all party meet on telgana | தெலுங்கானா குறித்து விவாதிக்க 28ம் தேதி அனைத்து கட்சி கூட்டம் | Dinamalar

தெலுங்கானா குறித்து விவாதிக்க 28ம் தேதி அனைத்து கட்சி கூட்டம்

Added : டிச 05, 2012
Advertisement
 
 
Advertisement
 
 
 
Advertisement

புதுடில்லி: தெலுங்கானா பகுதியைச் சேர்ந்த காங்கிரஸ் எம்.பி.,க்கள், தெலுங்கானா ராஷ்டிரிய சமிதி கட்சியில் சேரப் போவதாக வெளியான தகவலை அடுத்து, "வரும், 28ம் தேதி, இந்த விவகாரம் குறித்து விவாதிப்பதற்காக, அனைத்து கட்சி கூட்டம், கூட்டப்படும்' என, மத்திய அரசு உறுதி அளித்துள்ளது."ஆந்திராவை இரண்டாக பிரித்து, தெலுங்கானா தனி மாநிலம் அமைக்க வேண்டும்' என, தெலுங்கானா ஆதரவாளர்கள், நீண்ட காலமாக வலியுறுத்தி வருகின்றனர். தெலுங்கானா பகுதியைச் சேர்ந்த, காங்கிரஸ் எம்.பி., மற்றும் எம்.எல்.ஏ.,க்களும், இதே கோரிக்கையை வலியுறுத்தி, ராஜினாமா, உண்ணாவிரதம் உள்ளிட்ட, பல போராட்டங்களை நடத்தியும், மத்திய அரசு, அசைந்து கொடுக்கவில்லை.இந்நிலையில், சில்லரை வர்த்தகத்தில் அன்னிய முதலீட்டை அனுமதித்த விவகாரம் குறித்த ஓட்டெடுப்பை, காங்கிரஸ் கட்சியை சேர்ந்த, தெலுங்கானா பகுதி, எம்.பி.,க்கள் புறக்கணிக்கப் போவதாகவும், சில, எம்.பி.,க்கள், தெலுங்கானா ராஷ்டிரிய சமிதி கட்சியில் சேரப் போவதாகவும், தகவல் வெளியானது.இதனால், காங்கிரஸ் மேலிடம் அதிர்ச்சி அடைந்தது. தெலுங்கானா பகுதி காங்கிரஸ், எம்.பி.,க்களை சமாதானப்படுத்தும் முயற்சி மேற்கொள்ளப்பட்டது. மத்திய உள்துறை அமைச்சரும், காங்., மூத்த தலைவருமான, சுஷில் குமார் ஷிண்டே, இது தொடர்பாக, தெலுங்கானா பகுதி காங்கிரஸ் எம்.பி.,க்களை, நேற்று சந்தித்து பேசினார்.இதன்பின், சுஷில் குமார் ஷிண்டே கூறுகையில், ""தெலுங்கானா விவகாரம் குறித்து விவாதிப்பதற்காக, ஆந்திராவைச் சேர்ந்த, அனைத்து அரசியல் கட்சிகளின் கூட்டத்தை, வரும், 28ம் தேதி கூட்டுவது என, முடிவு செய்யப்பட்டுள்ளது,'' என்றார்.உள்துறை அமைச்சர் உறுதி அளித்துள்ளதை அடுத்து, காங்கிரஸ் எம்.பி.க்கள், தற்காலிகமாக சமாதானம் அடைந்துள்ளனர். வரும், 28ம் தேதிக்கு பின், தெலுங்கானா விவகாரம், மீண்டும் விஸ்வரூபம் எடுக்கும் என, எதிர்பார்க்கப்படுகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை