3 arrested for admk murder | அ.தி.மு.க., பிரமுகர் கொலை வழக்கு : மேலும் 2 பேர் நீதிமன்றத்தில் சரண்| Dinamalar

கோர்ட் செய்தி

தமிழ்நாடு

அ.தி.மு.க., பிரமுகர் கொலை வழக்கு : மேலும் 2 பேர் நீதிமன்றத்தில் சரண்

Added : டிச 04, 2012
Advertisement
 
 
Advertisement
 
 
 
Advertisement
அ.தி.மு.க., பிரமுகர் கொலை வழக்கு : மேலும் 2 பேர் நீதிமன்றத்தில் சரண்

புதுக்கோட்டை: சிவகங்கை அருகே நடந்த அ.தி.மு.க., பிரமுகர் உட்பட, 3 பேர் கொலை செய்யப்பட்ட வழக்கில் தொடர்புடைய மேலும், இருவர் நேற்று புதுக்கோட்டை நீதிமன்றத்தில் சரணடைந்தனர். சிவகங்கை மாவட்ட, அ.தி.மு.க., மாணவரணிச் செயலாளர் கதிரேசன், இவரது மகன் பிரசன்னா, கார் டிரைவர் பூமிநாதன் ஆகியோர், கடந்த மாதம், 14ம் தேதி கொலை செய்யப்பட்டனர். இந்த வழக்கில் தொடர்புடைய, சிவகங்கை மாவட்டம், பெரிய கண்ணனூர் பகுதியைச் சேர்ந்த முன்னாள் பஞ்சாயத்து தலைவர் அர்ச்சுனன் மகன் அக்னிராஜ், மலைராஜ் மகன் யோகனாதன், அக்னிபாண்டி மகன் சத்தியராஜ் ஆகியோர் கடந்த, 29ம் தேதி புதுக்கோட்டை நீதிமன்றத்தில் சரணடைந்தனர். அவர்களை, 15 நாள் காவலில் வைக்க நீதிபதி புஷ்பராணி உத்தரவிட்டதை தொடர்ந்து, மூன்று பேரும் புதுக்கோட்டை சிறையில் அடைக்கப்பட்டனர். இந்நிலையில் அதே கொலை வழக்கில் தொடர்புடைய, சிவகங்கை மாவட்டம் பெரிய கண்ணனூர் பகுதியைச் சேர்ந்த ராமனாதன் மகன் பால்பாண்டி, 28, செல்வம் மகன் சிவகுமார், 26, ஆகியோர் நேற்று புதுக்கோட்டை நீதிமன்றத்தில் சரணடைந்தனர். இவர்களை, 15 நாள் காவலில் வைக்க நீதிபதி உத்தரவிட்டார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை