district news | சேலம் - கரூர் ரயில் தடத்தில் ரயில்வே அதிகாரிகள் ஆய்வு| Dinamalar

தமிழ்நாடு

சேலம் - கரூர் ரயில் தடத்தில் ரயில்வே அதிகாரிகள் ஆய்வு

Added : டிச 05, 2012
Advertisement
 
 
Advertisement
 
 
Advertisement

சேலம்: சேலம் - கரூர் அகல ரயில்பாதையில், தெற்கு ரயில்வே அதிகாரிகள், பயணிகள் ரயில் இயக்குவது குறித்து நேற்று ஆய்வு நடத்தினர்.சேலம் - கரூர் அகல ரயில்பாதை திட்டம் முடிவடைந்த பின், பல்வேறு ஆய்வுகள் நடத்தப்பட்டது. கடந்த மாதம், சேலம்- கரூர் ரயில் வழித்தடத்தில், சரக்கு ரயில் போக்குவரத்து துவங்கியது. வட மாநிலங்களில் இருந்து, தினமும், தென் மாவட்டங்களுக்கு, மூன்று முறை சரக்கு ரயில் போக்குவரத்து இயக்கப்பட்டு வருகிறது. இந்த வழித்தடத்தில் வரும் ஜனவரி மாதம் முதல், பயணிகள் ரயிலை இயக்க திட்டமிடப்பட்டுள்ளது.நேற்று காலை, 8.30 மணிக்கு, தெற்கு ரயில்வே முதன்மை நிர்வாக அதிகாரி விஜயகுமாரன், சேலம் ரயில்வே கோட்ட தலைமை பொறியாளர் நந்தகுமார் மற்றும் பொறியாளர் பிரிவு அதிகாரிகள், சேலம்- கரூர் ரயில் வழித்தடத்தில், பயணிகள் ரயிலை இயக்குவது குறித்து ஆய்வு நடத்தினர். இரண்டு ரயில் பெட்டிகளுடன் இயக்கப்பட்ட ரயிலில் (இன்ஸ்பெக்ஷன் கோச்) கரூர் நோக்கி புறப்பட்டனர்.சேலம் - கரூர் ரயில் வழித்தடத்தில், தொடர்ந்து ஆய்வு பணிகள் மேற்கொள்ளப்பட்டு, அதன் அறிக்கை, தெற்கு ரயில்வேயின் தலைமை பாதுகாப்பு அலுவலகத்துக்கு அளிக்கப்பட உள்ளது. அங்கிருந்து அனுமதி கிடைத்தவுடன், பயணிகள் ரயில் இயக்கப்படும், என்று ரயில்வே வட்டாரத்தில் தெரிவித்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை