district news | எம்.ஜி.ஆர்., நினைவிடத்தில் "பறக்கும் குதிரை' உலோக சிற்பம்| Dinamalar

தமிழ்நாடு

எம்.ஜி.ஆர்., நினைவிடத்தில் "பறக்கும் குதிரை' உலோக சிற்பம்

Added : டிச 04, 2012
Advertisement
 
 
Advertisement
 
 
Advertisement

மாமல்லபுரம்:முன்னாள் முதல்வர் எம்.ஜி.ஆர்., நினைவிடத்தில் அமைக்கப்படும், பறக்கும் குதிரை உலோக சிற்பம், மாமல்லபுரத்தில் பிரத்யேகமாக உருவாக்கப்
பட்டுள்ளது.
சென்னை மெரீனா கடற்கரையில், தமிழக முன்னாள் முதல்வர், எம்.ஜி.ஆர்., நினைவிடம் அமைந்துள்ளது. இம்மாதம், 24 ம் தேதி, அவரது நினைவு நாள். எம்.ஜி.ஆர்., நினைவிடத்தில், தமிழக பொதுப்பணித் துறை,
சீரமைப்பு பணிகளை மேற்கொண்டு வருகிறது.
நுழைவாயிலில், முன்பிருந்த வளைவு அகற்றப்பட்டது.
தற்போது, இரு கான்கிரீட் தூண்கள் அமைத்து, அதன் மையத்தில், அ.தி.மு.க., சின்னமான, இரட்டை இலையின் பிரமாண்ட உருவத்தை அமைத்துள்ளது. இதன்கீழ், உலோகத்தாலான குதிரை சிலை,
வடக்கு திசை நோக்கி அமைக்கப்பட்டுள்ளது.
ஐரோப்பிய நாடுகளில் புகழ்பெற்ற இவ்வகை
சிற்பத்தை, இங்கு அமைக்க முடிவெடுத்து,
கலைநிபுணர்களின் ஒத்துழைப்புடன், இதை முதல்வர் ஜெயலலிதா வடிவமைத்தார்.
மாமல்லபுரத்தில் உலோக சிற்பக்கலைக் கூடம் நடத்தி வரும் ரவீந்திரன் ஸ்தபதியிடம், இதை
உருவாக்கும் பொறுப்பை, பொதுப்பணித்துறை
ஒப்படைத்தது.
தாமிரம், பித்தளை, பிற உலோக கலவையில்,
இச்சிற்பம் உருவாக்கப்பட்டுள்ளது. இதன் உயரம் 16 அடி; எடை 3.75 டன். முன்னங்கால்களை தூக்கியும், பின்னங்கால்களை தரையில் தாங்கியும், இருபுற இறக்கைகளை விரித்தும் பறக்கும் தோற்றத்தில்,
இச்சிற்பம் வடிவமைக்கப்பட்டுள்ளது. இதை நான்கு மாதங்களில் உருவாக்கி, இரு நாட்களுக்கு முன்
நிறுவப்பட்டது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை