DISTRICT NEWS | "மதுபான தொழிற்சாலையை மூட வேண்டும்'சாலை மறியலில் ஈடுபட்ட பொதுமக்கள்| Dinamalar

தமிழ்நாடு

"மதுபான தொழிற்சாலையை மூட வேண்டும்'சாலை மறியலில் ஈடுபட்ட பொதுமக்கள்

Added : நவ 24, 2012
Advertisement
 
 
Advertisement
 
 
 
Advertisement

சென்னை:வளசரவாக்கத்தில், மதுபான தொழிற்சாலையை மூடக்கோரி, சாலை மறியலில் ஈடுபட்ட, எம்.எல்.ஏ., உட்பட, 95 பேர் கைது செய்யப்பட்டனர்.வளசரவாக்கம், ஆற்காடு சாலை, செல்வ திருநகரில் உள்ள, தனியார் மதுபான தொழிற்சாலையில், நேற்று முன்தின இரவு, திடீரென, "தீ' விபத்து ஏற்பட்டது. இதனால், பொதுமக்கள், அலறியடித்து ஓட்டம் பிடித்தனர்.இந்நிலையில், அப்பகுதியில் உள்ள, 300க்கும் மேற்பட்ட, பொதுமக்கள் மற்றும் மதுரவாயல் தொகுதி எம்.எல்.ஏ., பீம்ராவ் ஆகியோர், மதுபான தொழிற்சாலையை மூடக்கோரி, நேற்று காலை, 9:00 மணிக்கு, வளசரவாக்கம் ஆற்காடு சாலையில், மறியலில் ஈடுபட்டனர்.
வளசரவாக்கம் போலீசார், எம்.எல்.ஏ., பீம்ராவ் மற்றும் பொதுமக்களிடம் பேச்சுவார்த்தை நடத்தினர். ஆனால், அவர்கள், தொழிற்சாலைக்கு, "சீல்' வைக்கும் வரை, பின்வாங்க போவதில்லை என, தெரிவித்தனர்.
பின், ஆர்.டி.ஓ., சண்முகம், பேச்சுவார்த்தை நடத்தினார். அவரிடம், "இதற்கு முன், மூன்று முறை விபத்து ஏற்பட்டுள்ளது. பல முறை புகார் அளித்தும், எந்த பயனும் இல்லை. எங்கள் உயிருக்கு பாதுகாப்பும் இல்லை. தற்போதைய தீ விபத்தால், குழந்தைகளுடன் உயிருக்கு பயந்து ஓடினோம். இந்த தொழிற்சாலையை மூடி, "சீல்' வைக்க வேண்டும்' என, அவர்கள் தெரிவித்தனர்.ஆர்.டி.ஓ., கூறுகையில், ""மாவட்ட ஆட்சியரிடம் பேசி நடவடிக்கை எடுக்கப்படும். ஆனால், இதற்கு சில நாட்கள் ஆகும். உடனடியாக செய்ய முடியாது,'' என்றார்.இதை ஏற்றுக் கொள்ளாத பொதுமக்கள், தொடர்ந்து மறியலில் ஈடுபட்டனர். இதனால், எம்.எல்.ஏ., உட்பட, 95 பேர் கைது செய்யப்பட்டு, மாலையில் விடுவிக்கப்பட்டனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை