district news | ரூ. 920 கோடி முதலீட்டில் சூரிய சக்தி பூங்கா திட்டம்| Dinamalar

தமிழ்நாடு

ரூ. 920 கோடி முதலீட்டில் சூரிய சக்தி பூங்கா திட்டம்

Added : டிச 13, 2012
Advertisement
 
 
Advertisement
 
 
Advertisement

சென்னை:தமிழகத்தின் முதல் சூரிய சக்தி பூங்கா, ராமநாதபுரத்தில், 920 கோடி ரூபாயில், அடுத்த ஓராண்டில் அமைகிறது. இதற்கான ஒப்பந்தம், முதல்வர் ஜெயலலிதா முன்னிலையில் நேற்று கையெழுத்தானது.
"தமிழகத்தில் வரும், 11 ஆண்டுகளில், "தமிழ்நாடு தொலை நோக்குத் திட்டம் - 2023'ன் கீழ், சூரிய சக்தி மூலம், 5,000 மெகா வாட் மின் உற்பத்திக்கான, திட்டங்கள் செயல்படுத்தப்படும்' என, முதல்வர் ஜெயலலிதா அறிவித்திருந்தார்.
மேலும், தமிழ்நாடு சூரிய சக்தி கொள்கை - 2012ல், தமிழகத்தில், 2015ம் ஆண்டுக்குள், 3,000 மெகா வாட் சூரிய மின்சக்தி உற்பத்தி செய்யப்படும் என்று அறிவிக்கப்பட்டது,
இதற்காக, தமிழ்நாடு தொழில் வளர்ச்சி நிறுவனம் வாயிலாக, வரும், ஐந்து ஆண்டுகளில், 1,000 மெகா வாட் சூரிய மின்சக்தி உற்பத்தி திட்டங்கள் செயல்படுத்த, சூரிய மின்சக்தி உற்பத்தி பூங்காக்களை, அரசு மற்றும் தனியார் நிறுவனங்கள் உதவியுடன் நிறுவ, தமிழக அரசு உத்தரவிட்டுள்ளது.
இதன்படி, ராமநாதபுரம் மாவட்டம், பரமக்குடியில், 500 ஏக்கர் பரப்பில், 920 கோடி ரூபாய் மதிப்பில், 100 மெகா வாட், சூரிய மின்சக்தி உற்பத்தி செய்யும் வகையில், சூரிய மின்சக்தி பூங்கா அமைக்கப்படுகிறது.
இதற்காக, முதல்வர் ஜெயலலிதா முன்னிலையில், தமிழ்நாடு தொழில் வளர்ச்சி நிறுவனம் மற்றும், "ராசி கிரீன் எர்த் எனர்ஜி' நிறுவனத்திற்கும் இடையில், புரிந்துணர்வு ஒப்பந்தம் தலைமைச் செயலகத்தில் கையெழுத்தானது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை