Thane cycole victims suffered from low cost for build ouse | ரூ.1 லட்சத்தில் எப்படி வீடு கட்டுவது: "தானே' புயலில் பாதித்தவர்கள் குழப்பம்| Dinamalar

சம்பவம் செய்தி

தமிழ்நாடு

ரூ.1 லட்சத்தில் எப்படி வீடு கட்டுவது: "தானே' புயலில் பாதித்தவர்கள் குழப்பம்

Added : டிச 04, 2012
Advertisement
 
 
Advertisement
 
 
 
Advertisement

கடலூர்: கட்டுமானப் பொருட்கள் விலையேற்றம் மற்றும் கூலி உயர்வு காரணமாக, கடலூர் மாவட்டத்தில், அரசு ஒதுக்கீடு செய்த, "தானே' புயல், "கான்கிரீட்' வீடுகளைக் கட்ட, பயனாளிகள் தயக்கம் காட்டி வருகின்றனர்.
தமிழகத்திலேயே, அதிக குடிசைகள் உள்ள மாவட்டங்களாக விழுப்புரம், கடலூர் மாவட்டங்கள் கண்டறியப்பட்டன. இங்குள்ள குடிசை வீடுகளை, "கான்கிரீட்' வீடுகளாக மாற்ற, 2010 - 11ல் கணக்கெடுப்பு
நடந்தது. கடலூர் மாவட்டத்தில், சாலையோரம், புறம் போக்கில் கட்டப்பட்ட வீடுகள் அல்லாத, வீடு கட்டத் தகுதியான குடிசைகளாக, 1.21 லட்சம் வீடுகள் தேர்வு செய்யப்பட்டன. ஆண்டுதோறும், 26 ஆயிரம் வீடுகள் வீதம், இரு ஆண்டுகளில், 52 ஆயிரம் வீடுகள் "கான்கிரீட்' வீடுகளாக கட்டி முடிக்கப்பட்டு உள்ளன.
இதுதவிர, அ.தி.மு.க., அரசு பொறுப்பேற்றவுடன், தேர்தல் வாக்குறுதியில் அறிவித்த, பசுமை வீடுகள், இந்திரா குடியிருப்பு வீடுகளுக்கு நிதி ஒதுக்கீடு செய்து, கட்டப்பட்டு வருகின்றன. கடந்த, 2011, டிச., 30ம் தேதி வீசிய, "தானே' புயலால், கூரை வீடுகள் சின்னாபின்னமாயின. சட்டசபையில் முதல்வர் ஜெ., "தானே' புயல் பாதித்த கடலூர் மாவட்டத்தில், ஒரு லட்சம் "கான்கிரீட்' வீடுகள் கட்டப்படும்' என, அறிவித்தார்.

கடலூர் மாவட்டத்திற்கு, 90 ஆயிரம் வீடுகளும், விழுப்புரம் மாவட்டத்தில், 10 ஆயிரம் வீடுகளும் ஒதுக்கீடு செய்யப்பட்டன. ஒவ்வொரு வீடும், ஒரு லட்ச ரூபாயில், 200 சதுர அடி பரப்பளவில் கட்ட வேண்டும்.
வீடு கட்டத் தேவையான, ஜல்லி, மணல், செங்கல் விலை, பல மடங்கு உயர்ந்தன; அதுமட்டுமின்றி, கட்டுமான கூலியும் உயர்ந்து உள்ளது. இதனால், ஒரு லட்சம் ரூபாயில், "கான்கிரீட்' வீடு கட்ட முடியுமா என,
சந்தேகம் எழுந்து உள்ளது.

கடலூர் மாவட்டத்தில், 13 ஊராட்சி ஒன்றியங்களில், 683 கிராமங்கள் உள்ளன. அனைத்து கிராமங்களுக்கும், "கான்கிரீட்' வீடுகள் கட்ட, பயனாளிகளுக்கு உத்தரவு வழங்கப்பட்டு உள்ளது. ஆனால், உத்தரவை பெற்ற பயனாளிகள், வீட்டு வேலை துவங்காமல், தயக்கம் காட்டி வருகின்றனர். கடலூர் ஒன்றியத்திற்கு ஒதுக்கப்பட்ட, 13 ஆயிரம் "கான்கிரீட்' வீடுகளில், 71 வீடுகளுக்கு மட்டுமே கட்டுமானப் பணிகள் துவங்கப்பட்டு உள்ளன. இதே போல, ஒவ்வொரு ஒன்றியத்திலும் நிலைமை மோசமாக உள்ளது. "தானே' புயலால் வீடிழந்த பொதுமக்கள், அரசு வழங்கியுள்ள சலுகையை பயன்படுத்திக் கொள்ளவும் முடியாமல், ஒதுக்கவும் முடியாமல்,
குழப்பத்தில் உள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை