Toddy sale from dec 21. | வரும் 21ம் தேதி கள் விற்பனை : இயக்க தலைவர் அறிவிப்பு| Dinamalar

பொது செய்தி

தமிழ்நாடு

வரும் 21ம் தேதி கள் விற்பனை : இயக்க தலைவர் அறிவிப்பு

Added : டிச 05, 2012
Advertisement
 
 
Advertisement
 
 
Advertisement

சேலம் : ""வரும், 21ம் தேதி, கள் இறக்கி விற்பனை செய்யப்படும்,'' என, தமிழ்நாடு கள் இயக்க தலைவர் நல்லசாமி தெரிவித்தார். நொய்யல் ஆற்றுப்பாசன விவசாயிகள் மற்றும் அணைக்கட்டுகள் பாதுகாப்பு சங்கம் நன்றி அறிவிப்பு கூட்டம், சங்கத் தலைவர் கார்த்திகேயன் தலைமையில், கரூர் மாவட்டம் பரமத்தி அருகே, தென்னிலையில் நடந்தது. கூட்டத்தில், தமிழ்நாடு கள் இயக்க சங்க ஒருங்கிணைப் பாளர் நல்லசாமி பங்கேற்று பேசியதாவது: திருப்பூர் சாயக்கழிவு நீரால் நொய்யல் ஆற்றுப்பாசன விவசாய நிலம், 20 ஆயிரம் ஏக்கர் மாசுபட்டு, பத்து ஆண்டுகளாக வறட்சியின் கோரப்பிடியில் விவசாயிகள் சிக்கி, சீரழிந்து வருகின்றனர்.
கடந்த, தி.மு.க., அரசும், தற்போதைய, அ.தி.மு.க., அரசும், விவசாயிகள் நலனில் அக்கறை கொள்ளவில்லை. விவசாயிகள் தங்களிடம் உள்ள பனைமரம் மற்றும் தென்னை மரங்களில் கள் இறக்க அனுமதி வழங்கினாலே, கோடிக்கணக்கான விவசாய குடும்பங்கள் நாள் ஒன்றுக்கு, 1,000 ரூபாய் வருமானம் ஈட்ட முடியும்.
அரசு, டாஸ்மாக் மதுக்கடையால் கள் இறக்க அனுமதி வழங்குவது இல்லை. இதனால், விவசாயிகளின் வாழ்க்கை கேள்விக்குறியாக உள்ளது. அரசு அனுமதி வழங்கினாலும், வழங்காவிட்டாலும் வரும், 21ம் தேதி முதல், கள் இறக்கி விற்பனை செய்ய சங்கம் முடிவு செய்துள்ளது. இதில் டாஸ்மாக் மதுவை விட, கள் சிறந்த பானம் என, நிரூபிக்கும் விவசாயிக்கு, 2 கோடி ரூபாய் பரிசு வழங்கப்படும். இவ்வாறு அவர் பேசினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை