DISTRICT NEWS | வடகரைத்தாழனூர் கிராமத்தில் திருந்திய கரும்பு சாகுபடி பயிற்சி| Dinamalar

தமிழ்நாடு

வடகரைத்தாழனூர் கிராமத்தில் திருந்திய கரும்பு சாகுபடி பயிற்சி

Added : டிச 05, 2012
Advertisement
 
 
Advertisement
 
 
Advertisement

திருக்கோவிலூர்: முகையூர் ஒன்றியம் வடகரைத்தாழனூர் கிராமத்தில் திருந்திய கரும்பு சாகுபடி குறித்த செயல் விளக்க பயிற்சி அளிக்கப்பட்டது.
வடகரைத்தாழனூர் கிராமத்தில் ஆத்மா திட்டத்தில் நீடித்த நிலையான கரும்பு சாகுபடி குறித்து விவசாயிகளுக்கு செயல் விளக்க பயிற்சி அளிக்கப் பட்டது. ஒன்றிய சேர்மன் துளசிராஜா தலைமை தாங்கினார். வேளாண்மை உதவி இயக்குநர் கென்னடி ஜெபக் குமார் கலந்து கொண்டு, செயல் விளக்கமளித்து விவ சாயிகளிடம் கூறியதாவது :
முகையூர் ஒன்றியத்தில் கரும்பு சாகுபடி பரப்பு 20 ஆயிரம் ஏக்கராக அதிகரித்துள்ளது. எனினும் உற்பத்தி திறன் ஏக்கருக்கு 40 முதல் 50 டன் என்ற அளவில்தான் உள்ளது.
பழமையான முறையில் வாய்க்கால் பாசனம் மூலம் பயிரிடப்படுவதே இதற்கு காரணம். கரும்பு நாற்றங்கால் நடவு, சொட்டுநீர் பாசனம் மூலம் நீர் மற்றும் உர நிர்வாகம் உள்ளிட்ட நவீன தொழில் நுட்பங்களை உள்ளடக்கிய நீடித்த நிலையான திட்டத்தின் மூலம் ஏக்கருக்கு 100 மெட்ரிக் டன் மகசூல் பெற முடியும். இம்முறையில் இடைவெளி அதிகம் இருப்பதால் ஊடுபயிராக உளுந்து, மணிலா, தர்பூசணி, காய்கறிகள் உள்ளிட்டவற்றை பயிரிட்டு, கூடுதல் வருவாய் பெறலாம்.
இவ்வாறு கென்னடி ஜெபக்குமார் கூறினார்.
ஆத்மா தொழில்நுட்ப மேலாளர் செந்தில்குமார், துணை வேளாண்மை அலுவலர் புகழேந்தி, உதவி வேளாண்மை அலுவலர்கள் சிவநேசன், வெங்கடகிருஷ்ணன் ஆகியோர் பயிற்சிக்கான ஏற்பாடுகளை செய்திருந்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை