Conditional bail for Ponmudi's son | பொன்முடி மகனுக்கு நிபந்தனை ஜாமின்| Dinamalar

கோர்ட் செய்தி

தமிழ்நாடு

பொன்முடி மகனுக்கு நிபந்தனை ஜாமின்

Added : டிச 05, 2012
Advertisement
 
 
Advertisement
 
 
 
Advertisement

விழுப்புரம்: செம்மண் குவாரி முறைகேடு வழக்கில் சிறையில் உள்ள பொன்முடியின் மகனுக்கு நிபந்தனை ஜாமின் வழங்கப்பட்டது. விழுப்புரம் மாவட்டத்தில், செம்மண் குவாரி அமைத்து, 28 கோடி ரூபாய் அளவில் முறைகேடு நடந்ததாக வழக்கு தொடரப்பட்டது. இது தொடர்பாக, தி.மு.க., முன்னாள் அமைச்சர் பொன்முடி, அவரது மகன் கவுதமசிகாமணி உள்ளிட்ட ஏழு பேர் மீது மாவட்ட குற்றப்பிரிவு போலீசார் வழக்குப் பதிந்தனர்.
இந்த வழக்கில், பொன்முடி உள்ளிட்ட நான்கு பேர் சிறையில் அடைக்கப்பட்டு, நிபந்தனை ஜாமினில் விடுவிக்கப்பட்டுள்ளனர். கவுதமசிகாமணி, அவரது உறவினர் ராஜமகேந்திரன், குவாரி மேலாளர் சதானந்தன் ஆகியோர் கடலூர் மத்திய சிறையில் அடைக்கப்பட்டனர்.
கவுதமசிகாமணி உள்ளிட்ட மூன்று பேருக்கும், ஜாமின் வழங்க கோரி நான்காவது முறையாக விழுப்புரம் தலைமை குற்றவியல் நீதித்துறை நடுவர் நீதிமன்றத்தில் மனு செய்திருந்தனர்.

மனுவின் மீதான விசாரணை நேற்று மாலை நடந்தது. கவுதமசிகாமணி உள்ளிட்ட மூன்று பேருக்கும் நிபந்தனை ஜாமின் வழங்கி, நீதிபதி திருநீலபிரசாத் உத்தரவிட்டார். இதன்படி, கவுதமசிகாமணி வேலூர் மாஜிஸ்திரேட் கோர்ட்டிலும், ராஜமகேந்திரன் சங்கரன்கோவில் மாஜிஸ்திரேட் கோர்ட்டிலும், சதானந்தன் ஸ்ரீவைகுண்டம் மாஜிஸ்திரேட் கோர்ட்டிலும், தினசரி காலை 10:00 மணிக்கும், மாலை 5:00 மணிக்கும், நேரில் ஆஜராகி கையெழுத்திட வேண்டுமென, நீதிபதி உத்தரவில் தெரிவிக்கப்பட்டிருந்தது. இதற்கான உத்தரவை நேற்று இரவு, 7.30 மணிக்கு, சிறை அதிகாரிகளிடம் சமர்ப்பித்தனர். இதனையொட்டி இரவு, 7:45 மணிக்கு, கவுதமசிகாமணி சிறையிலிருந்து விடுவிக்கப்பட்டார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை