district news | காற்றில் கலக்கும் இரும்பு தூளால் பாதிப்பு மாசு கட்டுப்பாட்டு வாரியம் விழிக்குமா?| Dinamalar

தமிழ்நாடு

காற்றில் கலக்கும் இரும்பு தூளால் பாதிப்பு மாசு கட்டுப்பாட்டு வாரியம் விழிக்குமா?

Added : டிச 04, 2012
Advertisement
 
 
Advertisement
 
 
 
Advertisement

சென்னை : காற்றில் பறக்கும் இரும்பு தூளால், எண்ணூரில் வசிக்கும் மக்கள், சுவாச கோளாறால் பாதிக்கப்படுகின்றனர். இப்பிரச்னைக்கு தீர்வு காண, மாசு கட்டுப்பாட்டு வாரியம் உரிய நடவடிக்கை எடுக்க வேண்டும் என்ற, கோரிக்கை எழுந்துள்ளது.இரும்பு குடோன்எண்ணூர் விரைவு சாலையில், பெரிய காசிகோவில் குப்பம் அருகே, ஐந்து கிரவுண்டு நிலப்பரப்பில் தனியார் திறந்தவெளி குடோன் உள்ளது. வெளிநாடுகளில் இருந்து கப்பல் மூலம் சென்னை துறைமுகத்திற்கு வரும் இரும்பு தூள், இந்த குடோனுக்கு லாரிகளில் கொண்டு வரப்படுகிறது. இங்கு, மலைபோல் குவிக்கப்பட்டு, தேவைப்பட்டோருக்கு வினியோகிக்கப்படுகிறது.இந்த குடோனை சுற்றி, எண்ணூர் பெரிய காசிகோவில் குப்பம், எர்ணாவூர் குப்பம், எண்ணூர் குப்பம், எர்ணாவூர் பாரத் நகர், அன்னை சிவகாமி நகர் உள்ளிட்ட பல பகுதிகளில், பொதுமக்கள் வசிக்கின்றனர். இந்த குடோனில் இரும்பு தூளை டன் கணக்கில், லாரிகளில் அள்ளி கொட்டும்போது இரும்பு தூள் காற்றில் வேகமாக பரவுகிறது.சுவாச கோளாறுகாற்றில் கலந்து வரும், இரும்பு தூளை சுவாசிக்கும் பொதுமக்கள் இருமல், சளி மற்றும் சுவாச கோளாறுகளுக்கு ஆளாகின்றனர். குடியிருப்புகள், சமைக்கும் உணவுகள் மற்றும் தண்ணீர் தொட்டிகளில், இரும்பு தூள் படர்கிறது.நடவடிக்கை இல்லைஇதுகுறித்து, அப்பகுதியை சேர்ந்த வனிதா கூறியதாவது:குடோனை வேறு இடத்திற்கு மாற்றும்படி போராட்டம் நடத்தினோம். வேறு இடத்தில் இருக்கும், குடோனில் கொட்டுகிறோம் என, உறுதி அளித்தனர்.ஆனால், மீண்டும் இதே இடத்தில், கொட்டி வருகின்றனர். இப்பிரச்னையில் மாசு கட்டுப்பாட்டு வாரியம் தலையிட்டு, நடவடிக்கை எடுக்க வேண்டும் என, பல முறை புகார் தெரிவித்தோம். ஆனால், எந்தவித முன்னேற்றமும் ஏற்படவில்லை.இவ்வாறு, அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை