Medical University of Management in HC | மருத்துவ பல்கலை நிர்வாகம் ஐகோர்ட்டில் பதில் மனுதாக்கல்| Dinamalar

மருத்துவ பல்கலை நிர்வாகம் ஐகோர்ட்டில் பதில் மனுதாக்கல்

Added : நவ 23, 2012
Advertisement
 
 
Advertisement
 
 
 
Advertisement

சென்னை:"மருத்துவப் படிப்புகளுக்கான தேர்வு மதிப்பீட்டில், மாற்றங்களை கொண்டு வர, தங்களுக்கு அதிகாரம் உள்ளது' என, தமிழ்நாடு டாக்டர் எம்.ஜி.ஆர்., மருத்துவ பல்கலை, ஐகோர்ட்டில், பதில் மனுத் தாக்கல் செய்துள்ளது.தமிழ்நாடு டாக்டர் எம்.ஜி.ஆர்., மருத்துவ பல்கலை, எம்.பி.பி.எஸ்., மற்றும் பி.டி.எஸ்., படிப்புகளுக்கான, ஆண்டு தேர்வு மதிப்பீட்டு முறையில், புதிய விதிமுறைகளை அமல்படுத்தியது."இந்திய மருத்துவ கவுன்சிலின் விதிமுறைகளுக்கு எதிரான, இவற்றை திரும்ப பெற வேண்டும்' எனக் கோரி, 50க்கும் மேற்பட்ட, மருத்துவ மாணவர்கள், ஐகோர்ட்டில் வழக்கு தொடுத்தனர்.


இம்மனுக்கள், தலைமை நீதிபதி இக்பால், நீதிபதி சிவஞானம் அடங்கிய, "முதல் பெஞ்ச்' முன், விசாரணையில் உள்ளது.இவ்வழக்கில், பல்கலை சார்பில், தாக்கல் செய்யப்பட்ட பதில் மனு:தேர்வு மதிப்பீட்டு முறையில் மாற்றங்களை கொண்டு வர, கடந்த ஆண்டு, டிச., 19 ல் நடந்த, பல்கலை நிலைக்குழுவில் ஒப்புதல் அளிக்கப்பட்டது. அதுகுறித்து, அப்போது, மனுதாரர்கள் யாரும் கேள்வி எழுப்பாத நிலையில், தற்போது, வழக்கு தொடுக்க, அவர்களுக்கு உரிமையில்லை. தற்போது கொண்டு வரப்பட்டுள்ள, புதிய விதிமுறைகளுக்கு, இந்திய மருத்துவ கவுன்சிலின் ஒப்புதலும் பெறப்பட்டுள்ளது.


மேலும், மருத்துவக் கல்வியின் தரத்தை உயர்த்தும் வகையில், தேர்வு மதிப்பீட்டில், மாற்றங்களை கொண்டு வர, அதிகாரம் உள்ளது. எனவே, இம்மனுக்களை தள்ளுபடி செய்ய வேண்டும்.இவ்வாறு, பதில் மனுவில் தெரிவிக்கப்பட்டுள்ளது. இவ்வழக்கின் விசாரணையை, "முதல் பெஞ்ச்' இம்மாதம், 26ம் தேதிக்கு தள்ளிவைத்துள்ளது.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை