district news | தண்ணீர் இன்றி வாழை கருகியதால் சங்கரன்கோவில் அருகே விவசாயி தற்கொலை| Dinamalar

சம்பவம் செய்தி

தமிழ்நாடு

தண்ணீர் இன்றி வாழை கருகியதால் சங்கரன்கோவில் அருகே விவசாயி தற்கொலை

Added : டிச 06, 2012
Advertisement
 
 
Advertisement
 
 
Advertisement

சங்கரன்கோவில்:சங்கரன்கோவில் அருகே தண்ணீர் இன்றி வாழை, மக்காச்சோளம் கருகியதால் விவசாயி ஒருவர் தூக்கு போட்டு தற்கொலை செய்து கொண்டார்.
சங்கரன்கோவில் தாலுகாவில் உள்ளது வெள்ளப்பனேரி கிராமம். இந்த ஊரைச் சேர்ந்த தங்கச்சாமி மகன் செந்தூர்பாண்டியன்(45). இவர் விவசாயம் செய்து வருகிறார். சங்கரன்கோவில் தாலுகாவில் பருவ மழை சரிவர பெய்யவில்லை. மழை பெய்யும் என்ற நம்பிக்கையில் கிணற்று தண்ணீரை நம்பி செந்தூர்பாண்டியன் தனது நிலத்தில் 3 ஏக்கர் மக்காச்சோளமும், ஆயிரம் வாழையும் பயிரிட்டார். கிணற்றில் இருந்த தண்ணீரை வைத்து வாழையையும், மக்காச்சோளத்தையும் காப்பாற்றி வந்தார். ஆனால் செந்தூர்பாண்டியன் எதிர்பார்த்தது போல் மழை பெய்யாததால் வாழையும், மக்காச்சோளமும் தண்ணீர் இன்றி கருக தொடங்கியது. இதனால் மனம் உடைந்த செந்தூர்பாண்டியன் தனக்கு சொந்தமான இடத்தில் உள்ள மரத்தில் தூக்கு போட்டு தற்கொலை செய்து கொண்டார்.
இதுதொடர்பாக பனவடலிசத்திரம் இன்ஸ்பெக்டர் ஆதிலிங்கம் போஸ், சப்-இன்ஸ்பெக்டர் மற்றும் போலீசார் விவசாயி செந்தூர்பாண்டியன் உடலை கைப்பற்றி பிரேத பரிசோதனைக்காக சங்கரன்கோவில் அரசு ஆஸ்பத்திரிக்கு அனுப்பி வைத்தனர்.
தற்கொலை செய்து கொண்ட செந்தூர்பாண்டியனுக்கு முத்து(42) என்ற மனைவியும், வளர்செல்வி(25), பிரேமா(15) என்ற மகள்களும், மணிகண்டன்(18) என்ற மகனும் உள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை