district news | எழும்பூரில் மின்வெட்டால் மூடப்பட்ட வங்கி| Dinamalar

பொது செய்தி

தமிழ்நாடு

எழும்பூரில் மின்வெட்டால் மூடப்பட்ட வங்கி

Added : டிச 04, 2012
Advertisement
 
 
Advertisement
 
 
Advertisement

சென்னை : மின்வெட்டால், எழும்பூரில் உள்ள பாரத் ஸ்டேட் வங்கி (எஸ்.பி.ஐ.,) மூடப்பட்டது. இதனால், மக்கள் பெரும் சிரமத்திற்கு உள்ளாகினர்.எழும்பூர், பாந்தியன் சாலையில் பாரத் ஸ்டேட் வங்கி உள்ளது. இங்கு நேற்று மின்வெட்டு காரணமாக "முற்பகல் 11:00 மணி முதல் நண்பகல் 1:00 மணி வரை வங்கி திறக்கப்படாது. 1:00 முதல் 3:30 மணி வரை இயங்கும்' என, அறிவிக்கப்பட்டிருந்தது. ஆனால், 1:00 மணிக்கு மேலாகியும் வங்கி திறக்கப்படவில்லை. இதனால், அந்த வங்கியில் கணக்கு வைத்துள்ள வாடிக்கையாளர்கள் மிகவும் சிரமத்திற்கு உள்ளாகினர்.இதுகுறித்து, வங்கி வாடிக்கையாளர் ஒருவர் கூறியதாவது:நான் இந்த வங்கியில் பல ஆண்டுகளாக கணக்கு வைத்திருக்கிறேன். இங்கு, அரசு அலுவலர்கள் மற்றும் வயதானவர்கள் என, பலர் பல தேவைகளுக்காக வந்து செல்கின்றனர். வங்கி மூடப்படுவதற்கு மின்வெட்டு தான் காரணம் என்று கூறினர்.ஆனால், 1:00 மணிக்கு மேல் மின்சாரம் வந்தும், வங்கி திறக்கப்படவில்லை. காரணம் கேட்டால், "சர்வர்' பிரச்னை என்று கூறி மழுப்புகின்றனர். எழும்பூரில் உள்ள இரண்டு பாரத் ஸ்டேட் வங்கிகளுமே மூடப்பட்டு தான் உள்ளன. மேலும் ஏ.டி.எம்., நிலையமும் மூடப்பட்டுள்ளது. இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை