Dinamalar

தமிழகத்தில் உள்ள 10 ஆயிரத்துக்கும் மேற்பட்ட கூட்டுறவு சங்கங்கள், போதுமான நிதியின்றி, வறட்சியின் பிடியில் சிக்கி, இயங்க முடியாமல் தவித்து வருகின்றன. வரும், பிப்ரவரி 15ம் தேதிக்குள், கூட்டுறவு சங்கத் தேர்தல்களை, அரசு நடத்தி முடித்தால் மட்டுமே, நபார்டு வங்கி மற்றும் மத்திய அரசின் நிதி உதவியைப் பெற முடியும்.

கூட்டுறவு சங்க உறுப்பினர் சேர்க்கை தொடர்பாக, நீதிமன்றத்தில் வழக்கு உள்ள நிலையில், குறிப்பிட்ட காலத்திற்குள் தேர்தலை நடத்தி முடிக்க ஏதுவாக, தனி அலுவலர்களின் பதவிக் காலத்தை அரசு நீட்டித்துள்ளது.தமிழகத்தில், 10 ஆயிரத்து 442 கூட்டுறவு சங்கங்கள் உள்ளன. 2001ல், ஆட்சிக்கு வந்த அ.தி.மு.க., அரசு, கூட்டுறவு சங்க நிர்வாகக் குழுவை கலைத்து, தனி அலுவலர் கட்டுப்பாட்டுக்குள் கொண்டு வந்தது. அன்று முதல், தனி அலுவலர் பதவிக் காலம், ஆறு மாதத்துக்கு ஒருமுறை, நீட்டிப்பு செய்யப்பட்டு வருகிறது.

நிதி பற்றாக்குறை:

தற்போது, உச்ச நீதிமன்ற தீர்ப்பு, மத்திய அரசு நடவடிக்கை மற்றும் நபார்டு வங்கி (ஊரக வளர்ச்சி தேசிய வங்கி) வழிகாட்டுதல்படி, உள்ளாட்சி நிர்வாகத்தைப் போல், கூட்டுறவு சங்கத் தேர்தல் நடத்தி, தேர்வு செய்யப்படும் நிர்வாகக் குழுவிடம் பொறுப்புகள் ஒப்படைக்க நடவடிக்கை மேற்கொள்ளப்பட்டு வருகிறது.அதோடு, கூட்டுறவு சங்கத் தேர்தல் நடத்தினால் மட்டுமே, தொடக்க வேளாண் கூட்டுறவு கடன் சங்கங்களுக்கு, வழங்க வேண்டிய நிலுவை கடன் தொகை, 536 கோடி ரூபாயை வழங்க முடியும் என, நபார்டு வங்கி, திட்டவட்டமாக தெரிவித்தது. போதுமான நிதி இல்லாததால், கூட்டுறவு சங்கங்கள் நிதி பற்றாக்குறையில் தள்ளாடி வருகின்றன. பெரும்பான்மையான சங்கங்கள், பெயரளவிற்கு இயங்கி வரும் நிலை ஏற்பட்டுள்ளது.நகைக்கடன் வழங்குதல் உள்ளிட்ட சில நடவடிக்கைகள் மூலமே, ஊழியர்களின் சம்பளத்தை வழங்க வேண்டிய நிலை உள்ளது.

அதனால், கூட்டுறவு தேர்தலை உடனடியாக நடத்தி, நிலைமையை சமாளிக்க வேண்டிய கட்டாய நிலை, தமிழக அரசுக்கு ஏற்பட்டது.

பதவி நீட்டிப்பு:

இந்நிலையில், நவம்பர், 24ம் தேதியோடு, முடிவுக்கு வந்த, தனி அலுவலரின் பதவிக் காலத்தை, இரண்டு மாதம், 20 நாட்கள் வரைநீட்டிப்பு செய்து, தமிழக அரசு உத்தரவிட்டுள்ளது.இந்த நீட்டிப்பு காலம் முடிவடையும், அடுத்த ஆண்டு, பிப்ரவரி, 15ம் தேதிக்கு முன், தேர்தல்களை நடத்தி முடித்து, தேர்ந்தெடுக்கப்படும் நிர்வாகக் குழுவிடம், பொறுப்புகள் ஒப்படைப்பதற்கான நடவடிக்கை, தீவிரமாக மேற்கொள்ளப்பட்டு வருகிறது.

சட்ட திருத்தம் :

கூட்டுறவு சங்கங்களின் தன்னாட்சி அதிகாரம், உறுப்பினர்கள் தொடர்பான பல்வேறு அம்சங்களுடன் கூடிய, கூட்டுறவு சங்கம் தொடர்பான, 97வது அரசியல் சட்ட திருத்தம், மத்திய அரசின் அரசிதழில், கடந்த பிப்ரவரி மாதம் வெளியிடப்பட்டது. இந்த சட்ட திருத்தத்தில், கூட்டுறவு சங்கங்களுக்கு தன்னாட்சி வழங்கப்பட்டுள்ளது.சட்ட திருத்தம் குறித்து, தற்சார்பு கூட்டுறவு சட்ட விழிப்புணர்வு குழுவைச் சேர்ந்த, போத்தி ரெட்டி கூறியதாவது:கூட்டுறவு சங்க உறுப்பினர்கள், 21 பேருக்கு மிகாமல் இருக்க வேண்டும்; ஆதிதிராவிடர் மற்றும் பழங்குடியினர் இனத்தைச் சேர்ந்த ஒருவர், குறைந்த பட்சம் இரண்டு பெண்கள் உறுப்பினர்களாக இருக்க வேண்டும்.

அதிகாரம் பறிபோகும்:

சங்க நிர்வாகக் குழுவினர் பதவிக் காலம், மூன்றாண்டுகள் என்பது மாற்றப்பட்டு, ஐந்தாண்டுகளாக உயர்த்தப்பட்டுள்ளது. சங்கத்தின் கணக்கு தணிக்கைஅறிக்கையை குறிப்பிட்ட காலக்கெடுவிற்குள் சமர்ப்பிக்கா விட்டால், சங்கம் நிர்வாக