- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- ஆட்சி என்றைக்கும் நிரந்தரமல்ல: கருணாநிதி மே 22,2013
- சூதாட்டத்தில் ஈடுபடவில்லை; நான் அப்பாவி : சொல்கிறார் ஸ்ரீசாந்த் மே 22,2013
- ஸ்பாட் பிக்சிங்: சென்னை அணி உரிமையாளரின் உறவினருக்கு தொடர்பு ? மே 22,2013
- நாளுக்கு நாள் அதிகரிக்கும் மின் தேவை: 4 ஆண்டுகளில் 2,500 மெகாவாட் உயர்வு மே 22,2013
- நிலப்பதிவுக்கு கட்டாய ஆதார் அட்டை: ஜார்க்கண்ட் நிர்வாகம் உத்தரவு மே 22,2013
- இன்று
- கடந்த வாரம்
- கடந்த மாதம்
திருப்பூர்: தடையில்லாமல் மின்சாரம் வழங்கி, தொழில் துறையும், தொழிலாளர்களையும் பாதுகாக்க வேண்டும் என்ற கோரிக்கையை வலியுறுத்தி, மத்திய - மாநில அரசுகளின் கவனத்தை ஈர்க்கும் வகையில், திருப்பூரில் தொழில் துறையினர் நேற்று ஆர்ப்பாட்டம் நடத்தினர்.மின் பற்றாக்குறை காரணமாக, திருப்பூரில் 18 மணி நேரம் மின்வெட்டு நிலவுகிறது. தொழில் துறை கடுமையாக பாதிக்கப்பட்டு, தொழிலாளர்கள் வேலைவாய்ப்பை இழந்துள்ளனர். எனவே, திருப்பூருக்கு சிறப்பு கவனம் செலுத்தி, தடையற்ற மின்சாரம் வழங்கக்கோரி, தொழில் பாதுகாப்பு குழு மற்றும் தொழில் கூட்டமைப்பு சார்பில் நேற்று ஆர்ப்பாட்டம் நடத்தப்பட்டது.தொழில் பாதுகாப்பு குழு ஒருங்கிணைப்பாளர் சுப்ரமணியம் தலைமை வகித்தார்.பல்லடம் விசைத்தறி உரிமையாளர்கள் சங்க தலைவர் வேலுசாமி பேசுகையில், ""விவசாயத்துக்கு அடுத்தபடியாக உள்ள ஜவுளி தொழிலை காக்க தடையில்லா மின்சாரம் வழங்க வேண்டும். புதிய மின் திட்டங்களை உருவாக்கவும், தமிழகத்துக்கு தேவையான மின்சாரத்தை தமிழக அரசு கொடுக்கவும் நடவடிக்கை எடுக்க வேண்டும்,'' என்றார்.
ஓ.இ., மில் உரிமையாளர்கள் சங்க செயலாளர் சந்திரன் பேசுகையில், ""திருப்பூர் தொழில் துறைக்கு, மின்வெட்டு மிகப்பெரிய பிரச்னையாக மாறியுள்ளது. சில நூறு பேருக்கு வேலை வாய்ப்பு வழங்கும் பன்னாட்டு கம்பெனிகளுக்கு, தடையில்லா மின்சாரம் வழங்கும் அரசு,திருப்பூருக்கு, வழங்க மறுப்பது வேதனை அளிக்கிறது,'' என்றார்.
தொழில் பாதுகாப்பு குழு ஒருங்கிணைப்பாளர் கி÷ஷார் குமார் பேசுகையில், ""திருப்பூர் மாவட்டத்தில் 750 மெகாவாட் மின் உற்பத்தி செய்யப்படுகிறது. ஆனால், திருப்பூருக்கு தேவையான 500 மெகாவாட் மின்சாரம் கூட வழங்கப்படுவதில்லை. மத்திய அரசு தமிழகத்துக்கு உரிமையான மின்சாரத்தை வழங்க வேண்டும். தற்போது புதிய ஆர்டர்கள் வருவதால், தடையில்லாமல் மின்சாரம் வழங்க வேண்டும்,'' என்றார்.தொழில் பாதுகாப்பு குழு உயர்மட்ட குழு தலைவர் பழனிசாமி பேசுகையில், ""வெளிநாட்டு கம்பெனிகளுக்கு தடையில்லா மின்சாரம் வழங்குவதால், உள்நாட்டு உற்பத்தியாளர்கள் வீதிக்கு வந்து போராட வேண்டியுள்ளது. வெளிநாட்டினர் லாபம் கிடைக்கும் வரை இருப்பர்; லாபம் குறைந்தால் ஓடி விடுவர். அதனால், நம்நாட்டின் குடிமக்களையும், உள் நாட்டு தொழில்களை காக்க முன்னுரிமை கொடுக்க வேண்டும். இப்பிரச்னையில் மத்திய, மாநிலஅரசுகள் கவனம் செலுத்த வேண்டும்,'' என்றார்.ஆர்ப்பாட்டத்தில், திருப்பூர், பல்லடம், அவிநாசி, காங்கயம், வெள்ளகோவில் பகுதியில் இருந்து 2 ஆயிரம் பெண்கள் உட்பட 8,000 பேர் பங்கேற்றனர்.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
ஆர்பாட்டம் நடந்த நேற்று வரை மின்வெட்டு காலை நான்கு மணி நேரம் மதியம் நான்கு மணி நேரம் இரவு எட்டு மணி நேரம் போகாமல் இரண்டு இரண்டு மணி நேரம் ஆக குறைக்கப்பட்டது. ஆனால் இன்று முதல் மறுபடியும் கடந்த வாரங்கள் மாதங்கள் போலவே தொடர்கிறது. ஆர்ப்பாட்டம் முடிந்துவிட்டதால் பழைய முறையே ஆரம்பித்துவிட்டது போலும் .
கொடநாட்டு கொடிய சக்தியோட பேயாட்சிக்கு எதிரா மக்கள் புரட்சி இது போல பல இடங்களில் ஆரம்பிச்சாச்சு...ஆப்பு ரெடி போல...
தடையில்லா மின்சாரம் கோரி திருப்பூரில் ஆர்ப்பாட்டம் - தடை இல்லா... மின்வெட்டு வேண்டுமானால் கேட்கலாம்..அதுமட்டுமே இப்போதைக்கு... சாத்தியம்... தடை இல்லா மின்சாரமென்பது...இன்னும்... எட்டு முதல் பத்து ஆண்டுகளுக்கு.. சாத்தியமில்லாதது ( அதற்க்கு பின் கடவுள் விட்ட வழி )... அதற்க்கு..நம்மை ஆண்ட..ஆள்பவர்கள்... நீண்டகாலத்திற்கு திட்டமிடவில்லை....இப்போதைக்கு திட்டமிடுவதாவதாகவும் இல்லை...
இப்பொழுதாவது விலைஇல்லாப்பொருளுக்காக அன்றி தடையிலாப் பொருளுக்காக மக்கள் போராடுகிறார்களே? வாழ்க எம்மக்கள். இதே போல் எல்லா விசயங்களிலும் இலவசத்திற்கு மயங்காமல்,யாருக்கு என்ன நடந்தால் எனக்கென்ன என அலட்சியம் காட்டாமல்,தனக்கு கேடு நடக்கும்வரை காத்திராமல்,தவறுகளை கண்டவுடனே தட்டிகேட்டால் நம் அனைவருக்கும் நல்லது.
கரண்ட் வேணும்னு தமிழ்நாடே போராட்டம் நடத்தினாலும் ஒன்னும் பிரயோஜனம் இல்ல. ஒரு 100 பேர கூட்டிவந்து பந்தல் போட்டு கரண்ட் வேண்டான்னு போராட்டம் பண்ணுங்க உங்களுக்கு பாராட்டும் பரிசும் தரும் நம்ம மத்திய அரசு.
அந்நிய செலாவணி அதிகம் தரும் நிலையில் திருப்பூர் தடையில்லா மின்சாரம் கிடைக்க தகுதி உள்ளது .
திருப்பூர் மாவட்டத்தில் மின்சார உற்பத்தி 750 மெகாவாட். திருப்பூர் மாவட்டத்தின் தேவை 500 மெஹாவாட் தான். அதை முழுவதுமாக எங்களுக்கு கொடுங்கள். நல்ல வாதம் தான், இதே வாதத்தை மற்ற மாநிலங்களும் ( உம். கர்நாடகா-காவிரி ) முன் வைக்கின்ற போது கசக்குதோ?
திருப்பூர் மக்கள் பெரும்பான்மையானவர்கள் ஜெயாவின் தீவிர ஆதரவாளர்கள் தான். கரண்ட் கொடுத்தாலும் கொடுக்காவிட்டாலும் அவர்கள் ஜயாவை ஒருபோதும் கைவிடமாட்டார்கள். இது ஜெயாவுக்கும் நல்லா தெரியும். எனவே இந்த போராட்டத்தில் எந்த பயனும் ஏற்படபோவதில்லை.
நொய்யல் ஆற்றை நரகலாக்கி விவசாயத்தைக் குட்டிச்சுவராக்கும் இவர்களுக்கு மின்சாரம் ஒரு கேடா
தடையில்லா மின்சாரம் எல்லாம் மம்மிக்கு பழைய சமாச்சாரம்... அதைச் சொல்லி ஏமாத்தி முதலமைச்சர் ஆன பிறகு யார் எவ்வளவு கூப்பாடு போட்டாலும் பிரயோஜனமில்லை... இனி மம்மியின் சுலோகன் "விலையில்லா மின்சாரம் தான்."... மம்மியை பிரதமர் ஆக்கினால் தமிழநாட்டுக்கு விலையில்லா மின்சாரம் மூன்றே மாதத்தில் தந்து அருளுவார்...
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us