fishermen strike in karikkal | மீனவர்களை விடுவிக்க வலியுறுத்தி காரைக்காலில் வேலை நிறுத்தம் | Dinamalar

மீனவர்களை விடுவிக்க வலியுறுத்தி காரைக்காலில் வேலை நிறுத்தம்

Added : டிச 04, 2012
Advertisement
 
 
Advertisement
 
 
 
Advertisement

காரைக்கால்: இலங்கை கடற்படையால் கைது செய்யப்பட்ட காரைக்கால் மீனவர்களை விடுவிக்க கோரி காரைக்கால் மீனவர்கள் வேலை நிறுத்த போராட்டத்தில் ஈடுப்பட்டு வருகின்றனர்.காரைக்கால் கீழகாசாக்குடிமேட்டைச் சேர்ந்த ராஜா, கந்தன், மகேந்திரன் மற்றும் கிளிஞ்சல்மேட்டைச் சேர்ந்த மோகனசுந்தரம் ஆகியோரது 4 படகுகளில் 31 பேர் மீன்பிடிக்க கடலுக்குச் சென்றுள்ளனர். இவர்கள் கோடியக்கரை அருகே மீன்பிடித்து கொண்டிருந்தபோது, இலங்கை கடற்படையினரால் நேற்று முன்தினம் காலை சிறை பிடிக்கப்பட்டுள்ளனர்.4 படகுகளில் மீன்பிடித்த கீழகாசாக்குடிமேடு கவிஅரசன், விஜயமணி, பன்னீர்செல்வம், செல்வகுமார், கதிர்வேல், சிவானந்தம், ரமேஷ், ராஜி, வேலு, தமிழ்மணி, அரசமணி, ராகுல், சூர்யமூர்த்தி, ராமையன் ஆகிய காரைக்காலைச் சேர்ந்த 18 பேர் மற்றும் தமிழகத்தைச் சேர்ந்த 13 பேரும் என மொத்தம் 31 @பரும், நாகை மாவட்ட மீனவர்கள் 9 பேர் என மொத்தம் 40 பேரை இலங்கை கடற்படையினர் சிறை பிடித்து சென்றுள்ளனர்.மீனவர்கள் வேலை நிறுத்தம்:காரைக்கால் பகுதி மீனவர்கள் சிறைபிடித்து சென்றதால், நேற்று முதல் காரைக்கால் மாவட்ட மீனவர்கள் வேலை நிறுத்த போராட்டத்தைத் துவக்கியுள்ளனர்.காரைக்கால் மாவட்ட காங்., மீனவரணி தலைவர் அரசன் கூறுகையில், கீழகாசாக்குடிமேடு, கிளிஞ்சல்மேடு மீனவர்களை இலங்கை கடற்படையினர் கைது செய்துள்ளனர். மீனவர்களை மீட்க மத்திய அமைச்சர் நாராயணசாமியிடம் வலியுறுத்தப்பட்டுள்ளது. காரைக்கால் மீனவர்களை விடுவிக்க புதுச்சேரி அரசும் இணைந்து நடவடிக்கை எடுக்க வேண்டும் என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை