Dinamalar

புதுடில்லி :காவிரியில் தண்ணீர் திறந்து விடுவது தொடர்பாக, கர்நாடக முதல்வர், ஜெகதீஷ் ஷெட்டருடன் நடத்திய பேச்சுவார்த்தை தோல்வி அடைந்ததால், சுப்ரீம் கோர்ட்டிடம் கெஞ்சத் துவங்கியுள்ளார், முதல்வர் ஜெயலலிதா."காவிரி டெல்டா மாவட்டங்களில், தண்ணீர் இன்றி கருகும், சம்பா பயிரை காப்பாற்ற, அடுத்த, 15 நாட்களுக்கு, 30 டி.எம்.சி., தண்ணீர் தேவைப்படுகிறது. அதனால், காவிரியில், தண்ணீரை திறந்து விடும்படி, கர்நாடகா அரசுக்கு உத்தரவிட வேண்டும். இந்த விஷயத்தில், உங்களை தான் நம்பியிருக்கிறோம்' என, சுப்ரீம் கோர்ட்டில் தமிழக அரசு தெரிவித்துள்ளது.

தமிழகம் மற்றும் கர்நாடக அரசுகள் இடையே, காவிரி நீரை பகிர்ந்து கொள்வது தொடர்பாக, நீண்ட காலமாக பிரச்னை உள்ளது. இது தொடர்பாக, இரு மாநில அரசுகள் சார்பிலும், சுப்ரீம் கோர்ட்டில் மனுக்கள் தாக்கல் செய்யப் பட்டுள்ளன.இந்த மனுக்களை விசாரித்த, சுப்ரீம் கோர்ட் பிறப்பித்த உத்தரவுப்படி, இரு மாநில முதல்வர்களும், சமீபத்தில் சந்தித்துப் பேசினர். அந்தப் பேச்சுவார்த்தை தோல்வி அடைந்தது. "தமிழகத்திற்கு ஒரு சொட்டு தண்ணீர் கூட தர முடியாது' என, கர்நாடகம் கைவிரித்து விட்டது.இந்நிலையில், இது தொடர்பான வழக்கு, சுப்ரீம் கோர்ட்டில் நீதிபதிகள், டி.கே.ஜெயின், மதன் பி. லோகூர் அடங்கிய, "பெஞ்ச்' முன், நேற்று முன்தினம் விசாரணைக்கு வந்தபோது, "இரு மாநில அரசுகளும், தங்களின் இன்றைய தண்ணீர் தேவை குறித்து, நம்பத் தகுந்த ஆவணங்களை, உடனடியாக தாக்கல் செய்ய வேண்டும்' என, உத்தரவு பிறப்பித்தது.

இதையடுத்து, தமிழக அரசு சார்பில், சுப்ரீம் கோர்ட்டில் நேற்று அறிக்கை தாக்கல் செய்யப்பட்டது.

அதில், கூறப்பட்டுள்ளதாவது:தமிழகத்தில், பல லட்சம் ஏக்கர் பரப்பில், சம்பா நெற்பயிர் சாகுபடி செய்யப்பட்டுள்ளது. இந்த பயிர்களை காப்பாற்ற வேண்டுமெனில், தினமும், 2 டி.எம்.சி., தண்ணீர் வீதம், இம்மாதம், 1ம் தேதியிலிருந்து, 15ம் தேதி வரை, 30 டி.எம்.சி., தண்ணீர் தேவை. தேவையான தண்ணீரை, கர்நாடகா திறந்து விடாவிட்டால், சம்பா

விளைச்சல், அடியோடு பாதிக்கப்படும். காவிரி டெல்டா மாவட்டங்களில், தண்ணீரின்றி, நெற் பயிர்கள் கருகுவதால், விவசாயிகள் தற்கொலை செய்து கொள்ளும் சூழ்நிலைக்கு தள்ளப்பட்டுள்ளனர். எனவே, கருகும் நெற்பயிர்களை காப்பாற்ற, சுப்ரீம் கோர்ட், உடனடியாக நடவடிக்கை எடுக்க வேண்டும்.இது தொடர்பாக, இன்றோ அல்லது திங்களன்றோ, உத்தரவுபிறப்பிக்க வேண்டும்; வேறு எங்காவது முறையிடும்படி, எங்களை அனுப்பி விட வேண்டாம். காலம் தாழ்த்தாமல் முடிவை அறிவிக்க வேண்டும்.கர்நாடகா அரசு, கடந்த மாதம், 30ம் தேதி வரை, தேவைக்கு அதிகமான காவிரி நீரை பயன்படுத்தி விட்டது. 102 டி.எம்.சி., நீரை மட்டுமே, பயன்படுத்திக் கொள்ள, அனுமதிக்கப்பட்ட நிலையில், அதைவிட, அதிகமான நீரை, கர்நாடகா மாநிலம் பயன்படுத்தி விட்டது.எனவே, மீண்டும் தண்ணீருக்கு உரிமை கோர, கர்நாடகாவுக்கு எந்த உரிமையும் இல்லை. பருவமழை குறைபாட்டால், கர்நாடகா விளைச்சலுக்கு எந்த பாதிப்பும் ஏற்படவில்லை. தமிழகம், புதுச்சேரி ஆகிய மாநிலங்கள் தான், பாதிக்கப்பட்டுள்ளன.

தமிழகத்தில், ஏற்கனவே குறுவை சாகுபடி (ஜூன் முதல் அக்டோபர் வரை) பாதிக்கப்பட்டுள்ள நிலையில், தற்போது, சம்பா சாகுபடியும் (அக்டோபர் முதல் பிப்ரவரி வரை) அபாயத்தில் உள்ளது. தங்களின் விவசாயத்துக்கும்,