E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : நவம்பர் 29,2012,22:54 IST
கருத்துகள் (128)  கருத்தை பதிவு செய்ய
எழுத்தின் அளவு:

பெங்களூரு: காவிரியில் தண்ணீர் திறப்பது தொடர்பாக, உச்சநீதிமன்ற அறிவுரைப்படி, நேற்று தமிழக, கர்நாடகா முதல்வர்கள், பெங்களூரில் நடத்திய பேச்சு, தோல்வியில் முடிந்தது. ""கர்நாடகா, ஒரு சொட்டு தண்ணீர் கூட விட முடியாது என, திட்டவட்டமாக கூறி விட்டதால், பேச்சுவார்த்தையில் இனிமேல் பயனில்லை,'' என, தமிழக முதல்வர் ஜெயலலிதா கூறினார்.
தமிழகத்துக்கு காவிரி நதி நீர் பங்கீடு குறித்த பேச்சு வார்த்தைக்கு, சென்னையிலிருந்து, தனி விமானம் மூலம், பெங்களூரு, ஹெச்.ஏ.எல்., விமான நிலையத்துக்கு, நேற்று மதியம், 2:30 மணிக்கு, தமிழக முதல்வர் ஜெயலலிதா வந்தார். அவரை, கர்நாடகா உள்துறை அமைச்சரும், துணை முதல்வருமான அசோக் வரவேற்றார்.
விமான நிலையத்திலிருந்து, கார் மூலம், 1 கி.மீ., தூரத்திலுள்ள, லீலா பேலஸ் நட்சத்திர ஹோட்டலுக்கு வந்தார். ஹோட்டல் நுழைவாயிலில், கர்நாடக தலைமை செயலர் ரங்கநாத், பூங்கொத்து கொடுத்து வரவேற்றார். நீர்ப்பாசன துறை அமைச்சர் பசவராஜ் பொம்மை மற்றும் அதிகாரிகள், ஜெயலலிதாவை உள்ளே அழைத்து சென்றனர்.
பின், கூட்டம் நடக்கும் ஹாலுக்கு, ஜெயலிதா சென்றார். ஹாலின் ஒரு புறம், தமிழகம் சார்பிலும், எதிர் புறம், கர்நாடகா தரப்பிலும் அமைச்சர்கள், அதிகாரிகள் அமர்ந்தனர். முதல்வர் ஜெகதீஷ் ஷெட்டர் வந்தவுடன், கூட்டம் துவங்கியது. இரு தரப்பிலும், தங்கள் தரப்பு வாதத்தை எடுத்துரைத்தனர்.

கூட்டம், ஒரு மணி நேரம் நடந்தது.
கூட்ட முடிவுக்கு பின், தமிழக முதல்வர் ஜெயலலிதா கூறியதாவது:
தமிழகத்தில், 15 லட்சம் ஏக்கர் விவசாய நிலத்தில், குறுவை சம்பா பயிரிடப்பட்டுள்ளது. தற்போது, மேட்டூரில் அணையில், 15 டி.எம்.சி., தண்ணீர் உள்ளது. இதில், 5 டி.எம்.சி., தண்ணீர், குடிநீருக்கு தேவைப்படுகிறது. சகதி நீர் போக, மீதி, 6.32 டி.எம்.சி., தண்ணீர் மட்டுமே உள்ளது. இது, ஆறு நாள் விவசாய பாசனத்துக்கு மட்டுமே உதவும். இன்னும் குறுவை சம்பாவுக்கு, 65 நாள் தண்ணீர் தேவைப்படுகிறது. கர்நாடகா, தண்ணீர் திறந்து விடவில்லை என்றால், சம்பா பயிர் கருகி விடும்.
ஒப்பந்தப்படி, 2013, பிப்ரவரி வரை, கர்நாடகா, 52.8 டி.எம்.சி., தண்ணீரை விட வேண்டும். ஆனால், தற்போது, கிருஷ்ண ராஜ சாகர் - கே.ஆர்.எஸ்., கபினியில் தண்ணீர் குறைவாக உள்ளது என, கர்நாடகா கூறுகிறது.தமிழகத்தின் தேவைக்காக, 32 டி.எம்.சி., தண்ணீர் மட்டுமாவது விட வேண்டும் என்று கேட்டுக் கொண்டேன். ஆனால், கர்நாடகா, ஒரு சொட்டு தண்ணீர் கூட விட முடியாது என, திட்டவட்டமாக கூறி விட்டது. பேச்சுவார்த்தையில் இனிமேல் பயனில்லை.

காவிரி நீர் வழக்கு, உச்சநீதிமன்றத்தில், நாளை விசாரணைக்கு வருகிறது. பெங்களூரில் நடந்த, இன்றையகூட்டத்தில், கர்நாடகா தண்ணீர் விடுவதற்கு மறுப்பு தெரிவித்ததை எடுத்து கூறுவோம். தமிழகத்தின் நிலையையும் விவரிப்போம். கர்நாடகா தண்ணீர் விட, உத்தரவிட வேண்டும் என்று கேட்டுக் கொள்வோம்.இவ்வாறு அவர் கூறினார்.
கர்நாடகா முதல்வர் ஜெகதீஷ் ஷெட்டர் கூறியதாவது:
கர்நாடகா அணைகளில், தற்போது, 37 டி.எம்.சி., தண்ணீர் மட்டுமே இருக்கிறது. இதில், பெங்களூரு குடிநீர் தேவைக்காக, 20 டி.எம்.சி. தண்ணீர் தேவைப்படுகிறது. எனவே, தண்ணீர் திறந்து விட இயலாது. கர்நாடகத்தில் பருவ மழை பொய்த்து விட்டது. இதனால், கே.ஆர்.எஸ்., கபினி அணைகளில், கடந்தாண்டுகளில் இருந்து வந்த தண்ணீரை விட, தற்போது மிகவும் குறைவாக உள்ளது. காவிரி தண்ணீரை நம்பிக் கொண்டிருக்கும் விவசாயிகளுக்கும், பெங்களூரு, மைசூரு, மாண்டியா, சாம்ராஜ்நகர் ஆகிய, நான்கு மாவட்ட மக்களின் குடிநீருக்கும், ஓரிரு மாதங்களுக்கு மட்டுமே தண்ணீர் உள்ளது.கர்நாடகத்தில் பருவ மழையின் காலம் முடிந்து விட்டது. ஆனால், தமிழகத்தில், இன்னும் பருவ மழை பெய்வதற்கு வாய்ப்புள்ளது. ஏற்கனவே, தமிழகத்தில் நல்ல மழை பெய்துள்ளது. தமிழகம் கேட்டுக் கொண்டபடி, தண்ணீர் விட இயலாது என்று கூறி விட்டோம்.காவிரி நதி நீர் ஆணைய உத்தரவுக்கு பின், அளவுக்கு அதிகமாக, தமிழகத்துக்கு தண்ணீர் திறந்து விடப்பட்டுள்ளது. காவிரி பிரச்னையை தீர்க்க, இரு மாநில பாசனத்துறை நிபுணர்களை கொண்ட குழுவை அமைக்கலாம். காவிரி பிரச்னை தொடர்பாக, சென்னைக்கு வந்து பேச்சுவார்த்தை நடத்த, நான் தயாராக உள்ளேன். ஒரு சொட்டு தண்ணீர் கூட திறந்து விடமாட்டோம் என்று கூறவில்லை; கர்நாடகத்திடம் போதுமான தண்ணீர்

Advertisement

இல்லாததால், தண்ணீர் திறக்க இயலாது என்றே கூறினேன்.கர்நாடகாவின் நிலையை, ஜெயலலிதாவிடம் எடுத்து கூறினோம். ஆனால், அவர், எந்த சமரசத்துக்கும் ஒப்புக் கொள்ளாமல், "பேச்சுவார்த்தை தோல்வி' என்று கூறி விட்டு, சென்று விட்டார்.இவ்வாறு அவர் கூறினார்.


சுப்ரீம் கோர்ட்டை இன்றே அணுகுகிறோம்

""காவிரியில் தமிழகத்துக்கு தண்ணீர் வேண்டி, சுப்ரீம் கோர்ட்டை, இன்றே அணுகுகிறோம்,'' என, முதல்வர் ஜெயலலிதா கூறினார்.
காவிரி நதி நீர் பகிர்வு குறித்து, கர்நாடக முதல்வருடன் பேச்சு நடத்தி, சென்னை திரும்பிய, முதல்வர் ஜெயலலிதா கூறியதாவது:சம்பா சாகுபடிக்கு, 65 நாள்தண்ணீர் தேவைப்படுகிறது. இதற்கு, 30 டி.எம்.சி., தண்ணீரை திறந்துவிட வேண்டும் என, கர்நாடக அரசைக் கேட்டுக் கொண்டோம்.
ஆனால், ஒரு சொட்டுத் தண்ணீரைக் கூடத் தர முடியாது என, கர்நாடகம் தெரிவித்து விட்டது.எனவே, தமிழகத்துக்கு காவிரி நீரை அளிக்க வேண்டும் என, சுப்ரீம் கோர்ட்டை, இன்றே அணுகுகிறோம். இதைத் தவிர வேறு வழியில்லை.இவ்வாறு, ஜெயலலிதா கூறினார்.




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (128)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
maravan - dublin,அயர்லாந்து
30-நவ-201221:20:39 IST Report Abuse
maravan இங்கு சிலர் கூறுவதுபோல் மின்சாரம் இல்லை என்றால் கன்னட காரன் அங்கு உள்ள தமிழர்களை உதைப்பான்..நதி நீரை தேசியமயமாக்க வேண்டும். அதற்கான சட்டம் உடனே வேண்டும்..மத்திய அரசாங்கத்தை நிர்பந்திக்க வேண்டும். சுப்ரீம் கோர்ட் தீர்ப்பை மதிக்காத கர்நாடக அரசை கலைக்க வேண்டும்..மத்திய அமைச்சரவையில் உள்ள தமிழக அமைச்சர்கள் செய்வார்களா.?..
Rate this:
0 members
0 members
1 members
Share this comment
Cancel
nsathasivan - mylapore,இந்தியா
30-நவ-201220:22:09 IST Report Abuse
nsathasivan இங்குள்ள ஏரி,குளங்கள் எல்லாம் தூர் வாருதல் ,தடுப்பணை போன்ற தொலைநோக்கு திட்டம் இல்லாமல் நாசமாக்கிவிட்டு அடுத்தவர் தண்ணீர் தர வில்லை என்று புலம்புவதால் என்ன லாபம் .
Rate this:
0 members
0 members
1 members
Share this comment
Cancel
Samuel Christopher - sharjah ,ஐக்கிய அரபு நாடுகள்
30-நவ-201219:53:17 IST Report Abuse
Samuel Christopher ஒன்றை புரிந்து கொள்ளுங்கள் உங்களின் கருத்துக்களை கொண்டு அரசியல் செயல் படமாட்டார்கள். தமிழன் என்றும் அடுத்தவனிடம் போய் கை ஏந்துவதை பழக்கமாக கொண்டு இருக்கிறார்கள், நீங்கள் நல்ல வழிமுறைகளை திட்டங்களை செய்யுங்களேன். அத விட்டு டிவி கொடுத்தேன், மிக்சி கொடுத்தேன்,கிரைண்டர் கொடுத்தேன் என்று இருக்கிறிர்கள். யார் வீட்டில் இது எல்லாம் இல்லை? இது எல்லாம் கொடுத்து கரண்டுக்கு வழி இல்லை என்றால் என்ன பயன்? மக்கள் நலன் முன்னேற ( தொலை நோக்கு பார்வையில் ) என்ன செய்ய வேண்டும் என்று அதிகாரிகள் சிந்திக்க வேண்டுமே. இன்று விவசாயம் அழியும் சுழலில் உள்ளது தெரியுமா? காரணம் ஆட்சியில் உள்ளவர்கள் (எந்த ஆட்சியாகவும் இருக்கட்டும்)வயலுக்கு வேலைக்கு போகிறவர்களை ரோட்டில் போய் படுத்து உறங்க வைத்து விட்டார் ஐயா அவர்கள், அடுத்து வந்த அம்மா நேரம் கரண்டும் இல்லை... மழையும் இல்லை.....இந்த நிலையில் வெற்றிகரமாக கொண்டாடமும் நடக்குது...தமிழகத்தின் உண்மை நிலைமை யாருக்கு தெரிகிறது?தமிழகத்தில் நகரங்களில் எங்கு பார்த்தாலும் சுகாதார கேடு இருக்கிறது தெரியுமா?அதை மாற்ற ஏதாவது வழி செய்கிறார்களா?சும்மா கர்நாடகா தண்ணி தரவில்லை கேரளா தண்ணி தரவில்லை சொல்லுகிறோமே வேற எந்த மாநிலத்தாரும் இப்படி கேட்டு கொண்டு அலைகிறார்களா?சிந்தியுங்கள்
Rate this:
0 members
0 members
2 members
Share this comment
Cancel
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
30-நவ-201219:42:09 IST Report Abuse
மதுரை விருமாண்டி இந்த பிரச்சினையை மம்மி முடிச்சு மேல் முடிச்சு போட்டு தீராத பிரச்சினை ஆக்கி விட்டார்.. சட்டமோ, ஜனநாயகமோ, தண்ணீர் "கேட்பது" நாம்... ஆட்சியில் இருப்பவர்கள், "சாதாரண, விருப்பு, வெறுப்பு, கோபம்" உள்ள மனித ஜென்மங்கள் தான்... கோர்ட்டு, கேசு, பிரச்சினைன்னு வேண்டிய அளவு சாணியை கரைத்து கர்நாடக அரசும் மேல் ஊத்தி, உசுப்பத்தி, வெறுப்பேத்தி விட்டு, இப்போ மம்மி வக்கணையாக போய் "தண்ணி கொடு, ஆத்தா வெய்யும், தண்ணி கொடு" ன்னா, ஷெட்டருக்கு மட்டும், ஆட்சியிலே இருக்கோணும் என்கிற ஆசை இருக்காதா என்ன ?? இந்தம்மா அரசியலால் பிழைக்க இந்த நாடகம் போடுது... அந்தாளும், அரசியிலில் பிழைக்க இந்த பதில் சொல்லியிருக்கிறார்...
Rate this:
0 members
0 members
4 members
Share this comment
Cancel
g.s,rajan - chennai ,இந்தியா
30-நவ-201219:03:15 IST Report Abuse
g.s,rajan Unity in Diversity???
Rate this:
0 members
0 members
2 members
Share this comment
Cancel
தமிழவேல் - முகப்பேர் மேற்கு ,இந்தியா
30-நவ-201217:59:10 IST Report Abuse
தமிழவேல் தண்ணீரை அங்கெ கேட்டேன் இல்லை என்று கூறிவிட்டார்கள் ... மின்சாரம் இங்கே கேட்டேன் இல்லை என்று சொல்லிவிட்டார்கள் என்ற பதில் கூறி பதுங்கிகொள்ள காரியங்கள் செய்யக்கூடாது...மற்றவர்கள் மேலே குறைகளியே கூறிக் கொண்டுள்ளதை தவர்த்து முதலமைச்சர் என்ற நிலையில் அதை எப்படி தீர்வு செய்வது என்பதை தேட வேண்டும்...தண்ணீர் உள்ள போது சென்று பார்ப்பதை விட்டுவிட்டு கோர்ட் கூறியதால் நீர் அவர்களிடம் இல்லாத போது சென்று பார்த்தால் பதில் இப்படிதான் இருக்கும்.....திரு முக அல்லது மத்தியில் கூறி அந்த அரசு தண்ணீர் திறக்கவில்லை என்று நினைக்க வேண்டாம்...
Rate this:
33 members
2 members
9 members
Share this comment
தமிழன் - சென்னை,இந்தியா
30-நவ-201220:48:38 IST Report Abuse
தமிழன்அப்பவே கேட்டிருந்தால் கொடுத்திருப்பாங்களா? என்ன சொல்றீங்க. எப்ப கேட்டாலும் இது தான் பதில் கிடைக்கும். அங்கு அவர்கள் இதை வைத்து அரசியல் செய்கிறார்கள். கோர்ட் தீர்ப்பு தான் ஓரளவு நிம்மதி தரும்....
Rate this:
1 members
0 members
0 members
Share this comment
தமிழவேல் - முகப்பேர் மேற்கு ,இந்தியா
01-டிச-201203:04:18 IST Report Abuse
தமிழவேல் தமிழன் அவர்களே...கோர்ட் ஆர்டருக்குப்பின் கொஞ்சம் நீர் திறந்தார்கள்... இப்போது அவர்களுக்கே போதுமான நீர் இல்லை என்று கூறப்படுகின்றது ... இந்த சமயத்தில் அவர்கள் எப்படி தர முடியும் ? அப்படி கொடுத்தால் அந்த மாநில மக்கள் விட்டுவிடுவார்களா ? சில நாள் நீருக்கே அங்கு நடந்த மறியலை பார்த்தோமே...( நம்மைவிட அவர்கள் இதில் ஒற்றுமையாக உள்ளார்கள் ) நான் கூறுவது என்னவென்றால் ... முதலில் நமது முதலமைச்சர் அண்டை மாநில தலைவர்களுடன் நட்பு முறையை பாவிக்க வேண்டும்.... நீராணயத்தை சந்திக்கும் முன் அண்டை மாநில முதல்வரை சந்தித்து பேசுவதில் எந்த ஒரு தவறும் இல்லை.. அதில் நமது கவுரவமும் பாதிக்கப்படாது. அந்த நேரத்தில் அவர்களுக்கு போதுமான நீர் இருந்திருந்தால் நமக்கு தரமுடியாது என்று எப்படி கூற முடியும்? அப்படி கூறினாலும் அதன் பின் கோர்ட்டை அணுகினால் கோர்ட் அவர்களை தண்டிக்க வாய்ப்புள்ளது.. இன்றைய நிலை என்ன ? அவர்களை இன்று மதியம் கோர்டில் கூறியது படி அவர்களிடம் 70 TMC இருப்பு உள்ளது. ஆனால் அவர்களுக்குத்தேவையானது 78 TMC . இந்த நிலையில் அவர்களுக்கே போதாது என்று இன்று கோர்ட்டில் கூறி உள்ளார்கள்..... நாம் குறுவையின் போதே சென்று பார்த்திருந்தால்.... அவர்கள் முடியாது என்று கூறி .....பிறகு கோர்ட்வரை சென்று இன்று சம்பாவிற்கு கொஞ்சம் நீர் கிடைத்திருக்கலாம்......
Rate this:
1 members
0 members
0 members
Share this comment
Cancel
s.p.poosaidurai - Ramanathapuram,இந்தியா
30-நவ-201216:37:07 IST Report Abuse
s.p.poosaidurai உச்சநீதிமன்றத்தின் யோசனைகளை நடைமுறைபடுத்த முடியாத முதல்வர்களின் கூட்டம் தமிழக விவசாயிகளை கவலை அடைய செய்துள்ளது. கருநாடக விவசாயத்தில் செழிக்க வேண்டும் தமிழகம் கருக வேண்டும் என்று கருநாடகம் கர்ச்சிபதை தமிழக முதல்வர் ஏன் எதிர்த்து வழக்காட முடியவில்லை.தமிழக அரசு மத்திய அரசிடமாவது சுமுக உறவுடன் பேசி நிவராணம் பெற்று தர ஆவணம் செய்யவேண்டும்.
Rate this:
1 members
1 members
3 members
Share this comment
Cancel
Ravi Bhuvanesh - Kuwait,குவைத்
30-நவ-201216:27:35 IST Report Abuse
Ravi Bhuvanesh இதற்க்கு எல்லாம் ஒரே தீர்வு: ஒவ்வொரு முறையும் வான்மழை பெய்து தண்ணீர் வீணாக கடலில் கலக்கிறது. இந்த தண்ணீரை வீண் செய்யாமல் ஆங்காங்கே காவிரி ஆற்றின் குறுக்கே சிறிய சிறிய டேம் கட்டினால்தான் இதற்க்கு நிரந்தர தீர்வு. இல்லை என்றால் நமது காவிரி விவசாயிகளுக்கு கண்டிப்பாக தீர்வு இல்லை. தற்போதைய ஆட்சி, இதை பற்றி கொஞ்சம் சிந்தித்து முயற்சி எடுப்பார்களா? அதே நேரத்தில் ஆற்று ஒரங்களில் மரம் கன்றுகள் நடவும் முயற்சி எடுக்க வேண்டும். இது எனது கருத்து. நன்றி
Rate this:
0 members
0 members
5 members
Share this comment
Cancel
Nallavan Nallavan - Kolkata,இந்தியா
30-நவ-201214:11:44 IST Report Abuse
Nallavan Nallavan சோசியக்காரா, சிந்திக்கும் திறன் பெறும்வரை நீங்கள் இருண்ட தமிழகத்தில்தான் இருக்க வேண்டும் நண்பரே. காவிரிப் பிரச்னைக்கு ஒரே தீர்வு தமிழகத்தில் பருவ மழை பொய்க்காமல் இருக்க வேண்டும் என்பதுதான் அல்லது காவிரியின் குறுக்கே கர்நாடகா எத்தனை அணைகள் கட்டியுள்ளதோ, அத்தனையும் நிரம்பி வழிந்தால் வேறு வழியின்றித் தமிழக டெல்டா விவசாயிகளுக்குத் தண்ணீர் கிடைக்கும் அங்கே பாஜக / காங்கிரஸ் இங்கே திமுக / அதிமுக யார் ஆட்சி செய்தாலும் இந்த நிலை தொடரத்தான் செய்யும் ஜே -யா கொசுக்களை உற்பத்தி செய்தார்? ஜே -யா கொசுக்களைப் பரப்பினார்? சுகாதாரத்தின் அடிப்படை அறிவு கூட இல்லாத பெரும்பாலான மக்கள் வட மாநிலங்களில் டெங்கு ஜுரம் கோர தாண்டவம் ஆடி வருகிறது தெரியுமா? அங்கேயும் ஜே போய்ப் பரப்பிவிட்டார் என்பீர்கள், சிந்திக்கும் திறனில்லாதோர்
Rate this:
11 members
1 members
56 members
Share this comment
Cancel
satheesh - trichy,இந்தியா
30-நவ-201213:59:34 IST Report Abuse
satheesh இதில் என்ன சமரசம் வேண்டியுள்ளது? வாடுகின்ற..கருகுகின்ற சம்பா பயிருக்கு உடனே நீர் வேண்டும் என்பதே இப்போதைக்கு அம்மாவின் கோரிக்கை. எந்த ஓர் சமரசத்திற்கும் ஒப்புகொள்ள அம்மா என்ன "கருணாவா"..? மகளின் சொத்துக்களுக்கும்..பேரனின் தொலைகாட்சிக்கும் பிற வியாபாரத்திற்கும் நீர் பங்கீட்டால் பங்கம் வந்துவிடக்கூடாதே என்று கருணா வேண்டுமானால் "சமரசத்திற்கு" ஒப்புகொள்வார். மாநில மக்களின் நலன்களை பிரதானமாய் கருதும் அம்மா அவர்கள் மாநிலத்தின் உரிமையை விட்டுகொடுக்கவே மாட்டார்கள். ஒரு சொட்டு தண்ணீர் கொடுக்க மாட்டேன் என்று சொல்ல ஷெட்டருக்கும் உரிமை கிடையாது. உற்பத்தி ஆகும் நதி நீர் உரிமையைவிட..பாய்கின்ற இடத்தின் உரிமையாளருக்கே தண்ணீர் பங்கீட்டில் அதிகமான உரிமை உள்ளது எனபது வரையப்பட்ட உலக நதிநீர் பங்கீட்டு தீர்வாகும். எனவே காவிரி கர்நாடகாவில் உற்பத்தியானாலும்..பாய்ந்து வருகின்ற தமிழகத்திற்கே அதிக உரிமை உள்ளது. இங்கேயும் ஒட்டு அரசியல் காரணமாய்தான் இந்த முடிவுகளும் வருகின்றது. சுப்ரீம் கோர்ட்டார்..நிச்சயம் மக்களின் நீண்டகால கோரிக்கையான..நதிநீர் தேசீயம் ஆக்கப்படவேண்டும். அதுவே தீர்வாக இருக்க வேண்டும். இல்லை என்றால் மாநிலங்களுக்கிடையே தாக்குதல்கள் மோதல்கள் முற்றி ஒரே இந்தியா என்கிற வரைபடத்திற்கு சேதாரம் வெகு விரைவில் வருங்காலத்தில் உண்டாகலாம். போக்கற்ற மத்திய அரசாங்கம்..மக்களை மாக்களாக்கி சுய வெறுப்பு விருப்புகளுக்கு அடிமைப்பட்டு கிடக்கும் காங்கிரஸ் சர்க்கார் உள்ளவரை இதுபோன்ற நிகழ்வுகள் நடக்கும்..பார்ப்போம்..கோர்ட்டின் தீர்ப்பு கொடுக்கப்படும் நிர்பந்தம் காரணமாய் வருகின்றதா..சாதகமா..அல்லது மக்களின் வாழ்க்கை ஆதாரத்தை கொண்டு தீர்ப்பு வருமா என்பதை.. பெரதமர் வார்த்தை மற்றும் கோர்ட் தீர்ப்பை மதிக்காத கர்நாடக அரசை உடனே கலைத்து விட்டு அங்கு கவேர்நோர் ஆச்சி அமைக்க நடவட்டிக்கை எடுக்க வேண்டும்
Rate this:
8 members
0 members
43 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.