district news | பெண்களிடம் பணம் மோசடி 5 பேருக்கு போலீஸ் வலை| Dinamalar

தமிழ்நாடு

பெண்களிடம் பணம் மோசடி 5 பேருக்கு போலீஸ் வலை

Added : டிச 05, 2012
Advertisement
 
 
Advertisement
 
 
 
Advertisement

ஓசூர்; ஓசூர் அருகே, கெலமங்கலத்தில், பெண்களிடம் பணம் வாங்கி மோசடி செய்த, ஐந்து பேரை போலீஸார் தேடுகின்றனர்.கெலமங்கலம் அடுத்த முகளூரை சேர்ந்தவர் நாகராஜ். இவரது மனைவி கிருஷ்ணம்மா, 30. ஐந்தாண்டுகளுக்கு முன், திண்டுக்கல் "சக்சஸ்' நெட்வொர்க் மார்க்கட்டிங் கம்பெனியை சேர்ந்த சிலர், இவரது வீட்டிற்கு வந்து, 4,000 ரூபாய் கொடுத்தால், மூன்று ஆண்டில், 50 ஆயிரம் ரூபாய் கிடைக்கும், என கூறியுள்ளனர்.இதை நம்பி, கிருஷ்ணம்மா உள்பட அப்பகுதியை சேர்ந்த, 50 பெண்கள், அவர்களிடம், 4,000 ரூபாய் கொடுத்து உறுப்பினராக சேர்ந்துள்ளனர். மூன்று ஆண்டுகளான பின், முதிர்வு தொகை, 50 ஆயிரம் ரூபாய் கேட்டுள்ளனர்."சக்சஸ்' நெட்வொர் மார்க்கெட்டிங் கம்பெனியினர், 50 ஆயிரம் ரூபாய் கொடுக்கவில்லை. முதலீடு செய்த, 4,000 ரூபாயையும் திருப்பிக் கொடுக்கவில்லை. அதிர்ச்சியடைந்த கிருஷ்ணம்மா உள்பட அப்பகுதியை சேர்ந்தவர்கள், பலமுறை அந்த கம்பெனி ஊழியர்களிடம் பணம் கேட்டுள்ளனர். அவர்கள், இரு ஆண்டாக பணத்தை வழங்காமல் இழுத்தடித்தனர். ஒருகட்டத்தில், மொபைல் ஃபோனை சுவிட்ச் ஆஃப் செய்து விட்டனர். இதனால், கிருஷ்ணம்மா, கெலமங்கலம் போலீஸில் புகார் செய்தார்.இன்ஸ்பெக்டர் புவனேஷ்வரி, வழக்கு பதிவு செய்து, பாகலூர் அடுத்த பெலத்தூர் ராஜீவ் நகர் சுப்பிரமணி, உப்பாரப்பள்ளி வெங்கட்ராஜ், முகளூர் முனிரெட்டி, ஜக்கேரி அப்பையா, ஜோலார்பேட்டை அன்புதமிழன் ஆகியோரை தேடி வருகிறார்.இவர்கள், கெலமங்கலம் மட்டுமில்லாது, பாகலூர், பேரிகை, உப்பாரப்பள்ளி உள்ளிட்ட பல்வேறு பகுதியில் பலரை ஏமாற்றியிருப்பது, போலீஸ் விசாரணையில் தெரிய வந்துள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை