- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- ஆட்சி என்றைக்கும் நிரந்தரமல்ல: கருணாநிதி மே 22,2013
- நாளுக்கு நாள் அதிகரிக்கும் மின் தேவை: 4 ஆண்டுகளில் 2,500 மெகாவாட் உயர்வு மே 22,2013
- கச்சத்தீவை மீட்க நடவடிக்கை கோரி பிரதமருக்கு ஜெ., கடிதம் மே 22,2013
- பிரதமர் பதவி விலகக்கோரி மே.27 முதல் பா.ஜ., ஆர்ப்பாட்டம் மே 22,2013
- சவுண்டு கொடுக்கற வேலை எல்லாம் எங்கிட்ட வேணாம்' : அமைச்சர் எச்சரிக்கை மே 22,2013
- இன்று
- கடந்த வாரம்
- கடந்த மாதம்
மின்வாரிய இணைப்பிலிருந்து மின்சாரத்தை திருடி, நாஞ்சில் சம்பத் பங்கேற்ற பொதுக்கூட்டத்தை, அ.தி.மு.க.,வினர் நடத்தியது, மக்களிடையே பெரும் அதிருப்தியை ஏற்படுத்தி உள்ளது.
அ.தி.மு.க., இலக்கிய அணி சார்பில், சென்னை மயிலை மாங்கொல்லையில், பொதுக்கூட்டம் நடந்தது. ம.தி.மு.க.,வில் இருந்து விலகி, அ.தி.மு.க.,வில் சேர்ந்த நாஞ்சில் சம்பத்தின் முதல் கூட்டம் என்பதால், அதிக எதிர்பார்ப்பு இருந்தது.
அரசின் சாதனைகளைப் போற்றும் பதாகைகள், அலங்கார விளக்குகள், பொதுக்கூட்ட வரவேற்பு பேனர்கள், வண்ண விளக்குகளால் அலங்கரிக்கப்பட்ட முதல்வரின் உருவ படம், இரட்டை இலை சின்னம் மற்றும் வண்ண, வண்ண விளக்குகள் கொண்ட தோரணங்கள் என, மயிலை மாங்கொல்லை திடலை, அ.தி.மு.க.,வினர் அமர்க்களப்படுத்தி இருந்தனர்.
கச்சேரி சாலை, ராதாகிருஷ்ணன் சாலை உள்ளிட்ட இடங்களில், ஏராளமான அலங்கார விளக்குகளை அமைத்திருந்தனர். மயிலை மாங்கொல்லை திடலுக்கு வரும் வழிகளில், "டியூப்' லைட்டுகளுடன், கட்சிக் கொடியையும் பறக்கவிட்டிருந்தனர்.
கூட்டத்திற்கு பல மணி நேரத்திற்கு முன்பாகவே, அனைத்து அலங்கார விளக்குகளும் ஒளிர்ந்து கொண்டிருந்தது. கூட்டம் முடிந்து, நள்ளிரவுக்கு மேலும் விளக்குகள் எரிந்து கொண்டே இருந்தன. மேடையையும் பச்சை நிற விளக்குகளால் அலங்கரித்திருந்தனர்.
இந்த விளக்குகளுக்கான மின்சாரத்துக்கு, மேடை அருகே மட்டும் "ஜெனரேட்டர்' வைத்திருந்தனர். சாலைகளின் இருபுறங்களிலும் வைக்கப்பட்டிருந்த விளக்குகளுக்கான மின்சாரத்தை, மின்வாரிய லைனிலிருந்து "கொக்கி' போட்டு, எடுத்திருந்தனர்.
மாநிலத்தில் கடும் மின்வெட்டு நிலவும் நேரத்தில், பல ஆயிரம் ரூபாய் செலவிட்டு, "ஜெனரேட்டர்' வைத்து, பொதுக்கூட்டங்கள் நடத்துவதற்கே மக்கள் முகம் சுளிக்கின்றனர்.
இந்நிலையில், மின்வாரிய லைனிலிருந்து, "கொக்கி' போட்டு மின்சாரத்தைத் திருடி, அலங்கார விளக்குகள் அமைத்திருந்தது, மயிலை பகுதி மக்களிடையே பெரும் அதிருப்தியை ஏற்படுத்தி உள்ளது.
சென்னை தவிர்த்து, மற்ற மாவட்டங்களில், 16 மணி நேரத்திற்கும் மேலாக மின்வெட்டு உள்ளது. இதனால், பெரிய வணிக வளாகங்கள் மற்றும் நிறுவனங்கள், அலங்கார விளக்குகளை பயன்படுத்துவதை தவிர்க்க வேண்டும் என, மின்வாரியம் அறிவுறுத்தி வருகிறது.
இந்நிலையில், அ.தி.மு.க., சார்பில் நடந்த கூட்டத்தில், அலங்கார விளக்குகளுக்கு தேவையான மின்சாரத்தை, மின் இணைப்பு பெட்டியில் இருந்து, திருடியள்ளனர். மின்வாரியமும் இதைக் கண்டுகொள்ளவில்லை.
இதுகுறித்து, மின்வாரிய வட்டாரங்கள் கூறுகையில், "பொதுவாக அரசியல் கட்சி கூட்டங்களில் நடப்பதை எங்களால் தடுக்க முடியாது. அதுவும், ஆளும் கட்சிக் கூட்டத்தில், எங்களால் ஒன்றும் செய்யமுடியாது. மின் திருட்டைத் தடுக்க, அமலாக்கப் பிரிவு தனியாக உள்ளது. அப்பிரிவு தான் நடவடிக்கை எடுக்க வேண்டும்,' என்றனர்.
- நமது நிருபர் -
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
இது போன்ற தவறுகளை செய்தவர்களை முதல்வர் கடுமையாக எச்சரிக்க வேண்டும் ,மேலும் இந்த கூட்டத்தில் முறைகேடாக எடுக்க பட்ட மின்சார இழப்பை கட்சி பணத்தில் இருந்து செலுத்த உத்தரவு போட வேண்டும் ,
கொள்ளை கூட்டத்தை, ஒரு வேளை சோற்றிற்கு திருடும் திருடனுடன் ஒப்பிடாதீர்கள். கொள்ளை கூட்டம் வருத்தப்படும்
எவ்வளவோ திருட்டுகளில்,கொள்ளைகளில் ஈடுபட்டு வழக்குகளிலிருந்து தப்பிதித்து கொண்டிருக்கும் அரசியலாளர்களுக்கு இந்தமாதிரி மின்சார திருட்டு எல்லாம்.....ஒன்றுமே இல்லை. ....மின்சாரமே இன்றி தவித்து கொண்டிருக்கும் தமிழ்நாட்டின் வொவ்வொரு குடும்பத்தாரின் மின்சாரம் எரியாத எரிச்சலை நினைக்கும்போது ..............எரிகிற கொள்ளியில் மேலும் எண்ணெய் ஊற்றபடுவது போல தான் தெரிகிறது....இந்த மாதிரியான செயல்கள்....தலைக்கு தெரியாமலா வால் ஆடும்....
இந்த கேவலமான அரசியல் நாட்டை எங்கோ கொண்டுபோய் கொண்டு இருக்கிறது
எல்லா கட்சியலும் எல்லா ஆட்சியிலும் தான் இது நடக்குது. என்னமோ எல்லாரும் சபாஷ் போடறாங்க இதே திமுக ஆட்சியில் எங்க ஏரியாவுல நடந்த மீட்டிங்கில் ....... அப்ப நடக்கலியா........ நாங்கள் பார்த்ததை மட்டும் எங்க ஏரியான்னு சொல்றோம். எல்லா இடத்தலயும் எல்லா ஆட்சியிலும் நடக்கறதுதான் இது. இப்ப எல்லாரும் சொல்றதுக்கு ஒரே பிரச்னை மின் வெட்டு அது மட்டும் சரியாகிட்டா யாரும் எந்த கருத்தும் சொல்ல முடியாது இந்த ஆட்சியை பற்றி.
திமுகவை குறை சொல்லி ஆட்சிக்கு வந்தவர்கள் தங்களது நடவடிக்கையை ஒழுங்காக அமைத்து கொள்ள வேண்டும் என்று மக்கள் எதிர்பார்ப்பதில் தவறில்லையே?...
சில நாட்களாக கவனித்து வருகிறேன். அரசின் குறைகளை சுட்டி காட்டும் வகையில் செய்திகள் அதிக அளவில் வருகின்றனவே என்ன காரணம்...
இப்படி திருட்டு நடந்தால் ஏன் மற்ற கட்சிக்காரங்க ஆளும் கட்சியை சரமாரிய குற்றம் சொல்ல மாட்டாங்க,நாம ஒழுங்கா இருக்கணும்..,
மக்கள் தலையில் மிளகாய் அரைக்கும் அரசாங்கங்கள்..இது ஒரு கண்ணுக்கு தெரிந்த மிக மிக மிக சிறிய ஒரு ஊழல்.தமிழனை போல் ஒரு இளிச்சவாயன் உலகத்தில் எங்கும் இருக்க வாய்ப்பில்லை.
எவ்வளவு பெரிய தப்பு செஞ்சாலும் தப்பில்லை அதைத் தப்புன்னு சொல்றதுதான் தப்பு போகட்டும் கூட்டம் முடியும்போது கூட்டம் நடக்க உதவின பல பேருக்கு நன்றி தெரிவிப்பாங்களே, அதுல மறக்காம மின்வாரியத்துக்கும் தெரிவிச்சாங்களா?
தினமலருக்கு பாராட்டுக்கள் இது எப்படி? மின்சாரம் எட்டா கனியாக இருக்கும் போது இது மன்னிக்க முடியாத குற்றம் தினமலருக்கு சபாஷ்
ஏதோ இந்த தடவை மட்டும் செய்ததைப்போல. எல்லோருடைய கூட்டத்துக்கும் இதுதான் நடக்குது.. மின்வாரியம் தான் ஏன் கண்டுகொள்ளவில்லை என்று பதில் சொல்லவேண்டும்.
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us