OS 10Advertisement
இந்தியர்களுக்கு ஆயுள் அதிகம்; ஆரோக்கியம் குறைவு:ஆய்வில் தகவல்
Advertisement
Advertisement
- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- கெஜ்ரிவாலுடன் விருந்து சாப்பிட 20 ஆயிரம் ரூபாய் கட்டணமாம்! மார்ச் 10,2014
- ரூ.70 கோடி பரிசு பொருட்கள் மகளிர் மேம்பாட்டுக்கு தானம்: மோடி மார்ச் 10,2014
- அம்மி, ஆட்டுக்கல், கிளி, நாய் இலவசம் : அமைச்சர் சிதம்பரம் கிண்டல் மார்ச் 10,2014
- பாரதிய ஜனதாவில் மோதல்இல்லை: முரளி மனோகர் ஜோஷி அறிவிப்பு மார்ச் 10,2014
- தேர்தல் நடத்தை விதிமீறல்:ராகுல் மீது தேர்தல் ஆணையத்திடம் பா.ஜ.க., புகார் மார்ச் 10,2014
- இன்று
- கடந்த வாரம்
- கடந்த மாதம்
கருத்துகள் (8)
கருத்தை பதிவு செய்ய
மாற்றம் செய்த நாள்
14 டிச2012
08:43
பதிவு செய்த நாள்
டிச 14,2012 08:41
டிச 14,2012 08:41
புதுடில்லி : உலகின் பிற நாட்டினரை விட இந்தியர்களின் ஆயுள் காலம் அதிகமாக உள்ளதாகவும், அவர்கள் 40 வயதிற்கும் மேல் வாழ்வதாகவும் சமீபத்திய ஆய்வில் தெரிவிக்கப்பட்டுள்ளது. 1970 ல் இருந்து 2010 ம் ஆண்டு வரை பிறந்தவர்களின் ஆயுள் காலத்தை கணக்கிடுகையில் சராசரியாக ஆண்களின் ஆயுள் 15 வருடங்களும், பெண்களின் ஆயுள் 18 வருடங்களும் அதிகரித்துள்ளது. பிரிட்டனை சேர்ந்த பிரபல மருத்துவ பத்திரிக்கையான லான்செட், 5 ஆண்டுகளுக்கு மேல் இந்தியா உள்ளிட்ட 50 நாடுகளைச் சேர்ந்த சுமார் 300 நிறுவனங்களைச் சேர்ந்த 486 பேரைக் கொண்டு ஆயுட்காலம் குறித்து நடத்திய ஆய்வில் இந்த தகவல் பெறப்பட்டுள்ளது.
இந்தியர்களின் ஆயுட்காலம்:
சராசரியாக இந்திய ஆண்களின் ஆயுட்காலம் 63 வயது வரை வாழ்கின்றனர். அதேசமயம் இந்திய பெண்கள் தங்களின் கணவர்களை விட கூடுதலாக நான்கரை வருடங்கள் வாழ்கின்றனராம். ஆனால் இந்தியர்கள் அவர்களின் வயோதிக காலங்களில் குறைவான ஆரோக்கியத்துடனேயே வாழ்வதாக ஆய்வில் தெரிய வந்துள்ளது.
இந்தியர்களின் ஆரோக்கியம்:
இந்திய ஆண்கள் தங்களின் ஆயுட்காலத்தில் 54.6 வயது வரை நல்ல ஆரோக்கியதுடன் இருப்பதாகவும், கடைசி 9 வருடங்கள் பல்வேறு நோய்களால் பாதிக்கப்படுவதாகவும் தெரிய வந்துள்ளது. அதேசமயம் 67.5 வருடங்களை ஆயுட்காலமாக கொண்ட இந்திய பெண்கள் தங்களின் 57.1 வருடங்கள் வரை நல்ல ஆரோக்கியமாக இருப்பதாகவும், தங்களின் ஆரோக்கியத்தில் தனி கவனம் செலுத்துவதாகவும் ஆய்வு தெரிவிக்கிறது. இவர்கள் தங்களின் இறுதி 10 அல்லது 10.4 வருடங்கள் குறைவான ஆரோக்கியத்தை கொண்டுள்ளனராம். பிற நாட்டவர்களை விட இந்தியர்களின் ஆயுட்காலம் அதிகம் என்பது மகிழ்ச்சி அளிப்பதாக இருந்தாலும், இந்தியர்களின் ஆரோக்கியம் சீனர்கள் மற்றும் அமெரிக்கர்களை விட மிகவும் குறைவு என்பது வேதனை அளிக்கக் கூடிய தகவலாகும்.
ஆரோக்கிய குறைவிற்கான காரணம்:
இந்திய வீடுகளில் எரிக்கப்படும் மரங்கள், கரிகள், சாணம் உள்ளிட்டவைகளே இந்தியர்களின் ஆரோக்கியத்திற்கு பெரும் எதிராக உள்ளதாக தகவல் அறிக்கை தெரிவித்துள்ளது. காற்று மாசுபாடு காரணமாக இந்தியர்களில் பெரும்பாலானோருக்கு உயர் ரத்தஅழுத்த நோயும் ஏற்படுகிறதாம். உணவு தயாரிப்பிற்காக திட எரிபொரு்ளகளை எரிக்கும் போது கார்பன் மோனாக்சைடு, பென்சைன், ஃபார்மால்டிஹைடு உள்ளிட்ட வேதிப் பொருட்கள் காற்றில் கலப்பதன் விளைவாக நிமோனியா, ஆஸ்துமா, பார்வை குறைபாடு, நுரையீரல் புற்றுநோய், காசநோய் உள்ளிட்ட நோய்கள் ஏற்படுவதாக உலக சுகாதாரக் கழகம் ஏற்கனவே எச்சரித்துள்ளது குறிப்பிடத்தக்கது. இந்தியர்களின் உணவில் உள்ள குறைந்த பழங்கள், ரத்தத்தில் அதிகப்படியான குளூக்கோஸ் அளவு, ஆல்கஹால் பயன்பாடு, இரும்புச்சத்து குறைபாடு, தாய்ப்பாலுக்கு மாற்றான உணவு, குறைந்த உடல் உழைப்பு, புகையிலை பயன்படுத்துதல், புகைபிடித்தல் உள்ளிட்டவைகளே அவர்களின் குறைந்த ஆரோக்கியத்திற்கு காரணம். புகையிலை மற்றும் புகைபிடித்தலின் விளைவாக உலக அளவில் 6.3 மில்லியன் பேர் உயிரிழந்துள்ளனர். இவர்களில் பெரும்பாலோனோர் இந்தியர்கள் என்பது குறிப்பிடத்தக்கது.
Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
(8)
- புதியவை
தமிழன் - சென்னை,இந்தியா
புகை பிடித்தலைக் கெட்ட பழக்கமாகக் கருதும் நாம், மூக்கு முட்ட சப்பிடுவதை அவ்வாறு கருதுவதில்லை. நெய்யில் செய்த இனிப்புகள் பண்டங்களை விரும்பி உண்கிறோம். நம் உணவு வகைகள் ஒன்றும் பிரமாதமானவை அல்ல. அதே போல மேலை நாட்டு துரித உணவு வகைகளில் குறைபாடு இருப்பினும், அவர்களது உணவு முறை அனைத்தும் தவறானது அல்ல. அவர்களிடம் பல நாடுகளில் நல்ல முறைகளை ஏற்றுக் கொள்ளும் மனப்பக்குவம் அதிகமாகி வருகிறது. நம்மிடம் அது இல்லை. அப்படியே ஏற்றாலும் அவர்களது கெட்ட பழக்கங்களை விரைவாக ஏற்றுக் கொள்கிறோம்.
Share this comment
Aboobacker Siddeeq - Singapore,சிங்கப்பூர்
மற்ற நாட்டவர்கள் இந்தியர்களின் கலாசாரத்தையும் உணவு பழக்கவழக்கங்களையும் யோகா போன்ற உடற்பயிற்சிகளையும் பின்பற்ற தொடங்கி விட்டனர்... ஆனால் இந்தியர்கள் மேலை நாட்டு நாகரீகத்தையும் பாஸ்ட் பூட் உணவு வகைகளையும் ருசிக்க ஆரம்பித்து விட்டார்கள்... அதனால் வந்ததன் விளைவு இது... இனியும் மோசமாகும்.... விரைவில் வருகிறது வெளிநாட்டில் விலை போகாத பொருட்கள் - சில்லறை வர்த்தகத்தில் அந்நிய முதலீடு திட்டம் மூலம்.. சட்டுன்னு சாப்பிட்டு பொட்டுன்னு போகவேண்டியது தான் பாக்கி....
Share this comment
mrsethuraman - Bangalore,இந்தியா
இன்றைய் காலத்தில் உடல் உழைப்பு அடியோடு நின்று விட்டது. வேலைக்கு செல்லாத பெண்கள் கூட வீட்டு வேலைக்கு வேலைக்காரியை நம்பி இருக்கிறாகள் . எப்போதும் TV அல்லது கம்ப்யூட்டர் முன்பே உட்கார்ந்து கொண்டு Junk உணவை சாப்பிட்டு கொண்டிருந்தால் ஆரோக்கியம் எப்படி வரும் ?
Share this comment
Ravichandran - dar salam ,தான்சானியா
இது போன்ற அய்வூகளை இந்தியர்கள் கவனமாக படித்து ஆரோக்கியத்திற்கு வழி தேடவேண்டும். தினமும் சிறிய உடற்பயிற்சிகள் தேவை.
Share this comment
umapathy - vellore,தாய்லாந்து
நம் இந்தியரின் ஆரோக்கிய குறைபாட்டுக்கு காரணம் உடல் பய்றிசி குறித்த விழிபுனர்வு குறைவு தான். உடல் கல்வி முறையில் மாற்றம் கொண்டு வர வேண்டும்.
Vellore உமாபதி, மலேசியா.
Share this comment
Thiru - Chennai,இந்தியா
வாழ்க வழமுடன் .. வேதாத்திரி மகரிஷியின் காயகல்ப பயிற்சியும், உடற்பயிற்சியும், தியானமும் நல்ல உடல் ஆரோக்கியத்துடனும், மன்த்திடனும் நீண்ட ஆயுளுடனும் வழ வழிவகுக்கும் .. மகரிஷியின் பயிற்சிகள் மதம், மொழி, இனம் எல்லாவடிர்க்கும் அப்பாற்பட்டது... பயில்வோம், வாழ்வோம், நன்மை பயப்போம் ... வாழ்க வையகம், வாழ்க வையகம், வாழ்க வளமுடன்.
Share this comment
Skv - Bangalore,இந்தியா
எத்தனையோ சுகாதாரகீடுகள் இருந்தாலும் பெரும்பாலும் இந்தியர்கள் பலர் ஒழுக்கமா வாழ virmbukiraargal . நல்ல எண்ணம் நல்லமனம் கட்டுப்பாடு (உணவு விஷயத்துலே)கடைபிடிப்பதால் கூட நீண்ட ஆயுள் இருக்கலாம், முக்கியமா சிலர் தவிர பலர் எல்லோரும் நன்னா இருக்கணும்னு வாழ்த்துராக .பி ஹாப்பி லெட் அதர்ஸ் பி ஹாப்பி என்று எண்ணுகிறார்கள்
Share this comment
( OR )Login with
New to Dinamalar ?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
இ-புத்தகம் | வர்த்தகம் | வரி விளம்பரங்கள் | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Dinamalar Publications
Copyright © 2014 Dinamalar - No.1 Tamil website in the world. Designed and Hosted by Web Division,Dinamalar. | Contact us
Copyright © 2014 Dinamalar - No.1 Tamil website in the world. Designed and Hosted by Web Division,Dinamalar. | Contact us