Dinamalar

சென்னையில் இருந்து, மதுரை மற்றும் திருவனந்தபுரத்திற்கு, அதிவேக, "துரந்தோ' ரயில் சேவையை, முதல்வர் ஜெயலலிதா நேற்று துவக்கி வைத்தார். இந்த முறை, ஆட்சி பொறுப்பேற்ற பிறகு, முதல் முறையாக, மத்திய அரசு விழாவில் முதல்வர் பங்கேற்றது, அரசியல் வட்டாரத்தில் திருப்பத்தை ஏற்படுத்துவதாகக் கருதப்படுகிறது.

சென்னை சென்ட்ரலில் இருந்து, கோவை, டில்லி - நிஜாமுதீன் உள்ளிட்ட பகுதிகளுக்கு, இடை நிற்காமல் செல்லும், துரந்தோ ரயில்கள், ஏற்கனவே இயக்கப்பட்டு வருகின்றன. இந்நிலையில், சென்னை சென்ட்ரலிலிருந்து, மதுரை மற்றும் திருவனந்தபுரம் இடையே, துரந்தோ ரயில் சேவை துவக்க, தெற்கு ரயில்வே முடிவெடுத்தது.இந்த

ரயில் சேவையை, முதல்வர் ஜெயலலிதா, நேற்று மாலை, சென்னை சென்ட்ரலில் இருந்து துவக்கி வைத்தார். முதலில், பச்சை விளக்கு, அடுத்ததாக, பச்சைக் கொடியை, முதல்வர் அசைத்ததும், ரயில்கள் புறப்பட்டுச் சென்றன.நிகழ்ச்சியில், தமிழக அமைச்சர்கள், தெற்கு ரயில்வே பொது மேலாளர் விட்டல் உள்ளிட்ட அதிகாரிகள் பங்கேற்றனர். அழைப்பிதழில், தமிழக எம்.பி., கனிமொழியின் பெயர் இடம் பெற்றிருந்தது; ஆனால், அவர் பங்கேற்கவில்லை.

தமிழகத்தை பொறுத்தவரை, மின்சாரப் பிரச்னை, காவிரி நீர்ப் பிரச்னை, பொது வினியோகத் திட்டத்திற்கு மண்ணெண்ணெய் தராதது மற்றும் சில்லரை வர்த்தகத்தில் அன்னிய முதலீடு ஆகியவற்றில், மத்திய அரசை, தமிழக முதல்வர், கடுமையாக விமர்சித்துவருகிறார்.

இந்நிலையில், மத்திய அரசுடன் இணைந்து செயல்படும் வகையில், துரந்தோ ரயில் சேவை துவக்க விழாவில், முதல்வர் ஜெயலலிதா நேற்று பங்கேற்றார்.இதன் மூலம், அடுத்த லோக்சபா தேர்தலில், கூட்டணி திருப்பங்கள் ஏற்படலாம்; புது அணி உருவாகலாம் என, அரசியல் வட்டாரத்தில் பேச்சு எழுந்துள்ளது. விழாவில், முதல்வர் ஜெயலலிதா பங்கேற்றது, காங்கிரசார் மத்தியில் மகிழ்ச்சியை ஏற்படுத்தியுள்ளதாகக் கூறப்படுகிறது.

காங்கிரசுடன் இணக்கம்?
அகில இந்திய அளவில், செல்வாக்குள்ள மாநிலக் கட்சிகளுடன், கூட்டணி