Even without parlimentai function, prevents: Jaiswal Report | பார்லிமென்டை செயல்பட விடாமல் பா.ஜ., தடுக்கிறது: ஜெய்ஸ்வால் புகார்| Dinamalar

பார்லிமென்டை செயல்பட விடாமல் பா.ஜ., தடுக்கிறது: ஜெய்ஸ்வால் புகார்

Updated : நவ 25, 2012 | Added : நவ 24, 2012
Advertisement
 
 
Advertisement
 
 
 
Advertisement
பார்லிமென்டை செயல்பட விடாமல் பா.ஜ., தடுக்கிறது: ஜெய்ஸ்வால் புகார்

சம்பல்:""சில்லரை வர்த்தகத்தில், நேரடி அன்னிய முதலீட்டை அனுமதித்தது தொடர்பாக, விவாதம் நடத்த அரசு தயாராக இருந்தாலும், பா.ஜ.,வும், மற்ற எதிர்க்கட்சிகளும், பார்லிமென்டை செயல்பட விடாமல் தடுக்கின்றன,'' என, மத்திய நிலக்கரி துறை அமைச்சர், ஸ்ரீ ஜெய்ப்பிரகாஷ் ஜெய்ஸ்வால் கூறினார்.
உத்தர பிரதேச மாநிலம், சம்பல் நகரில் நேற்று முன் தினம் இரவு நடைபெற்ற, நிகழ்ச்சி ஒன்றில் பேசிய, அமைச்சர் ஜெய்ஸ்வால் கூறியதாவது:சில்லரை வர்த்தகத்தில், நேரடி அன்னிய முதலீட்டை அனுமதித்தது தொடர்பாக, விதி எண் 184ன் கீழ், பார்லிமென்டில் விவாதம் நடத்த, அரசு தயாராகவே இருக்கிறது. ஆனாலும், அன்னிய முதலீடு மற்றும் நிலக்கரி சுரங்க ஒதுக்கீடு தொடர்பாக, தேவையற்ற வகையில் பிரச்னை எழுப்பி, பா.ஜ.,வும், மற்ற கட்சிகளும், பார்லிமென்டில் அமளியில் ஈடுபடுகின்றன.

சில்லரை வர்த்தகத்தில், அன்னிய நேரடி முதலீட்டை அனுமதிப்பது, மாநில அரசுகளின் முடிவுக்கே விடப்பட்டுள்ளது. அவர்கள் விரும்பினால், அனுமதிக்கலாம்; இல்லையெனில், நிறுத்தி விடலாம். இந்தப் பிரச்னைக்காக இப்போது குரல் எழுப்புவோர், வாஜ்பாய் தலைமையிலான, தேசிய ஜனநாயக கூட்டணி ஆட்சியின் போது, இதுபற்றி வாய் திறக்கவில்லை."2ஜி' விவகாரம் தொடர்பாக, பா.ஜ., வெளியிட்டுள்ள அறிக்கை, நகைப்புக்கு உரியது. 2ஜி ஸ்பெக்ட்ரம் ஒதுக்கீடு, நிலக்கரி சுரங்க ஒதுக்கீட்டிலும், மத்திய கணக்கு தணிக்கை அலுவலகமான, சி.ஏ.ஜி., சமர்ப்பித்துள்ள அறிக்கை, முற்றிலும் சரியானது அல்ல.அரசை களங்கப்படுத்த வேண்டும் என்பதற்காகவே, நிறைய இழப்பு ஏற்பட்டுள்ளதாக அறிக்கை தாக்கல் செய்யப்பட்டுள்ளது.இவ்வாறு ஜெய்ஸ்வால் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை