147 corepathy candites in Gujarat pool | குஜராத் முதல் கட்ட தேர்தலில்147 கோடீஸ்வர வேட்பாளர்கள் | Dinamalar

குஜராத் முதல் கட்ட தேர்தலில்147 கோடீஸ்வர வேட்பாளர்கள்

Added : டிச 04, 2012
Advertisement
 
 
Advertisement
 
 
 
Advertisement

ஆமதாபாத்,: குஜராத்தில், முதல் கட்ட ஒட்டுப்பதிவு நடக்கும் தொகுதிகளில், போட்டியிடும் வேட்பாளர்களில், 30 சதவீதம் பேர் கோடீஸ்வரர்களாக உள்ளனர்.குஜராத்தில், சட்டசபை தேர்தல் இரண்டு கட்டமாக நடக்கிறது. வரும், 13ம் தேதி, 87 தொகுதிகளில், முதல் கட்ட ஓட்டுப்பதிவு நடக்கிறது. இதில், மொத்தம், 846 வேட்பாளர்கள் களத்தில் உள்ளனர். இவர்களில், 482 வேட்பாளர்களின் வேட்புமனுக்களை ஜனநாயக சீர்திருத்த சங்கம் மற்றும் குஜராத் தேர்தல் கண்காணிப்பு அமைப்பு ஆய்வு செய்து, அதன் விபரங்களை வெளியிட்டுள்ளது.இதன்படி, 147 வேட்பாளர்கள் கோடீஸ்வரர்களாக உள்ளனர்; 39 வேட்பாளர்கள், தங்களின் சொத்து மதிப்பு, ஒரு லட்ச ரூபாய்க்கும் கீழ் என, குறிப்பிட்டுள்ளனர். 50 லட்சம் ரூபாய்க்கு மேல் கடன் இருப்பதாக, 47 வேட்பாளர்கள் குறிப்பிட்டுள்ளனர்.அரசியல் கட்சி வேட்பாளர்களின் சொத்து மதிப்பு, சராசரியாக ஒரு வேட்பாளர் என்ற அடிப்படையில் காங்கிரசுக்கு, 6.50 கோடி ரூபாயும், பா.ஜ.,வுக்கு, 4.50 கோடி ரூபாயும், குஜராத் பரிவர்த்தன் கட்சிக்கு, ஒரு கோடி ரூபாயும் உள்ளது.மொத்த வேட்பாளர்களில், 103 வேட்பாளர்கள் தங்களின், வருமான வரி கணக்கு எண் (பான் நம்பர்) பற்றிய விபரத்தை தரவில்லை. 240 வேட்பாளர்கள், தாங்கள் இதுவரை வருமான வரி கணக்கை தாக்கல் செய்ததில்லை என, குறிப்பிட்டுள்ளனர். இதில், காங்.,வேட்பாளர்கள், 16 பேரும், பா.ஜ., வேட்பாளர்கள், 12 பேரும் அடக்கம்.வருமான வரி கணக்கு தாக்கல் செய்யவில்லை என்ற குறிப்பிட்ட வேட்பாளர்களில்,சோம்நாத் தொகுதியில் போட்டியிடும் பகுஜன் சமாஜ் கட்சியை சேர்ந்த ராஜபாருக்கு, 40 கோடி ரூபாய்க்கு சொத்து உள்ளது. அரசியல் கட்சி வேட்பாளர்களில், காங்கிரஸ் கட்சியை சேர்ந்த ராஜ்கோட் கிழக்கு தொகுதியில் போட்டியிடும் இந்திரானில் ராஜ்குருவுக்கு, 122 கோடி ரூபாய்க்கு சொத்து உள்ளது. மேலும், தனக்கு, 27 கோடி ரூபாய்க்கு கடன் இருப்பதாகவும் அவர் குறிப்பிட்டுள்ளார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை