Dinamalar

புதுடில்லி: குஜராத் சட்டசபை தேர்தலில் பா.ஜ. அமோக வெற்றி பெறும், என்றும் ஆளும் பா.ஜ., மற்றும் காங்கிரஸ், எத்தனை இடங்களை பிடிக்கும் என பணம் செலுத்தி சூதாட்டம் பெட் கட்ட துவங்கியுள்ளனர். இதே நேரத்தில் இங்கு மீண்டும் மோடியே முதல்வராவார் என பா.ஜ. மூத்த தலைவர் அருண்ஜேட்லி கூறியுள்ளார்.
குஜராத் சட்டசபைக்கு இரு கட்டங்களாக தேர்தல் தேதி அறிவிக்கப்பட்டிருந்தது. முதல் கட்ட தேர்தல் கடந்த 13-ம் தேதி நடந்தது. இரண்டாம் கட்டமாக நாளை (17-ம் தேதி ) நடக்க உள்ளது. நேற்றுடன் பிரசாரம் ஓய்ந்தது.இதில் பா.ஜ., காங்., ஜி.பி.பி. (குஜராத் பரிவர்த்தன் கட்சி) என மும்முனைப்போட்டி நிலவுகிறது. எனினும் பா.ஜ.வின் செல்வாக்குமிக்க தலைவரான முதல்வர் நரேந்திர மோடிக்கு வாய்ப்பு உள்ளதாக தகவல்கள் கூறுகின்றன.

மீண்டும் மோடி தான் முதல்வர்:

இந்நிலையில் பா.ஜ. மூத்த தலைவரும், பார்லிமென்ட் ராஜ்யசபா எதிர்க்கட்சித்தலைவருமான அருண்ஜேட்லி நிருபர்களிடம் கூறியதாவது; கடந்த 10 வருடங்களாக குஜராத்தில் நல்லாட்சி நடத்தி வரும் முதல்வர் நரேந்திரமோடி குறித்து, குஜராத் மக்களிடம் பெய்யான தகவல்களை காங். பரப்பி வாக்காளர்களை குழுப்புகிறது.

அதனை குஜராத் மக்கள் நம்பமாட்டார்கள். தேர்தல் முடிவுகள் பா.ஜ.விற்கு தான் சாதமாக அமையும். மீண்டும் பா.ஜ. அமோக வெற்றி பெற்று முதல்வராக நரேந்திரமோடி வருவார். மத்தியில் நடக்கும் காங். ஆட்சியால் மக்கள் அதிருப்தியில் உள்ளனர்.இது 20-ம் தேதி வெளிவரப்போகும் இமாச்சல், குஜராத் சட்டசபை தேர்தல் முடிவுகளில் தெரியும். முந்தைய தேர்தலை காட்டிலும் இம்முறை குஜராத்தில் 7 சதவீதம் கூடுதலாக பதிவாகியுள்ளது முதற்கட்ட வாக்குப்பதிவில் ‌தெரியவந்துள்ளது.இதில் பெரும்பான்மை வாக்குகள் பா.ஜ.விற்கு தான் பதிவாகியுள்ளது. இதன் மூலம் பா.ஜ.வின் வெற்றி உறுதியாகியுள்ளது. மீண்டும் மோடி முதல்வராக பதவி ஏற்பார் என்றார்.

இதற்கிடையில் அங்குள்ள வாக்காளர்கள் யாருக்கு எத்தனை சீட் கிடைக்கும் என 100 முதல் ஆயிரம் வ‌ரை பெட் கட்ட துவங்கியுள்ளனர். அவரவர் தகுதிக்கு ஏற்றால் போல பெட் கட்டி வருகின்றனர். இது மாநிலம் முழுவதும் பரவலாக பரவி வருகின்றன.