DISTRICT NEWS | ஆரம்ப சுகாதார நிலையத்தில் நிலவேம்பு கசாயம் வழங்க ஏற்பாடு| Dinamalar

தமிழ்நாடு

ஆரம்ப சுகாதார நிலையத்தில் நிலவேம்பு கசாயம் வழங்க ஏற்பாடு

Added : டிச 04, 2012
Advertisement
 
 
Advertisement
 
 
 
Advertisement

பனமரத்துப்பட்டி: பனமரத்துப்பட்டி ஆரம்ப சுகாதார நிலைய ஆயுர்வேத பிரிவில், டெங்கு, சிக்குன்குனியா காய்ச்சலை கட்டுப்படுத்த, பொதுமக்களுக்கு நிலவேம்பு கசாயம் வழங்கப்படுகிறது.
சேலம், பனமரத்துப்பட்டி பகுதியில், நல்லியாம்புதூர்,காந்திநகர்,கோணமடுவு,திப்பம்பட்டி, அடிக்கரை உள்ளிட்ட பகுதியில் உள்ள மக்கள் மர்ம காய்ச்சலால் பாதிக்கப்பட்டு, கை, கால் வலி, வயிற்று போக்கு, தலைசுற்றல் ஆகியவையால் அவதிப்படுகின்றனர்.
பனமரத்துப்பட்டி வட்டார சுகாதாரத்துறை சார்பில், மருத்துவ குழுக்கள் அமைக்கப்பட்டு,கொசு புழு ஒழிப்பு பணிகளும், நடமாடும் மருத்துவ குழு மூலம் சுகாதார பணிகளும் மேற்கொள்ளப்பட்டது.
தற்போது, பனமரத்துப்பட்டி அரசு ஆரம்ப சுகாதார நிலையத்தில், செயல்பட்டு வரும் ஆயுர்வேத பிரிவில், டெங்கு, சிக்குன்குனியா காய்ச்சலை கட்டுப்படுத்த, நிலவேம்பு பவுடர் பொதுமக்களுக்கு வழங்கப்படுகிறது.
இது குறித்து, ஆயுர்வேத மருத்துவர் கூறியதாவது:
ஒரு டம்ளர் தண்ணீரில், ஒரு ஸ்பூன் நிலவேம்பு பவுடரை போட்டு, காய்ச்சி சுண்டிய பின் வடிகட்டி, கசாயத்தை வெறும் வயிற்றில் குடிக்க வேண்டும். நோய் எதிர்ப்பு சக்தி அதிகரித்து, காய்ச்சல், கை,கால் வலி கட்டுக்குள் வரும். நிலவேம்பு கசாயம், சர்க்கரை வியாதியை கட்டுப்படுத்தும்.
பப்பாளி சாறு காய்ச்சலை கட்டுப்படுத்தும் என்பதால், அதை வீட்டில் தயாரித்தும் அருந்தலாம். நிலவேம்பு கசாயத்தை பத்து நாட்களுக்கு சாப்பிடவேண்டும். பனமரத்துப்பட்டி ஆரம்ப சுகாதார நிலைய, ஆயுர்வேத பிரிவில், பொதுமக்களுக்கு இலவசமாக, நிலவேம்பு வழங்கப்படுகிறது.
இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை