district news | துணிகளின் சாயக்கழிவுகளை கழுவுவதால் மாசடையும் வைகை| Dinamalar

தமிழ்நாடு

துணிகளின் சாயக்கழிவுகளை கழுவுவதால் மாசடையும் வைகை

Added : நவ 24, 2012
Advertisement
 
 
Advertisement
 
 
 
Advertisement

சிலைமான்:திருப்பூரில் இருந்து கொண்டு வரப்படும் துணிகளின் சாயக்கழிவுகளை சுத்தம் செய்வதால், மதுரை வைகை ஆறு மாசடைந்து வருகிறது.ஜவுளி உற்பத்திக்கு புகழ் பெற்ற திருப்பூர், ஈரோடு, கோவை, கரூர் மாவட்டங்களில் சாயக்கழிவுகளால் நிலத்தடி நீர் பாழடைந்து விட்டது. இதனால், ஈரோடு ஒரத்தபாளையம் அணை வீணானது. அணையில் இருந்து படிப்படியாக சாயக்கழிவுகளை வெளியேற்றும்படி ஐ÷கார்ட் உத்தரவிட்டுள்ளது. எனினும், வெளியேற்ற முடியாத அளவுக்கு மாவட்ட நிர்வாகம் திக்குமுக்காடி வருகிறது. விவசாயத்திற்கும் வழியில்லை. சாயக்கழிவு கலந்ததால் கரூரில் அமராவதி நதி
வீணானது.அமராவதியாக மாறும் வைகை:கொங்கு மண்டலத்தில் சாயப்பட்டறைகளை நடத்த கெடுபிடிகள் இருப்பதால், ஜவுளி உற்பத்தியாளர்களின் பார்வை மதுரை பக்கம் திரும்பி உள்ளது. வைகை ஆற்றில் தேங்கியுள்ள சிறிதளவு தண்ணீரை பயன்படுத்தி, சாயக்கழிவுகளை சுத்தம் செய்கின்றனர். இதற்காக ஏஜன்ட்டுகள் மூலம் "ஆர்டர்கள்' எடுக்கப்படுகிறது. விரகனூர், சிலைமான், திருப்புவனம், திருப்பாச்சேத்தி உள்ளிட்ட பகுதிகளில், துணிகளின் சாயக்கழிவுகளை கழுவி சுத்தம் செய்து வைகையை மாசயை செய்கின்றனர். நாள் ஒன்றுக்கு இரண்டு லட்சம் வேஷ்டி, சேலைகளின் சாயங்களை சோப்பு பவுடரில் கழுவி காயவைத்து திருப்பூர், ஈரோடு, கரூருக்கு அனுப்புகின்றனர்.தோல் நோயால் பாதிப்பு:ஷாஜகான், விரகனூர்: காலை 6 மணிக்கு ஆற்றுக்குள் வேலைக்கு வருவோம். மதியம் 2 மணிக்கு வேலை முடியும். சம்பளம் 300ரூபாய். புதுத்துணிகளை சோப்பு தண்ணீரில் முக்கி எடுத்து, காலால் மிதித்து சுத்தம் செய்வோம். காலில் புண்கள் ஏற்படுகிறது. வேறு தொழில் தெரியாது. பெண்களுக்கு சம்பளம் 150 ரூபாய்.சீனிவாசன், விரகனூர்: திருப்பூரில் இருந்து ஆர்டர்கள் மூலம் கொண்டு வரப்படும் துணிகளை வைகை ஆற்றில் சுத்தம் செய்து கொடுக்கிறார்கள். மழைக்காலங்களில் வேலை கிடைக்காது.இவ்வாறு கூறினர்.வைகையில் சாயக்கழிவு கலப்பதை ஆரம்பத்திலேயே தடுத்து நிறுத்தா விட்டால் வைகையும், "அமராவதி நதி போல்' மாசடைந்து வீணாகும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை