New high speed reactors in kalpakkam | கல்பாக்கம் அணுமின்நிலையத்தில் இரு புதிய அதிவேக ஈணுலைகள்| Dinamalar

பொது செய்தி

தமிழ்நாடு

கல்பாக்கம் அணுமின்நிலையத்தில் இரு புதிய அதிவேக ஈணுலைகள்

Added : டிச 13, 2012
Advertisement
 
 
Advertisement
 
 
Advertisement

சென்னை: ""கல்பாக்கம் அணுமின் நிலையத்தில், புதிதாக இரு முன்மாதிரி அதிவேக ஈணுலைகள் நிறுவப்படவுள்ளது,'' என, கல்பாக்கம் அணுமின் நிலைய இயக்குநர் சேத்தல் கூறினார். சென்னை கல்பாக்கத்தில், கதிரியக்க இயற்பியல் குறித்த, 19 வது தேசிய கருத்தரங்கு நேற்று துவங்கியது. மூன்று நாள் நடைபெறும் கருத்தரங்கை துவக்கி வைத்து, அவர் கூறியதாவது:
நிலக்கரி, நீர் மூலம் மின் உற்பத்தி செய்வதற்கான நிலையங்களை அமைக்க ஆகும் செலவை விட, அணு மின் உற்பத்தி நிலையங்களை ஏற்படுத்த, பல மடங்கு செலவாகும். ஜப்பானில் ஏற்பட்ட சுனாமியால், புகுஷிமா அணுமின் நிலையத்தில் விபத்து ஏற்பட்டது. இதன் பின், நாடு முழுவதும் உள்ள, அணு மின் நிலையங்களில் பாதுகாப்பு அதிகரிக்கப்பட்டது.
தற்போதுள்ள பாதுகாப்பை விட, கூடுதலான பாதுகாப்பு ஏற்பாடுகள், கல்பாக்கம் அணுமின் நிலையத்திலும் ஏற்படுத்தப்பட்டு உள்ளது. கல்பாக்கத்தில், புதிதாக இரு முன்மாதிரி அதிவேக ஈணுலைகள் நிறுவப்பட உள்ளது.
இன்னும் மூன்று மாதத்திற்குள், இதுகுறித்து, பொதுமக்களிடம் கருத்து கேட்பு கூட்டம் நடத்தப்படும். பொதுமக்களுக்கு எழும் சந்தேகங்களுக்கு, தெளிவாக விளக்கப்படும். சர்வதேச அளவில், அணு மூலம், ஒரு கிலோ வாட் மின் உற்பத்திக்கு, 2 கோடி ரூபாய்க்கு மேல் செலவாகும். தற்போது, நிறுவப்படவுள்ள ஈணுலைகள் மூலம், மின் உற்பத்திக்கான செலவு பாதியாக குறையும். இவ்வாறு அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை