமது டில்லி நிருபர்-




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (20)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
இளம்பிறை - சென்னை,இந்தியா
23-நவ-201222:30:05 IST Report Abuse
இளம்பிறை இந்த பெரிய நிம்மதி தலைப்பு எதற்கு என்று எல்லோருக்கும் தெரியும்...எப்படியோ இது மாதிரியான கொசுக்கடியில் இருந்து மக்களை கடவுளும் இயற்கையும் தான் காப்பற்றவேண்டும்..... இயற்கை தன் வேலையை காட்டினால் தான் இதுபோன்ற நிம்மதி அவ்வபொழுது மக்களுக்கு கிடைகின்றது...தொடரட்டும்...இறைவனை வேண்டுவோமாக!!!!
Rate this:
0 members
0 members
0 members
Share this comment
Cancel
23-நவ-201221:22:15 IST Report Abuse
சுப்பிரமணியன். ஆர் எதிர் கட்சிகளின் ஒற்றுமை இன்மை காங்கிரஸ் கட்சிக்கு தற்காலிகமாக மகிழ்ச்சியாய் இருக்கலாம். தனி majority இல்லாமல் ஓட்டு கட்சி ஊழல் கட்சிகளை சேர்த்துக்கொண்டு எப்படியோ ஒரு பிரதமரை வைத்துக்கொண்டு இத்தனை நாட்களை ஓட்டி விட்டார்கள். கண்டிப்பாக வரும் பொதுத்தேர்தலில் மக்கள் நல்ல பாடம் காங்கிரஸ் கட்சிக்கும் அதன் ஜால்ராக்களுக்கும் புகட்டுவார்கள்
Rate this:
0 members
0 members
0 members
Share this comment
Cancel
H .Akbar ali - Riyadh,இந்தியா
23-நவ-201219:53:08 IST Report Abuse
H .Akbar ali   Hallowed
Rate this:
0 members
0 members
0 members
Share this comment
Cancel
RAVI - Chennai,இந்தியா
23-நவ-201218:47:55 IST Report Abuse
RAVI காங்கிரஸ் கட்சிக்கு மூளை இருந்திருந்தால் ஜனவரி 2013 வரையாவது இந்த விஷயத்தில் ஜகா வாங்கியிருக்க வேண்டும். குஜராத் தேர்தல் சமயத்தில் காங்கிரஸ் அடிக்கும் கூத்து மோடி வெல்வது மேன்மேலும் உறுதி ஆக்கியுள்ளது . கசாப் துக்கு தண்டனை காங்கிரசுக்கு ஓட்டுகளை தருமா என்பது சந்தேகமே!!!
Rate this:
0 members
0 members
0 members
Share this comment
Cancel
தமிழவேல் - chennai,இந்தியா
23-நவ-201217:34:49 IST Report Abuse
தமிழவேல் தலைப்பை பார்த்து தமிழகத்திற்கு மின்சாரம் கேட்டுதான் முடக்கினார்களோ என்று கொஞ்சம் சந்தோஷப்பட்டு ஏமாந்தேன்...
Rate this:
0 members
0 members
1 members
Share this comment
Cancel
திருமலைராஜன் கே - chennai,இந்தியா
23-நவ-201216:17:22 IST Report Abuse
திருமலைராஜன் கே அரசிற்கு ஆபத்து என்றால், வேறு ஆட்சி மலர வாய்ப்புண்டுஆனால், நாடாளுமன்றம் முடக்கப்படுவதால், வளர்ச்சிப் பணிகள் பாதிக்குமே!
Rate this:
0 members
0 members
0 members
Share this comment
Cancel
Raj - Chennai,இந்தியா
23-நவ-201213:25:31 IST Report Abuse
Raj Congress is happy about stalling the house! But how much does it cost? Who cares?!
Rate this:
0 members
0 members
0 members
Share this comment
Cancel
த.செ.மகேந்திரன் - LUSAKA,ஜாம்பியா
23-நவ-201213:11:08 IST Report Abuse
த.செ.மகேந்திரன் மனோகரன் -சென்னை பாராளுமன்றத்தில் (மக்களவையில் ) அ.தி.மு.க. 9 உறுப்பினர்கள் உள்ளார்கள் என்பதை நினைவில் கொண்டு கருத்து எழுதவும் .
Rate this:
0 members
0 members
0 members
Share this comment
Cancel
த.செ.மகேந்திரன் - லுசாகா,ஜாம்பியா
23-நவ-201213:08:10 IST Report Abuse
த.செ.மகேந்திரன் காங்கிரஸ் தற்போதைக்கு பெருமூச்சு விட்டாலும் ,வரும் தேர்தலில் மக்கள் காங்கிரசுக்கு சங்கு ஊதத்தயாராகிவிட்டார்கள் எப்போதோ !!!
Rate this:
0 members
0 members
0 members
Share this comment
Cancel
abubakar - Abudhabi,ஐக்கிய அரபு நாடுகள்
23-நவ-201212:40:25 IST Report Abuse
abubakar எதற்கு பார்லிமென்ட் கூட்டம் நடக்குது நாம் அனுப்பிய உறுப்பினர்கள் விவாதிக்கவா அல்லது சண்டை இடவா வரிப்பணம் வினாவதுதான் மிச்சம்
Rate this:
0 members
0 members
0 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.